Summer Drink: थकलेल्या शरीराला मिळेल तात्काळ ऊर्जा! १० मिनिटांमध्ये झटपट तयार होईल जवस बियांचे थंडगार सरबत

उन्हाळ्यात शरीरात कायमच थंडावा टिकवून ठेवण्यासाठी कोणत्याही सप्लिमेंट्सचे सेवन करण्याऐवजी जवस बियांचे सरबत बनवून प्यावे. यामुळे शरीराला तात्काळ ऊर्जा मिळते आणि आरोग्य निरोगी राहते.

वाढत्या तापमानाचा फटका लहान मुलांपासून ते अगदी मोठ्यांपर्यंत प्रत्येकाला बसत आहे. कडक उन्हात बाहेर गेल्यानंतर सतत येणाऱ्या घामाच्या धारांमुळे शरीरातील पाण्याची पातळी कमी झाल्यानंतर शरीरात खूप जास्त थकवा आणि अशक्तपणा जाणवू लागतो. त्यामुळे उन्हाळा ऋतूला सुरुवात झाल्यानंतर आरोग्याची काळजी घेणे फार आवश्यक आहे. वाढत्या थकव्यापासून आराम मिळवण्यासाठी घरी आल्यानंतर थंडगार कोल्ड्रिंक किंवा पॅक बंद सरबत प्यायले जाते. पण यामुळे शरीराला हानी पोहचण्याची खूप जास्त शक्यता असते. म्हणूनच आज आम्ही तुम्हाला शरीराला नैसर्गिक थंडावा देण्यासाठी जवस बियांचे सरबत बनवण्याची सोपी रेसिपी सांगणार आहोत. जवसाच्या बिया शरीरासाठी खूप जास्त फायदेशीर ठरतात. या बियांमध्ये असलेले गुणकारी घटक आरोग्य सुधारण्यास मदत करतात. यामध्ये ओमेगा-3 फॅटी ऍसिड्स, फायबर आणि अँटीऑक्सिडंट्स इत्यादी अनेक घटक आढळून येतात. चमचाभर जवस बिया नियमित खाल्ल्यास शरीराला तात्काळ ऊर्जा मिळेल आणि आरोग्य सुधारण्यास मदत होईल. चला तर जाणून घेऊया जवस बियांचे सरबत बनवण्याची कृती.(फोटो सौजन्य – istock)

सतत बटाटे खाऊन कंटाळा आला असेल तर डब्यासाठी बनवा टेस्टी रताळ्याची भाजी, झटपट तयार होईल पदार्थ

साहित्य:

• जवस
• लिंबाचा रस
• सब्जा बिया
• साखर
• काळे मीठ

Recipe : लहान मुलं करतायेत आईस्क्रिम खाण्याचा हट्ट, मग घरीच बनवा नो शुगर “ड्रायफ्रुट्स आईस्क्रिम”

कृती:

• जवस बियांचे सरबत बनवण्यासाठी सर्वप्रथम, तवा गरम करून त्यात २ चमचे जवस बिया मंद आचेवर भाजून घ्या.
• भाजलेल्या बिया थंड करून त्यांची बारीक पावडर तयार करा. ही पावडर महिनाभर व्यवस्थित टिकून राहते.
• ग्लासात पाणी घेऊन त्यात तयार केलेली जवस बियांची पावडर घालून मिक्स करा. त्यानंतर त्यात चवीनुसार साखर घालून व्यवस्थित मिक्स करा.
• साखर पूर्णपणे विरघळल्यानंतर त्यात लिंबाचा रस आणि चवीनुसार मीठ घालून व्यवस्थित मिक्स करा.
• तयार केलेल्या सरबतामध्ये भिजवलेल्या सब्जा बिया टाकून मिक्स करा.
• तयार आहे सोप्या पद्धतीमध्ये बनवलेले जवस बियांचे सरबत.