Breakfast Recipe: वजन कमी करायचे आहे? मग सकाळच्या नाश्त्यात करा पौष्टिक हाय प्रोटीन सँडविच, नोट करा रेसिपी

Breakfast Recipe: सकाळच्या नाश्त्यात कायमच तिखट किंवा तेलकट पदार्थांचे सेवन करण्याऐवजी हाय प्रोटीन सँडविचचे सेवन करावे. या सँडविचचे सेवन केल्यामुळे पोट सुद्धा भरलेले राहते आणि शरीराला सुद्धा फायदे होतात.

Breakfast Recipe: वजन वाढेल या भीतीने अनेक लोक सकाळचा नाश्ता करणे टाळतात. शरीरावर वाढलेली अनावश्यक चरबी कमी करण्यासाठी आहारात बदल, महागडे सप्लिमेंट्स, तासनतास व्यायाम, गोळ्या औषधांचे सेवन इत्यादी अनेक गोष्टी केल्या जातात. पण चुकीच्या पद्धतीने वजन कमी करण्याचा प्रयत्न केल्यास शरीरावर त्याचे थेट परिणाम दिसू लागतात. त्यामुळे आहारात सहज पचन होणाऱ्या पदार्थांचे सेवन करणे आवश्यक आहे. म्हणूनच आज आम्ही तुम्हाला हाय प्रोटीन सँडविच बनवण्याची सोपी रेसिपी सांगणार आहोत. हा पदार्थ केवळ वजन कमी करणारेच नाहीतर लहान मुले, घरातील इतर व्यक्तीसुद्धा खाऊ शकतात. हाय प्रोटीन सॅलड बनवताना वेगवेगळ्या भाज्यांचा वापर केला जातो. भाज्यांचे सेवन केल्यामुळे शरीराला भरमसाट फायदे होतात आणि आरोग्य सुधारते. बाजारात मिळणारे मेयोनीज, टोमॅटो केचअप किंवा भरपूर प्रमाणात चीज असलेले क्रीम किंवा सँडविच स्प्रेड आणून खाण्यापेक्षा घरी बनवलेले पनीर स्प्रेड शरीरासाठी गुणकारी ठरते. चला तर जाणून घेऊया हाय प्रोटीन सँडविच बनवण्याची सोपी रेसिपी.(फोटो सौजन्य – istock)

Rava Ladoo: रव्याचे लाडू कायमचं कडक होतात? मग ‘या’ सोप्या पद्धतीने बनवा बिनपाकातील परांपारिक रव्याचे लाडू, नोट करा रेसिपी

साहित्य:

• पनीर
• मल्टीग्रेन ब्रेड
• लसूण
• चिली फ्लेक्स
• मीठ
• काळी मिरी पावडर
• कोथिंबीर
• दही
• कांदा
• गाजर
• काकडी
• शिमला मिरची
• आवडीनुसार इतर भाज्या
• तेल

Lemon Peel Masala: लिंबाच्या साली फेकून देत असाल तर थांबा! घरच्या घरी बनवा सुगंधी चटपटीत लिंबाच्या सालींचा मसाला

कृती:

• हाय प्रोटीन सँडविच बनवण्यासाठी सर्वप्रथम, मिक्सरच्या भांड्यात पनीरचे तुकडे, लसणाच्या पाकळ्या, चिली फ्लेक्स, मीठ, काळी मिरी पावडर, ताजे दही आणि चवीनुसार मीठ घालून पेस्ट तयार करा.
• सर्व साहित्याची गुळगुळीत पेस्ट बनवून झाल्यानंतर वाटीमध्ये काढून घ्या. तयार केलेला सॉस इतर पदार्थांसोबत सुद्धा खाऊ शकता.
• तयार केलेल्या क्रीममध्ये बारीक चिरलेला कांदा, किसलेला गाजर, काकडी, शिमला मिरची घालून व्यवस्थित मिक्स करा.
• तयार केलेले मिश्रण मल्टीग्रेन ब्रेडला एकसमान लावून त्यावर दुसरा ब्रेड ठेवून सँडविच तयार करा. तुमच्या आवडीनुसार यात चीज सुद्धा टाकू शकता.
• तवा गरम करून त्यावर सँडविच ठेवा आणि बाजूने तूप किंवा तेल सोडून सँडविच दोन्ही बाजूने कुरकुरीत भाजून घ्या.
• तयार आहे सोप्या पद्धतीमध्ये बनवलेले हाय प्रोटीन सँडविच. हे सँडविच लहान मुलांपासून घरातील सगळ्यांचं खूप जास्त आवडेल.