योगी आदित्यनाथ की अमित शहा? मोदींचा उत्तराधिकारी कोण असेल? RSS प्रमुख मोहन भागवत यांनी दिले स्पष्ट उत्तर

Mohan Bhagwat News: पंतप्रधान मोदींच्या जागी कोण येणार याची चर्चा राजकीय वर्तुळात बऱ्याच काळापासून सुरू आहे. या चर्चेत उत्तर प्रदेशचे मुख्यमंत्री योगी आदित्यनाथ आणि केंद्रीय गृहमंत्री अमित शहा यांची नावे पुढे आहे.

 

• ‘मोदींनंतर कोण कोण असेल उत्तराधिकारी?’
• RSS प्रमुख मोहन भागवत यांचे मोठे विधान
• तमिळनाडूत RSS च्या मर्यादित उपस्थितीवर भाष्य

Who will be Modi’s Successor Marathi News: पंतप्रधान नरेंद्र मोदी (PM Narendra Modi) यांच्यानंतर देशाचे नेतृत्व कोण करणार, याबद्दल देशातील राजकीय वर्तुळात गेल्या काही काळापासून जोरदार चर्चा सुरू आहे. उत्तर प्रदेशचे मुख्यमंत्री योगी आदित्यनाथ (Yogi Adityanath) आणि केंद्रीय गृहमंत्री अमित शाह (Amit Shah) यांच्यासह केंद्रीय मंत्री नितीन गडकरी (Nitin Gadkari) आणि राजनाथ सिंह (Rajanath Singh) यांची नावेही चर्चेत आहेत. दरम्यान, राष्ट्रीय स्वयंसेवक संघाचे (RSS) प्रमुख मोहन भागवत (Mohan Bhgwat) यांनी सोमवारी तमिळनाडूची राजधानी चेन्नई येथे आरएसएसच्या शताब्दीनिमित्त आयोजित कार्यक्रमात सहभाग घेतला. या कार्यक्रमात भागवत यांनी अनेक महत्त्वाच्या प्रश्नांवर आपले मत व्यक्त केले.

‘मोदींचा उत्तराधिकारी कोण असेल?’ Who will be Modi’s Successor?

पंतप्रधान नरेंद्र मोदींची जागा कोण घेईल, असे विचारले असता, भागवत यांनी स्पष्ट केले की, या प्रकरणाचा अंतिम निर्णय भारतीय जनता पक्ष (BJP) आणि पंतप्रधान मोदी यांच्यातील परस्पर चर्चेनंतर घेतला जाईल. भागवत म्हणाले की, ही संपूर्ण प्रक्रिया पक्षाच्या धोरण आणि शिस्तीनुसारच असेल. त्यांनी योगी आदित्यनाथ किंवा अमित शाह यांच्यापैकी कोणाचेही थेट नाव घेतले नाही.

हे देखील वाचा: Mohan Bhagwat News: हिंदू असण्याचा अर्थ भारतासाठी जबाबदार असणे..; मोहन भागवतांचे सूचक विधान

तमिळनाडूत RSS च्या मर्यादित उपस्थितीवर भाष्य

भागवत यांनी तमिळनाडूमध्ये आरएसएसच्या मर्यादित उपस्थितीवरही भाष्य केले. ते म्हणाले, “राज्यात राष्ट्रवादी भावना १००% अस्तित्वात आहे, परंतु काही कृत्रिम अडथळे ही भावना पूर्णपणे प्रकट होण्यापासून रोखत आहेत.” भागवत यांनी आश्वासन दिले की, हे अडथळे फार काळ टिकणार नाहीत आणि ते दूर करण्यासाठी प्रयत्न सुरू आहेत. तमिळनाडूचे लोक त्यांच्या संस्कृती, परंपरा आणि राष्ट्रहितासाठी समर्पित आहेत आणि ही मूल्ये आणखी मजबूत करणे महत्त्वाचे आहे.

लोकांना परंपरा जपण्याचे आवाहन

आरएसएस प्रमुखांनी तमिळनाडूतील जनतेला त्यांची मातृभाषा बोलण्याचे आणि पारंपरिक जीवनशैली टिकवून ठेवण्याचे आवाहन केले. लोक तमिळमध्ये स्वाक्षरी करण्यास का कचरतात, असा प्रश्न त्यांनी उपस्थित केला. भागवत यांनी सर्व भारतीय भाषांना समान महत्त्व दिले, कारण त्या आपल्या सांस्कृतिक ओळखीचा आणि अभिमानाचा भाग आहेत. त्यांनी दक्षिण भारतीय राज्यांच्या संस्कृतीचे प्रतीक असलेल्या पारंपरिक पोशाख “वेष्टी” चे कौतुक केले. भारतीय संस्कृतीची ही विविधता जपणे आणि प्रोत्साहन देणे समाज आणि देश दोघांसाठीही महत्त्वाचे आहे, असे त्यांनी स्पष्ट केले.

हे देखील वाचा: RSS 100 years : ‘जे देशभक्त ते युद्धात अन् देशद्रोही ते संघात गेले…; कॉंग्रेसने संघशताब्दीदिनी RSS ला दाखवला आरसा