अभिनेत्री क्षिती जोगला आवडते आजीच्या हातचे आंबट गोड वरण! जाणून घ्या पारंपरिक वरणाची सोपी रेसिपी

जेवणातील डाळ भात हा पदार्थ सगळ्यांचं खूप आवडतो. जेवणात जर डाळभात आणि लोणचं असेल तर जेवणात दोन घास जास्त जातात. त्यामुळे आज आम्ही तुम्हाला क्षिती जोगने सांगितलेल्या आंबट गोड वरणाची सोपी रेसिपी सांगणार आहोत.

दैनंदिन आहारात जेवणाच्या ताटात नेहमी चपाती, भाजी, वरण भात, लोणचं, गोड पदार्थ इत्यादी पदार्थ वाढले जातात. जेवणाच्या ताटात हे पदार्थ नसतील तर काहींना जेवल्यासारखे वाटत नाही. अनेकांच्या घरी दुपारच्या किंवा संध्याकाळच्या जेवणात डाळ हा पदार्थ आवर्जून बनवला जातो. भातावर डाळ नसेल तर जेवल्यासारखे वाटतं नाही. टोमॅटोचा रस्सा, तिखट डाळ किंवा आमटी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोप्या पद्धतीमध्ये आंबट गोड वरण बनवू शकता. हे आंबट गोड वरण चवीला अतिशय सुंदर लागते. सुप्रसिद्ध मराठी अभिनेत्री क्षिती जोग यांनी दिलेल्या एका मुलाखतीमध्ये चविष्ट आंबट गोड वरणाची सोपी रेसिपी सांगितली आहे. चला तर जाणून घेऊया वरण बनवण्याची सोपी रेसिपी.(फोटो सौजन्य – iStock)

नवनवीन रेसिपीसाठी इथे क्लिक करा

साहित्य:

• तुरीची डाळ
• मूग डाळ
• कांदा
• टोमॅटो
• हिरवी मिरची
• चिंच
• गूळ
• चवीनुसार मीठ
• कढीपत्ता
• कोथिंबीर
• लाल तिखट
• हळद
• गरम मसाला
• लसूण

नवनवीन रेसिपीसाठी इथे क्लिक करा

कृती:

• आंबट गोड वरण बनवण्यासाठी सर्वप्रथम, तूरडाळ आणि मुगाची डाळ स्वच्छ करून पाण्याने तीन वेळा धुवून घ्या. त्यानंतर काहीवेळ पाण्यात भिजत ठेवा.
• कुकरच्या भांड्यात भिजवलेली डाळ टाकून त्यात चवीनुसार मीठ आणि हळद, आवश्यकतेनुसार पाणी घालून कुकरचे झाकण लावून ३ शिट्ट्या काढा.
• कढईमध्ये तेल गरम करून त्यात मोहरी, जिरे आणि हिंग टाकून तडतडून घ्या. नंतर त्यात कढीपत्ता, बारीक चिरून घेतलेल्या हिरव्या मिरच्या, कांदा टोमॅटो टाकून लालसर होईपर्यंत व्यवस्थित शिजवा.
• कांदा टोमॅटो शिजल्यानंतर त्यात हळद, लाल तिखट, गरम मसाला टाकून भाजून घ्या. नंतर त्यात शिजवून मिक्स केलेली डाळ टाकून थोडस मीठ टाकून मिक्स करा.
• डाळीला उकळी आल्यानंतर त्यात चिंचेचा कोळ आणि चवीनुसार गूळ टाकून मिक्स करा. सगळ्यात शेवटी वरून कोथिंबीर टाकून डाळ सर्व्ह करा.
• तयार आहे सोप्या पद्धतीमध्ये बनवलेले आंबट गोड वरण.