Maharashtra Politics: शिंदेंची खेळी अन् शरद पवारांना दणका; 6 माजी नगरसेवकांचा शिवसेनेत प्रवेश

ठाण्यामधून एक मोठी बातमी समोर आली आहे. ठाण्यामध्ये राष्ट्रवादी कॉंग्रेस शरद पवार गटाला एकनाथ शिंदेंनी मोठा धक्का दिला आहे. सहा माजी नगरसेवकांनी आज उपमुख्यमंत्री एकनाथ शिंदे यांच्या उपस्थितीत शिवसेनेमध्ये प्रवेश केला.

शिंदेंची खेळी अन् शरद पवारांना दणका (फोटो सौजन्य-X)

Follow Us:

Follow Us:

Maharashtra Politics news in Marathi : काही दिवसांपूर्वीच सर्वोच्च न्यायालयाने स्थानिक स्वराज्य संस्थांच्या निवडणुकांबाबत एक मोठा निर्णय दिला. महाराष्ट्रात स्थानिक स्वराज्य संस्थांच्या निवडणुका पुढील चार महिन्यांत घेण्याच्या शक्यतेबाबत सर्वोच्च न्यायालयाने असा आदेश दिला आहे आणि त्याबाबतची अधिसूचना पुढील चार आठवड्यात जारी करावी. अशामध्ये आता राज्यात यासाठी सर्व पक्षांनी कंबर कसली आहे. याचपार्श्वभूमीवर कल्याण-डोंबिवली लोकसभा क्षेत्रातील कळवा, खारेगाव, विटावा परिसरातील सहा माजी नगरसेवकांनी आज (8 मे) शिवसेनेचे मुख्यनेते व राज्याचे उपमुख्यमंत्री एकनाथ शिंदे यांच्या उपस्थितीत शिवसेनेमध्ये प्रवेश केला. यावेळी शिवसेना खासदार नरेश म्हस्के, शिवसेना सचिव राम रेपाळे उपस्थित होते. नगरसेवकांच्या पक्ष प्रवेशाने पालिका निवडणुकीपूर्वी ठाण्यात शिवसेना आणखी भक्कम झाली आहे. राष्ट्रवादी शरद पवार गटाला खिंडार पडले असून कळवा मुंब्रा विधानसभेचे राष्ट्रवादीचे आमदार जितेंद्र आव्हाड यांच्यासाठी मोठा धक्का आहे.

‘या’ किल्ल्यावर भगवा ध्वज जीर्ण अवस्थेत; मनसेचा मनपा प्रशासनाला इशारा 24 तासांत ध्वज बदला अन्यथा….

आज ठाणे मनपाचे माजी विरोधी पक्षनेते मिलिंद पाटील, माजी नगरसेविका मनाली पाटील, माजी नगरसेवक महेश साळवी, माजी नगरसेविका मनिषा साळवी, माजी नगरसेविका व ठाणे महिला राष्ट्रवादी शरद पवार गटाच्या कार्याध्यक्षा सुरेखा पाटील, माजी नगरसेवक सचिन म्हात्रे यांनी भगवा झेंडा हाती घेऊन शिवसेनेमध्ये प्रवेश केला. ठाणे जिल्ह्यातील अनेक तालुक्यांतून दररोज शेकडो कार्यकर्ते शिवसेनेत प्रवेश करत आहेत. ठाणे जिल्हा हा धर्मवीर आनंद दिघे आणि शिवसेनेचा गड आहे. ठाणे महानगरपालिकेतील 78 नगरसेवक शिवसेने सोबत आहेत. निवडणुका डोळ्यासमोर ठेवून शिवसेना कधी काम करत नाही. शिवसेनेचे काम वर्षाचे बारा महिने ३६५ दिवस सुरु असते याचा अनुभव जनतेने घेतलाय. त्यामुळेच एकनाथ शिंदे यांच्या नेतृत्वावर विश्वास ठेवून विविध पक्षातील लोकप्रतिनिधी शिवसेनेत प्रवेश करत आहेत.

ठाणे जिल्ह्यात दररोज शेकडो कार्यकर्ते शिवसेनेत प्रवेश करत आहेत. ठाणे जिल्हा हा धर्मवीर आनंद दिघे आणि शिवसेनेचा गड मानला जातो. ठाणे महानगरपालिकेतील 78 नगरसेवक शिवसेनेसोबत आहेत. निवडणुका डोळ्यासमोर ठेवून शिवसेना कधी काम करत नाही. शिवसेनेचे काम वर्षाचे बारा महिने 365 दिवस सुरु असते याचा अनुभव जनतेने घेतलाय. त्यामुळेच एकनाथ शिंदे यांच्या नेतृत्वावर विश्वास ठेवून विविध पक्षातील लोकप्रतिनिधी शिवसेनेत प्रवेश करत आहेत. यावेळी खासदार नरेश म्हस्के, आमदार बाबुराव कदम कोहळीकर, शिवसेना सचिव राम रेपाळे, माजी नगरसेवक योगेश जानकर तसेच शिवसेना पदाधिकारी आणि शिवसैनिक उपस्थित होते.

महालक्ष्मी दर्शनासाठी निघालेल्या कारचा मंगळवेढ्याजवळ भीषण अपघात; हैद्राबाद येथील दाम्पत्य…

Web Title: Ncp sp ex corporators joined eknath shinde shivsena in thane news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com