सत्तेसाठी पक्ष बदलणाऱ्या नितेश राणेंना माझ्या निष्ठेबद्दल बोलण्याचा अधिकार नाही – आमदार वैभव नाईक

जे गेल्या १५ वर्षात सत्तेसाठी नितेश राणे अनेक पक्ष बदलत राहिले असल्याची टिका वैभव नाईक यांनी भाजपा आमदार नितेश राणे प्रतिउत्तर देत केले आहे.

मी गेली १५ वर्ष शिवसेना पक्षासोबत काम करत आहे. त्याचाच नितेश राणेंना पोटसुळ येत आहे. मी कोणालाही भेटताना चोरुन भेटत नाही. मी पालकमंत्र्यांना नियोजित दौऱ्यामध्ये शासकीय विश्रामगृहावर विकासकामांसदर्भात अधिकाऱ्यांसमोरच भेटलो. नितेश राणेंच्या मतदारसंघातील त्यांच्या डोळ्या समोरील असलेल्या शासकीय विश्रागृहात भेटलो आहे. माझ्या निष्ठेवर नितेश राणेंना बोलण्याचा कोणताही अधिकार नाही. जे गेल्या १५ वर्षात सत्तेसाठी नितेश राणे अनेक पक्ष बदलत राहिले असल्याची टिका वैभव नाईक यांनी भाजपा आमदार नितेश राणे प्रतिउत्तर देत केले आहे.

कणकवली पत्रकार परिषद
गेले १५ वर्ष मी उध्दव बाळासाहेब ठाकरे यांच्या नेतृत्वाखाली शिवसेनेमध्ये काम करतोय आणि ज्यावेळी कामाला सुरुवात केली त्यावेळी कुठलीही सत्ता शिवसेनेबरोबर नव्हती. आज दोन वेळा मी आमदार झालो आहे आणि लोकांनी माझ्या निष्ठेवर विश्वास ठेवल्यामुळेच मी आमदार झालो आहे. याची मला पुर्ण जाणीव आहे आणि येणा-या काळामध्ये सुध्दा उध्दव बाळासाहेब ठाकरेंसोबतच मी राहणार आहे. हे मला वारंवार नितेश राणेंनी सांगण्याची काही गरज नाही. कारण नितेश राणे हे प्रत्येक निवडणूकीमध्ये पक्ष बदलत असतात. त्यांनी स्वत: एक पहिली निवडणूक त्यांनी काँग्रेसच्या चिन्हावर लढवली. दुसरी त्यांच्या स्वाभिमानच्या चिन्हावर त्यांच्या भावाने लढवली. दुसरी विधानसभा निवडणूक त्यांनी भाजपाच्या चिन्हावर लढवली. त्यामुळे सत्ता जिथे असेल तिथे हे राणे कुटुंबिय असतात, अशी टिका आमदार वैभव नाईक यांनी केली.

राणेंची सत्ता आणि त्यांच नात जवळच आहे. त्यामुळे राणेंचा निष्ठेशी नात कुठलाही दुरान्वये संबंध नाही. त्यामुळे नितेश राणेंनी आमच्या निष्ठेवर बोलण्यापेक्षा १५ वर्षांत किती पक्ष बदललात? ज्या ज्या पक्षाची सत्ता होती त्या त्या पक्षांमध्ये तुम्ही गेलात. त्यामध्ये शिवसेना, कॉग्रेस, भाजप त्या सगळ्या सत्तेचा वापर करुन आज तुम्ही सत्तेसाठीच आहात. असा टोलाही आ. वैभव नाईक यांनी लगावला.