पायलटची मुख्यमंत्रीपदासाठी लॉबिंग, हायकमांडकडून नव्या जबाबदारीचे संकेत

सूत्रांनी दिलेल्या माहितीनुसार, सचिन पायलट यांनी काँग्रेसच्या सर्व गटातील आमदारांशी बोलणे सुरू केले आहे. एकेकाळी त्यांचे कट्टर विरोधक मानल्या जाणाऱ्या आमदारांचा यात समावेश आहे. त्याचवेळी बदललेल्या राजकीय समीकरणांचे संकेत म्हणून याकडे पाहिले जात आहे.

नवी दिल्ली – काँग्रेस नेते राहुल गांधींनी अध्यक्ष होण्यास नकार दिल्याने आणि अशोक गेहलोत यांनी उमेदवारी दाखल करण्याच्या घोषणेदरम्यान काँग्रेस नेते सचिन पायलट यांनी राजस्थानमधील आमदारांशी चर्चा सुरू केली आहे. पायलटची नजर राजस्थानमध्ये रिक्त झालेल्या मुख्यमंत्रिपदाच्या खुर्चीवर आहे.

सूत्रांनी दिलेल्या माहितीनुसार, सचिन पायलट यांनी काँग्रेसच्या सर्व गटातील आमदारांशी बोलणे सुरू केले आहे. एकेकाळी त्यांचे कट्टर विरोधक मानल्या जाणाऱ्या आमदारांचा यात समावेश आहे. त्याचवेळी बदललेल्या राजकीय समीकरणांचे संकेत म्हणून याकडे पाहिले जात आहे. राहुल गांधी यांची भेट घेतल्यानंतर सचिन पायलट सक्रिय झाल्याचे दिसून येत आहे. १९ ऑक्टोबरला काँग्रेसच्या नव्या अध्यक्षांची घोषणा झाल्यानंतरच याबाबतचा अंतिम निर्णय घेतला जाणार आहे.

राजकीय वादाच्या पार्श्वभूमीवर अशोक गेहलोत यांनी दैनिक भास्करचे राज्य संपादक (प्रिंट) मुकेश माथूर यांच्याशी संवाद साधला आहे. संभाषणात गेहलोत म्हणाले की, मी अध्यक्ष झालो तर खुर्ची सोडेन. नव्या मुख्यमंत्र्यांबाबत ते म्हणाले की, हा निर्णय हायकमांडच घेईल.