जगन्नाथपुरीच्या मंदिरात प्रसाद म्हणून दिले जाते पौष्टिक पेय, चवीसह आरोग्यासाठी ठरेल गुणकारी

जगन्नाथपुरीच्या मंदिरात प्रसादासाठी दिले जाणारे हेल्दी पेय आरोग्यासाठी अतिशय गुणकारी आहे. त्यामुळे पेयाचे उन्हाळ्याच्या दिवसांमध्ये तुम्ही सेवन करू शकता. चला तर जाणून घेऊया हेल्दी ड्रिंक बनवण्याची सोपी रेसिपी.

जगभरातील प्रत्येक मंदिरांमध्ये प्रसाद म्हणून अनेक वेगवेगळे पदार्थ किंवा पेय दिले जाते. असेच ओडिसामधील जगन्नाथपुरी मंदिरात प्रसाद म्हणून दिले जाते. हे पेय आरोग्यासाठी अतिशय पौष्टिक आणि गुणकारी आहे. शिजवलेल्या भाताचा वापर करून तयार केलेले पेय जगभरात सगळीकडे प्रसिद्ध आहे. उन्हाळ्याच्या दिवसांमध्ये शरीरात वाढलेली उष्णता कमी करण्यासाठी आणि शरीराला थंडावा देण्यासाठी या पेयाचे सेवन केले जाते. शिजवलेले भात रात्रभर आंबवून त्यापासून पदार्थ तयार केला जातो. जगन्नाथपुरीच्या मंदिरात प्रसाद म्हणून मिळणारे पेय ओडिसामधील प्रसिद्ध पदार्थ आहे. म्हणूनच आज आम्ही तुम्हाला जगन्नाथपुरीच्या मंदिरात प्रसाद म्हणून मिळणारे हेल्दी पेय सोप्या पद्धतीमध्ये कसे बनवावे, याची सोपी रेसिपी सांगणार आहोत. या पद्धतीने बनवलेले पेयघरातील सगळ्यांचं खूप जास्त आवडेल.(फोटो सौजन्य – iStock)

साहित्य:

• शिजवलेला भात
• मीठ
• हिरवी मिरची
• दही
  हळद
• लिंबाची पाने
• लिंबाचा रस
• जिऱ्याची पावडर
• पाणी

जेवणाच्या ताटात तोंडी लावण्यासाठी सोप्या पद्धतीमध्ये बनवा शेवग्याच्या पानांची चटणी, भाकरीसोबत लागेल मस्त

कृती:

• जगन्नाथपुरीच्या मंदिरात बनवलेले जाणारे पेय तयार करण्यासाठी सर्वप्रथम, शिजवलेल्या भाताचा वापर करावा. यासाठी मोठ्या भांड्यात भात घेऊन त्यात पाणी घालून २४ तास भात तसाच झाकून ठेवा.भात शरीरासाठी चांगल्या बॅक्टरीया तयार करतो.
• रात्रभर भिजत ठेवलेल्या भातामध्ये हळद टाकून मिक्स करून घ्या. त्यानंतर त्यात बारीक चिरून घेतलेली हिरवी मिरची, लिंबाची पाने आणि चवीनुसार मीठ घालून मिक्स करून घ्या.
• त्यानंतर भात व्यवस्थित कुसकरून घ्या. कुसकरून घेतलेल्या भातामधील पाणी गाळणीच्या सहाय्याने गाळून वेगळे करा.
• त्यानंतर त्यात कढीपत्त्याची पाने आणि लिंबाचा रस टाकून पुन्हा एकदा मिक्स करून घ्या.
• सगळ्यात शेवटी त्यात जिऱ्याची पावडर घालून मिक्स करून घ्या.
• तयार आहे सोप्या पद्धतीमध्ये बनवलेले जगन्नाथपुरी मंदिरातील प्रसिद्ध पेय.