भोपळमध्ये वाढत आहे 'ब्लड किक' नावाचा धोकादायक ट्रेंड, स्वतःचंच रक्त काढून तरुण होतायेत ‘रिलॅक्स’
काय आहे ब्लड किक ट्रेंड?
या ट्रेंडमध्ये तरुण स्वतःच्या शरीरातून रक्त काढून ते पुन्हा टोचून घेतात, जेणेकरून त्यांना क्षणिक ऊर्जा, आराम किंवा नियंत्रणाचा अनुभव घेता येईल. गांधी वैद्यकीय महाविद्यालयात जानेवारी २०२६ पासून अशी किमान पाच प्रकरणे आढळून आली आहेत. सर्व रुग्ण १८ ते २५ वर्षे वयोगटातील आहेत. सुरुवातीला, कुटुंबीयांना केवळ वर्तणुकीतील बदल जाणवतात जसे की चिडचिड, राग आणि एकांताची नावड. पण हळूहळू, ही स्थिती इतकी गंभीर होते की त्यांना आपल्या मुलांना डाॅक्टरांकडे पाठवण्याची गरज भासते.
मानसिक आणि शारीरिक आरोग्यावर होता परिणाम
हमीदिया रुग्णालयातील डॉक्टरांच्या मते, हे प्रकरण पारंपरिक अमली पदार्थांच्या व्यसनापेक्षा पूर्णपणे वेगळे आहे. या तरुणांमध्ये दारू किंवा अमली पदार्थांची कोणतीही लक्षणे दिसत नाहीत, परंतु त्यांच्या शरीरावर सुईच्या खुणा स्पष्टपणे दिसतात. त्यांना वाटते की स्वतःचे रक्त शरीरात पुन्हा टोचल्याने तात्काळ आराम मिळतो, मात्र खरंतर याचा त्यांच्या मानसिक आणि शारीरिक आरोग्यावर गंभीर परिणाम होत असतो.
आजारांचा धोका वाढतो
तज्ञांच्या मते, या ट्रेंडचा आपल्या आरोग्यावर वाईट परिणाम होऊ लागतो. वारंवार स्वतःला इंजेक्शन लावल्याने संपूर्ण शरीरात संसर्ग पसरु लागतो. यामुळे सेप्सिस, एचआयव्ही आणि हिपॅटायटीससारख्या आजारांचा धोका वाढत असतो. इतकेच नाही तर यामुळे नसांचे नुकसान, रक्ताच्या गुठळ्या, ॲनिमिया आणि अवयव निकामी होण्याचीही शक्यता असते. हा ताण आपले शरीर सहन करु शकत नाही आणि बऱ्याचदा यामुळे मृत्यूचाही धोका वाढतो.
मानसिक आरोग्यावर होणारा परिणाम
डाॅक्टरांचे म्हणणे आहे की, ही समस्या केवळ शारीरिक नसून याचा आपल्या मानसिक आरोग्यावरही गंभार परिणाम होत असतो. यामुळे नैराश्याची भावना निर्माण होते आणि जेव्हा पुन्हा पुन्हा सुई शरीराला टोचवली जाते तेव्हा आपल्या सहनशक्तीवरही याचा परिणाम होऊ लागतो. यामुळे आंतरिक वेदनाही घडून येतात ज्या सहसा बाह्य शरीरात दिसून येत नाहीत. या धोकादायक प्रवृत्तीला खतपाणी घालण्यात सोशल मीडियादेखील मोठी भूमिका बजावत आहे. अधिकतर तरुण सोशल मिडियावर एक्टिव्ह असल्याने ते जे इथे पाहतात तेच करण्यास अधिक प्रवृत्त होतात. यामुळे चुकीची प्रक्रियाही तरुणांकडून फाॅलो केली जाते.
.png "Videos"){kind=small}
