ओल्या केसांवर तेल लावावे की नाही? जाणून घ्या सविस्तर

लांब घनदाट सुंदर केस मिळवण्यासाठी अनेक महिला बाजारात मिळणारे महागडे शॅम्पू किंवा तेल आणून लावतात. पण केसांची योग्य ती काळजी घेतली नाहीतर केसांना कितीही महागडे तेल किंवा शॅम्पू लावले तरीसुद्धा फरक दिसून येत नाही. केसांच्या घनदाट आणि मजबूत वाढीसाठी केसांना आतून पोषण देणे सुद्धा तितकेच आवश्यक आहे.

महिलांच्या सौंदर्यात आणखीन वाढ करण्याचे काम केस करतात. केसांशिवाय स्त्रीच्या सौंदर्याला शोभा नाही, असे घरातील अनेक मोठे व्यक्ती बोलतात. लांब घनदाट सुंदर केस मिळवण्यासाठी अनेक महिला बाजारात मिळणारे महागडे शॅम्पू किंवा तेल आणून लावतात. पण केसांची योग्य ती काळजी घेतली नाहीतर केसांना कितीही महागडे तेल किंवा शॅम्पू लावले तरीसुद्धा फरक दिसून येत नाही. केसांच्या घनदाट आणि मजबूत वाढीसाठी केसांना आतून पोषण देणे सुद्धा तितकेच आवश्यक आहे. केसांचे आरोग्य व सौंदर्य चांगले राहण्यासाठी केसांना तेल लावणे गरजेचे आहे. केसांना नियमित तेल लावल्यामुळे केसांची मूळ मजबूत होऊन केसांना आवश्यक असलेले प्रोटीन मिळते.

केसांची काळजी घेण्यासाठी केसांना आठवड्यातून दोनदा तेल लावून मसाज करणे, शॅम्पूचा वापर करून स्वच्छ केलं धुवणे, हेअर मास्क लावणे इत्यादी गोष्टी केल्यानंतर केसांची वाढ मजबूत होते. पण अनेकदा महिलांना प्रश्न पडतो की ओल्या केसांना तेल लावावे की कोरड्या केसांना तेल लावावे? यावर र्मेटॉलॉजिस्ट डॉक्टर चांदनी गुप्ता यांनी काही महत्वाच्या टिप्स सांगितल्या आहेत.(फोटो सौजन्य-istock)

हे देखील वाचा: दीपिका पादूकोणच्या सुंदर आणि चमकदार त्वचेचे रहस्य, गरोदरपणात फॉलो करते ‘हे’ स्किन केअररुटीन

ओल्या केसांना तेल लावण्याचे फायदे:

• केसांमधील ओलावा कायम टिकवून ठेवण्यासाठी ओल्या केसांवर तेल लावावे. यामुळे केस निर्जीव आणि रुक्ष होत नाहीत. तसेच यामुळे केस तुटण्याची शक्यता कमी होते.
• ओल्या केसांवर तेल लावल्यानंतर केसांमध्ये जास्त गुंता होत नाही. केस छान सिल्की आणि चमकदार दिसतात.
• केस धुतल्यानंतर केसांमध्ये फ्रिजीनेस वाढतो. केस पूर्णपणे विस्कटलेले वाटू लागतात. त्यामुळे ओल्या केसांवर तेल लावल्यास केस व्यवस्थित सेट होतात.
• केसांमधील आद्रता टिकवून ठेवण्यासाठी केस धुतल्यानंतर केसांना तेल लावावे. यामुळे तुमचे केस हेल्दी होतील.

ओल्या केसांना तेल लावण्याचे तोटे:

• ओल्या केसांवर तेल लावल्यानंतर केसांमध्ये अतिरिक्त तेल जमा होण्यास सुरुवात होते. यामुळे टाळूवर कोंडा होतो. टाळूवर कोंडा झाल्यानंतर केस गळण्यास सुरुवात होते.
• ओल्या केसांमध्ये तेल लावल्यानंतर केसांमधील ओलावा अधिक वाढतो. टाळूवर बुरशीजन्य संसर्ग होण्याची शक्यता असते. त्यामुळे केसांमध्ये कोंडा असलेल्या महिलांनी ओल्या केसांवर तेल लावू नये.
• ओल्या केसांमध्ये तेल लावल्यानंतर चिकटपणा वाढू लागतो. चिकटपणा वाढल्यानंतर केस धुवताना त्रास होतो.