नव्या नात्याची सुरवात करताय?; मग या गोष्टी ठेवा ध्यानात

Follow Us:

Follow Us:

आजकाल तरुणाई जितक्या घाईने रिलेशीपमध्ये अडकण्यासाठी उत्सुक असतात तितकेच झटपट ब्रेकअप होण्याचे प्रमाणही अधिक आहे. सतत नात्यामध्ये होणारी फसवणूक, अपेक्षाभंग आणि ताणतणावातून नैराश्य वाढण्याचीही भीती असते. एका संशोधनामध्ये 43 विविध जोड्यांचा समावेश करण्यात आला होता. 10 वर्ष नात्यामध्ये राहून वेगळ्या झालेल्या जोड्यांचाही अभ्यास करण्यात आला. सर्वेक्षणानुसार ज्या जोड्यांच्या नात्यामध्ये खुलेपणा, मैत्री, एकमेकांबाबत आदर आहे त्यांचे नाते अधिक काळ टिकले आहे. मात्र, या  शोधादरम्यान साऱ्यांसमोरच प्रश्न उभे राहिले आहेत.

आपण सारखेच आहोत?
सर्वेक्षणानुसार, यशस्वी जोडप्यांमध्ये सुरुवातीला चांगली मैत्री झाली. कालांतराने त्यांचा बॉन्ड अधिक घट्ट होत गेला. त्यामुळे नात्याचा गंभीरपणे विचार करण्यापूर्वीच दोघांनीही आपले नाते दोस्तीवर अवलंबून आहे का? हा प्रश्न एकदा स्वतःला नक्की विचारला पाहिजे.

मैत्री दृढ आहे का?
मैत्री चांगली असेल तर कठीण प्रसंगातही तुम्ही डगमगत नाही. संशोधनाच्या निष्कर्षानुसारही कालांतराने वेगळ्या झालेल्या जोड्यांमध्ये मैत्री कमी असल्याचे दिसून आले आहे.

सारख्याच गोष्टी आवडतात?
संशोधनाच्या रिपोर्टनुसार, दीर्घकाळ नाते टिकणाऱ्यांमध्ये दोघेही एकमेकांसोबत त्यांची स्वप्न, आशा अपेक्षा, नात्यांबाबत चर्चा करतात.

अपेक्षा योग्य आहेत का?
संशोधकांच्या अहवालानुसार, दीर्घकाळ नातं टिकून राहिलेल्या जोड्यांमध्ये त्यांच्या नात्याबाबत, लग्नाबाबत योग्य अपेक्षा होत्या. नाते टिकवून ठेवणे यासाठी दोन्हीकडून प्रयत्न होणे अपेक्षित आहे. त्यासाठी मेहनत करावीच लागते.

[read_also content=”ऋतूनुसार करा भाज्यांची निवड https://www.navarashtra.com/latest-news/choose-vegetables-according-to-the-season-nrng-184780.html”]

स्वतःला अधिक श्रेष्ठ मानतो?
एक्सपर्ट्सच्या सल्ल्यानुसार, नात्यामध्ये सहानुभूती असणे आवश्यक आहे. एकमेकांबद्दल आदर असणे अपेक्षित आहे. दयाभाव असल्याने अनेकदा प्रेम होण्यास वेळ लागू शकतो. मात्र गरज पडेल तेव्हा ते समोरच्यासाठी धावूनदेखील येतात.

नाते टिकवण्यासाठी प्रयत्न करतो?
दीर्घकाळ टिकलेल्या जोड्यांमध्ये आढळून आलेली एक गोष्ट म्हणजे प्रत्येक लहान सहान कामामध्ये एकमेकांची त्यांनी दिलेली साथ. हा नाते टिकवण्याचा क्वॅलिटी टाईम आहे.

सामंजस्याने मार्ग काढू शकतो?
आजकाल संभाषणाच्या अभावामुळे नाते तुटण्याचे प्रमाण वाढले आहे. दिवसभरात वेळ काढून त्रास होत असलेल्या किंवा गंभीर स्वरूपात असलेल्या गोष्टींबाबत बोलता आले पाहिजे. यामुळे नाते मजबूत होण्यास मदत होते.

एकमेकांची साथ देतो का?
आपण ज्याला पसंत करतो किंवा ज्या व्यक्तीसोबत आपल्याला सारे जीवन व्यतीत करायचे आहे त्याला आपल्या  मित्रपरिवाराकडून, कुटुंबाकडूनही पसंती मिळायला हवी. एक्सपर्ट्सच्या सल्ल्यानुसार, तुम्हा दोघांव्यक्तिरिक्त मित्र आणि कुटुंबानेही साथ दिल्यास नात अधिक मजबूत होण्यास मदत होते.

Web Title: Starting a new relationship then keep these things in mind nrng

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com