Aamla Muramba Recipe: पारंपरिक पद्धतीने बनवा वर्षभर टिकून राहणारा आवळ्याचा मुरंबा, नियमित खाल्ल्यास शरीराला होतील फायदे

Aamla Muramba Recipe: आवळा संपूर्ण शरीरासाठी अतिशय गुणकारी आहे. पण तुरट चवीमुळे आवळा खाण्याचा कंटाळा केला जातो. त्यामुळे पारंपरिक पद्धतीमध्ये आवळ्यापासून मुरंबा बनवू शकता. हा पदार्थ घरातील सगळ्यांचं खूप जास्त आवडेल.

Aamla Muramba Recipe: वर्षाच्या बाराही महिने बाजारात मोठ्या प्रमाणावर आवळे उपलब्ध असतात. आवळे खाल्ल्यामुळे शरीराला भरमसाट फायदे होतात. यामध्ये विटामिन सी, लोह, ॲण्टीऑक्सिडंट्स इत्यादी अनेक घटक आढळून येतात. आवळ्यामध्ये असलेल्या विटामिन सी मुळे शरीराची कमकुवत झालेली रोगप्रतिकारशक्ती सुधारण्यास मदत होते. त्यामुळे डॉक्टरसुद्धा नियमित एक आवळा खाण्याचा सल्ला देतात. पण आवळ्याची चव कच्च्या आवळ्याची चव तुरट लागल्यामुळे आवळा खाण्यास नकार दिला जातो. त्यामुळे कच्चा आवळा खाण्याऐवजी अस्सल पारंपरिक पद्धतीने आवळ्याचा मुरंबा बनवावा. यामुळे शरीराला सुद्धा फायदे होतात आणि आरोग्य सुधारण्यास मदत होते. गॅसेस, अपचन, ॲसिडीटी आणि पचनाच्या इतर त्रासांपासून सुटका मिळवण्यासाठी आवळ्याचे सेवन करावे. चला तर जाणून घेऊया आवळ्याचा मुरंबा बनवण्याची रेसिपी.(फोटो सौजन्य – istock)

Breakfast Recipe: वजन कमी करायचे आहे? मग सकाळच्या नाश्त्यात करा पौष्टिक हाय प्रोटीन सँडविच, नोट करा रेसिपी

साहित्य:

• आवळा
• मीठ
• साखर
• वेलची
• लवंग
• केशर
• दालचिनी

Rava Ladoo: रव्याचे लाडू कायमचं कडक होतात? मग ‘या’ सोप्या पद्धतीने बनवा बिनपाकातील परांपारिक रव्याचे लाडू, नोट करा रेसिपी

कृती:

• आवळ्याचा मुरंबा बनवण्यासाठी सर्वप्रथम, आवळे पाण्याने स्वच्छ धुवून घ्या आणि कॉटनच्या कपड्याने कोरडे करा.
• त्यानंतर काट्याच्या चमच्याने आवळ्यांवर छोटे छोटे छिद्र करून घ्या, जेणेकरून पाक आवळ्यामध्ये चांगला मुरेल.
• टोपात पाणी आणि साखर एकत्र करून चमच्याने सतत मिक्स करा. एकतारी पाक तयार झाल्यानंतर त्यात वेलची पावडर, केशर काड्या, लवंग आणि दालचिनी घालून मिक्स करा.
• त्यानंतर तयार केलेल्या पाकात आवळे घालून १५ ते २० मिनिटं शिजवून घ्या आणि गॅस बंद करून आवळे थंड होण्यासाठी ठेवा.
• तयार केलेला आवळ्याचा मुरंबा काचेच्या बरणीमध्ये भरून ठेवा. तयार आहे झटपट बनवलेला आवळ्याचा चविष्ट मुरंबा.