साधी डिश पण मजेदार चव; घरी बनवा पंजाबी स्टाईल ‘दाल मखनी’, चव अशी की सर्वच होतील खुश

Dal Makhni Recipe : पंजाबच्या लज्जतदार पदार्थाला तुमच्या स्वयंपाकघरात आणा, घरी बनवा दाबा स्टाईल स्वादिष्ट डाल मखनी. काही साधं पण तितकंच चविष्ट खाण्याची इच्छा होत असेल तर हा पदार्थ तुमच्यासाठी परफेक्ट आहे.

• दाल मखनी हा पंजाबचा एक लोकप्रिय पदार्थ आहे.
• ही क्रिमी मसालेदार डाळ चवीला अप्रतिम लागते.
• डाळ घट्ट असल्याने तिला चपाती आणि भात दोन्हींसोबत खाल्ले जाऊ शकते.

पंजाबी खाद्यसंस्कृतीतून आलेली डाळ मखनी ही एक अतिशय लोकप्रिय आणि समृद्ध चवीची डिश आहे. उत्तर भारतात विशेषतः पंजाबमध्ये ही डाळ सणावार, लग्नसमारंभ किंवा खास पाहुणचारासाठी बनवली जाते. “मखनी” या शब्दाचा अर्थच आहे लोण्यासारखी मऊ आणि क्रीमी, त्यामुळे या डाळीची टेक्स्चर खूपच रिच आणि स्मूद असते. काळी उडीद डाळ आणि राजमा यांचा संगम, त्यात बटर, क्रीम आणि सुगंधी मसाले या सगळ्यांमुळे डाळ मखनीला एक वेगळीच ओळख मिळते.

Summer Special : कच्च्या कैरीपासून घरी बनवा आंबट-गोड चवीचा ‘आमपापड’, ऑफीस स्नॅक्ससाठी परफेक्ट पर्याय

ही डाळ साधी नसून हळूहळू शिजवून तयार केली जाते, त्यामुळे तिची चव अधिक खुलते. पारंपरिक पद्धतीत ही डाळ अनेक तास मंद आचेवर शिजवली जाते, ज्यामुळे तिचा प्रत्येक घास स्वादिष्ट आणि जिभेवर रेंगाळणारा बनतो. नान, रोटी किंवा जीरा राईससोबत ही डिश खूपच छान लागते. चला डाल मखनीची सविस्तर रेसिपी जाणून घेऊया.

साहित्य:

• 1 कप काळी उडीद डाळ (साबूत)
• 1/4 कप राजमा
• 3 कप पाणी (शिजवण्यासाठी)
• 2 टेबलस्पून बटर
• 1 टेबलस्पून तेल
• 1 मोठा कांदा (बारीक चिरलेला)
• 2 टोमॅटो (प्युरी केलेले)
• 1 टेबलस्पून आले-लसूण पेस्ट
• 1 टीस्पून लाल तिखट
• 1/2 टीस्पून हळद
• 1 टीस्पून गरम मसाला
• 1 टीस्पून धणे पावडर
• मीठ चवीनुसार
• 2 टेबलस्पून ताजी क्रीम
• कोथिंबीर सजावटीसाठी

उन्हाळ्यात पोटाला मिळेल थंडावा! शिल्लक राहिलेल्या भातापासून झटपट बनवा कोकोनट राईस, नोट करून घ्या पदार्थ

कृती:

• सर्वप्रथम काळी उडीद डाळ आणि राजमा स्वच्छ धुऊन 7-8 तास किंवा रात्रीभर भिजत ठेवा.
• भिजवलेली डाळ आणि राजमा प्रेशर कुकरमध्ये पाणी घालून 5-6 शिट्ट्या होईपर्यंत शिजवा. डाळ पूर्णपणे मऊ झाली पाहिजे.
• एका कढईत बटर आणि तेल गरम करा. त्यात चिरलेला कांदा घालून सोनेरी होईपर्यंत परतून घ्या.
• आता आले-लसूण पेस्ट घालून 1-2 मिनिटे परता. त्यानंतर टोमॅटो प्युरी घालून तेल सुटेपर्यंत शिजवा.
• हळद, लाल तिखट, धणे पावडर आणि मीठ घालून मसाला चांगला मिक्स करा.
• शिजवलेली डाळ-राजमा या मसाल्यात घाला. आवश्यक असल्यास थोडे पाणी घालून मंद आचेवर 20-25 मिनिटे शिजू द्या. मध्ये मध्ये ढवळत राहा.
• शेवटी गरम मसाला आणि क्रीम घालून 5 मिनिटे शिजवा. वरून बटर टाकून गॅस बंद करा.
• गरमागरम डाळ मखनीवर थोडे बटर आणि क्रीम घालून सजवा. नान, तंदुरी रोटी किंवा जीरा राईससोबत सर्व्ह करा.
• डाळ जास्त वेळ मंद आचेवर शिजवली तर तिची चव आणखी छान लागते. रेस्टॉरंटसारखी टेस्ट हवी असेल तर
• शेवटी थोडे स्मोक (कोळशाचा धूर) देऊ शकता.
• ही पंजाबी स्टाइल डाळ मखनी एकदा करून पाहिल्यावर तुम्हाला पुन्हा पुन्हा बनवावीशी वाटेल. तिचा रिच आणि क्रीमी स्वाद प्रत्येकाला आवडतो.