Abhijit Deepke’s First Post: “हाताला पट्टी… हातात संविधान!” अभिजीत दीपके यांच्या एका पोस्टने वेधलं सर्वाचे लक्ष

Abhijit Deepke's First Post: दिल्लीतील विद्यार्थी आंदोलनानंतर केंद्रीय शिक्षण मंत्री धर्मेंद्र प्रधान यांनी राजीनामा दिल्याची घोषणा करण्यात आली. या निर्णयानंतर जंतर-मंतर येथे विद्यार्थ्यांनी जल्लोष साजरा केला. दरम्यान, क्रॉकोज जनता पार्टीचे संस्थापक अभिजित दीपके यांनी सोशल मीडियावर एक पोस्ट शेअर केली.

• विद्यार्थी आंदोलनानंतर केंद्रीय शिक्षण मंत्री धर्मेंद्र प्रधान यांनी राजीनामा दिला
• सरकारच्या निर्णयानंतर जंतर-मंतर येथे विद्यार्थ्यांनी जल्लोष साजरा केला.
• क्रॉकोज जनता पार्टीचे संस्थापक अभिजित दीपके यांनी आंदोलनातील संघर्ष दर्शवणारी पोस्ट शेअर
• सोशल मीडियावर चर्चेचा विषय ठरली आहे.

Abhijit Deepke’s First Post After Dharmendra Pradhan’s Resignation: दिल्लीत सुरू असलेल्या विद्यार्थी आंदोलनाला मोठे यश आले आहे. धर्मेंद्र प्रधान यांनी अखेर केंद्रीय शिक्षण मंत्रीपदाचा राजीनामा दिला आहे. केंद्र सरकारने धर्मेद्र प्रधान यांना पदावरून हटवले आहे. विद्यार्थ्यांनी सरकारसमोर तीन प्रमुख अटी ठेवल्या होत्या. यात धर्मेंद्र प्रधान यांच्या राजीनाम्याची प्रमुख अट होती. सरकारसोबत काल च्या बैठकीनंतर आज दुपारी साडेतीन वाजेपर्यंत सरकारला अल्टीमेटम देण्यात आला होता. आज पुन्हा बैठक होणार होती. पण आजच्या बैठकीपुर्वीच सरकारने धर्मेद्र प्रधान यांचा राजीनामा घेत त्यांना पदावरून हटवण्याचा निर्णय जाहीर केला. सरकारच्या निर्णयानंतर जंतर मंतरवर मोठा जल्लोष पाहायला मिळाला. क्रॉकोज जनता पार्टीचे संस्थापक अभिजित दीपके यांने एक पोस्ट शेअर केली आहे. या पोस्टमधून आंदोलन करताना झालेला त्रास दर्शवत आहे.

काय आहे अभिजित दीपके यांची पोस्ट…

गेल्या 36 दिवसांपासून आंदोलन सुरु होते. यामध्ये दिल्लीतील पोलिसांनी विद्यार्थ्यांवर जोरदार मारहाण करण्यात आली. खाणे- पाणी सगळे बंद करुन विद्यार्थ्यांना त्रास देण्यात आला. हे सर्व असताना मात्र विद्यार्थ्यांनी आंदोलन मागे घेतले नाही. अभिजित दीपके यांच्या पोस्टमध्ये हाताला पट्टी बांधली असून हातात संविधान घेत Thank You असे लिहित पोस्ट शेअर केली आहे.

Thank you pic.twitter.com/AfQVVVTa10 — Abhijeet Dipke (@abhijeet_dipke) July 25, 2026

चर्चेच्या केंद्रस्थानी

एकंदरीत, विद्यार्थी आंदोलनानंतर घडणाऱ्या प्रत्येक घडामोडीकडे देशाचे लक्ष लागले आहे. सोशल मीडियावरील पोस्ट, विविध नेत्यांची वक्तव्ये आणि कलाकारांच्या प्रतिक्रिया यामुळे हा विषय अजूनही चर्चेच्या केंद्रस्थानी आहे. पुढील काळात विद्यार्थ्यांच्या मागण्यांवर काय निर्णय होतात आणि शिक्षण व्यवस्थेत कोणते बदल केले जातात, याकडे सर्वांचे लक्ष असेल.

मराठमोळ्या अभिजीत दिपकेसाठी दाक्षिणात्य अभिनेत्रीची खास पोस्ट! ज्योतिका म्हणते, “मला माझ्या मुलाला तुझ्यासारखा…”

विद्यार्थ्यांच्या मागण्यांना समर्थन

या आंदोलनात देशभरातील अनेक विद्यार्थी संघटना आणि विविध क्षेत्रातील व्यक्तींनीही पाठिंबा दिला होता. काही कलाकारांनी सोशल मीडियावरून विद्यार्थ्यांच्या मागण्यांना समर्थन दिले, तर काहीजण प्रत्यक्ष आंदोलनस्थळी पोहोचले. त्यामुळे या आंदोलनाची चर्चा केवळ राजधानीपुरती मर्यादित न राहता देशभरात झाली. सोशल मीडियावरही या घडामोडींवर मोठ्या प्रमाणात प्रतिक्रिया उमटत आहेत. काही जण विद्यार्थ्यांच्या संयम आणि एकतेचे कौतुक करत आहेत, तर काहींच्या मते शिक्षण व्यवस्थेतील उर्वरित प्रश्नांवरही तितक्याच गांभीर्याने काम होणे आवश्यक आहे. त्यामुळे हा विषय अजूनही चर्चेच्या केंद्रस्थानी आहे.

“My Dear Cockroach….” म्हणत प्रकाश राज यांनी पोस्ट टाकत cjpचे केले अभिनंदन