हरिद्वार : विज्ञान तंत्रज्ञानाच्या आधुनिक युगामध्ये देखील अंधश्रद्धेवर (Superstitions) विश्वास ठेवणारे अनेक लोक आहेत. यामधून देशभरामध्ये अनेक लोकांचा हाकनाक बळी देखील जात असतो. अशीच धक्कादायक घटना हरिद्वारमधून (Haridwar) समोर आली आहे. आजार बरा करण्यासाठी पोटच्या मुलाला आईने गंगेमध्ये बुडवले आणि त्यामध्ये मुलाचा दुर्देवी मृत्यू झाला (Haridwar Crime Case) आहे. या घटनेवर देशभरातून संतप्त प्रतिक्रिया समोर येत आहे.
हरिद्वारमध्ये गंगा स्नान (Ganga Snan) करणे अगदी साहजिक मानले जाते. एका आई आपल्या मुलासह गंगास्नानसाठी घाटावर उतरली. लोकांना सुरुवातीला गंगास्नान करत असल्याचे वाटले मात्र खूप वेळानंतर देखील मुलाला नदीबाहेर न काढता त्याला बुडवून ठेवत असल्यामुळे लोकांनी त्या महिलेला विचारणा करण्यास सुरुवात केली. याचा व्हिडिओ देखील सोशल मीडियावर व्हायरल झाला आहे.
या महिलेने आपल्या मुलाला गंभीर आजार आहे तो बरा व्हावा यासाठी गंगा नदीच्या पवित्र पाण्यामध्ये स्नान घालत असल्याचे सांगितले. मात्र तिच्या धारणेमुळे महिलेने तिच्या अगदी पाच वर्षाच्या मुलाला खूप वेळ पाण्यामध्ये बुडवून ठेवले. यामुळे आसपासच्या लोकांनी त्या दांपत्यांसोबत हुज्जत घालायला सुरुवात केली. एका माणसाने पुढाकार घेत त्या मुलाला जबरदस्तीने बाहेर काढले आणि पोलिसांना याबाबत माहिती दिली. चिमुकल्याला पाण्याबाहेर काढल्यानंतर बराच वेळ त्याची आई त्याला मांडीवर घेऊन विमनस्क अवस्थेत हसत असल्याचं दिसून आलं. आपला मुलगा आत्ता उठून उभा राहील, असं वारंवार म्हणत ही महिला मधूनच हसत असल्याचंही दिसून आलं. पोलिसांनी तातडीने मुलाला रुग्णालयामध्ये दाखल केले. मात्र तोपर्यंत त्या चिमुकल्याचा दुर्दैवी मृत्यू झाला होता.
#Haridwar अंधविश्वास ने एक 7 साल के बच्चे की जान ले ली …!! ब्लड कैंसर से पीड़ित बच्चे को उसकी मौसी ने चमत्कार की आस में करीब पांच मिनट तक गंगा में डुबकियां लगवा दीं ….!! बच्चे की मौत हो गई है ….!! pic.twitter.com/kLCPcHsIY8 — Firdaus Fiza (@fizaiq) January 24, 2024
वृत्तवाहिनीने दिलेल्या माहितीनुसार, सदर मुलाला रक्ताचा कर्करोग झाला होता. गंगेवर येण्याआधी या दाम्पत्यानं मुलाला रुग्णालयात दाखवलं होतं. मात्र, डॉक्टरांनी त्याची परिस्थिती गंभीर असल्याचे स्पष्ट सांगितले. त्यानंतर हे दाम्पत्य गंगेत स्नान केल्यानं मुलाचा आजार बरा होईल, या धारणेतून तिथे आलं आले आणि पुढे हा सगळा प्रकार घडला. पोलीस या प्रकरणाचा पुढील तपास करत असून गुन्हा देखील दाखल करण्यात आला आहे.
