शुक्रवार, 16 ऑक्टोबर 2026
संसदेतील सुरक्षा भंगप्रकरणी (Parliament Security Breach) मोठी अपडेट समोर येत आहे. या प्रकरणी आतापर्यंत पाच जणांना अटक करण्यात आली होती. आता प्रकरणातील सहावा आरोपी संसदेत घुसखोरीची योजना आखणारा आरोपी महेश कुमावत यालाही अटक करण्यात आली आहे. घटनेपासून हा आरोपी फरार होता. आता या प्रकरणी सहा आरोपींना अटक करण्यात आली आहे. या प्रकरणात मास्टरमाइंड ललित झा याने महेश आणि कैलाश नावाच्या दोन तरुणांचीही नावे घेतली होती.
[read_also content=”इस्रायलने गाझा पट्टीवर पु्न्हा हवाई हल्ला, किमान 14 पॅलेस्टिनी नागरिक ठार! https://www.navarashtra.com/india/14-palatines-died-in-israel-airstrike-at-gaza-489477.html”]
संसदेच्या सुरक्षेचा भंग करणारा मास्टरमाईंड ललित झा याने सुरक्षा यंत्रणांना सांगितले आहे की, त्याला अराजकता पसरवण्याचा प्रयत्न करायचा होता. आपली मागणी सरकारकडून पूर्ण करून घ्यायची असल्याचे त्यांनी सांगितले आहे. दिल्ली पोलिसांनीही या गोष्टी न्यायालयाला सांगितल्या आहेत. आरोपींच्या चौकशीदरम्यान, हे देखील समोर आले आहे की त्यांनी 13 डिसेंबरची तारीख जाणूनबुजून निवडली होती कारण त्यांना 2001 चा हल्ला पुन्हा घडवायचा होता. सागर शर्मा, मनोरंजन डी, अमोल शिंदे, नीलम आझाद आणि ललित झा या पाच आरोपींनी सुरक्षा यंत्रणांना अनेक महत्त्वाची माहिती दिली आहे. पोलिसांनी सहाव्या आरोपीलाही अटक केली आहे.
