केसांमधील उवा-लिखांसाठी 4 सोपे उपाय, मिळेल 100 टक्के त्वरीत सुटका

How to get rid of lice: शाळेतील मुलामुलींना केसांमध्ये उवा अथवा लिखा होणे हे खूपच कॉमन आहे. यामुळे केस खराब तर होतातच पण त्वचाही खराब होते. केसांमधून उवा झाल्यावर त्या काढणं अत्यंत कठीण काम आहे. मात्र काही घरगुती उपाय आहेत जे अतिशय फायदेशीर ठरू शकतात.

उवा ही एक सामान्य समस्या आहे, ज्यामुळे लहान मुलींना अधिक त्रास होतो. शाळेत केसांमध्ये उवा अथवा लिखा होणे हे अत्यंत कॉमन आहे. हे लहान कीटक केसांमध्ये राहतात आणि रक्त शोषतात, ज्यामुळे खाज सुटणे, कोंडा होणे अथवा . मात्र, यापासून सुटका मिळवण्यासाठी अनेक प्रकारचे शॅम्पू आणि औषधे बाजारात उपलब्ध आहेत. पण तुम्ही येथे सांगितलेल्या घरगुती उपायांनीही ते दूर करू शकता.

उवालिखांसाठी नक्की कोणते घरगुती उपाय आपण करू शकतो याबाबत आपण या लेखातून समजून घेऊ शकता. (फोटो सौजन्य – iStock) 

कडुलिंबाच्या तेलाचा वापर 

कडुलिंबाच्या तेलामध्ये अँटी-बॅक्टेरियल आणि अँटीफंगल गुणधर्म असतात जे उवा मारण्यास मदत करतात. कडुलिंबाचे तेल केसांच्या मुळांना नीट लावा, रात्रभर राहू द्या आणि दुसऱ्या दिवशी सकाळी शॅम्पूने धुवा. आठवड्यातून दोनदा तुम्ही कडुलिंबाच्या तेलाचा वापर करा आणि उवालिखा काढून टाका. 

हेदेखील वाचा – पावसाळ्यामुळे होतंय केसांचं नुकसान? केसांची काळजी कशी घ्यायची सोप्या टिप्स

व्हिनेगरचा उपयोग

व्हिनेगर डोक्यात उवा वाढण्यापासून रोखते. यासाठी एक कप पाण्यात एक कप व्हिनेगर मिसळा. नंतर हे मिश्रण केसांना लावा आणि काही मिनिटे तसेच राहू द्या. नंतर शॅंपूने केस धुवा. तुम्हाला जर एखाद्या पदार्थाची अलर्जी असेल तर याचा वापर करण्यापूर्वी पॅच टेस्ट नक्की करून घ्या आणि मगच वापरा. 

लसणाचा रस लावा

लसणामध्ये अँटी-बॅक्टेरियल गुणधर्म असतात जे उवा मारण्यास मदत करतात. यासाठी लसूण बारीक करून त्याचा रस काढा. हा रस केसांच्या मुळापर्यंत लावा. 30 मिनिटे राहू द्या आणि नंतर केस शँपू लाऊन धुवा. प्रत्येक वेळी केस धुण्यापूर्वी हा लसणाचा रस लावा.

हेदेखील वाचा – केसांची निगा राखण्यासाठी वापरा सोप्या टिप्स, पावसाळ्यात पडतील उपयोगी

खोबरेल तेलात कापूर मिसळून लावा

नारळाच्या तेलात कापूर मिसळल्याने उवा मारण्यास मदत होते. यासाठी तुम्ही 7-8 कापूर बारीक करून तेलाच्या बाटलीत मिसळा, नंतर ते गरम करा आणि केसांच्या मुळापर्यंत लावा. रात्रभर राहू द्या आणि दुसऱ्या दिवशी सकाळी केस माईल्ड शँपूने धुवा. चांगल्या परिणामांसाठी आठवड्यातून दोनदा हे तेल वापरा.

या गोष्टींची घ्या काळजी 

हे उपाय करत असताना केस चांगले धुवावेत. समस्या गंभीर असल्यास किंवा हे उपाय करूनही उवा वा लिखा जात नसल्यास, आपल्या डॉक्टरांशी संपर्क साधा. उवा लिखा होऊ नयेत यासाठी आपले केस स्वच्छ ठेवा, केसांचा ब्रश आणि कंगवा स्वच्छ करा आणि इतर लोकांचा कंगवा, हेअरपिन्स किंवा टोपी वापरू नका. यासोबतच तुमच्या घरातील सर्व कपडे गरम पाण्याने धुवा.

टीप – उवा आणि लिखा मारण्यासाठी तुम्ही जे औषध वापरणार आहात त्याची आधी पॅच टेस्ट करून घ्या. त्यामुळे कोणतीही अलर्जी असल्यास त्रास होणार नाही.