Anti Ageing: वय वाढलं तरी चेहऱ्यावर दिसणार नाही! तरुण दिसण्यासाठी ‘हे’ नियम लक्षात ठेवा

Skin care Tips to Look younger: वाढत्या वयामुळे चेहऱ्यावर सुरकुत्या दिसतात, वयापेक्षा तरुण दिसण्यासाठी हे सोपे नियम नक्की फॉलो करा.

• वय वाढलं तरी चेहऱ्यावर दिसणार नाही
• तरुण दिसण्यासाठी ‘हे’ नियम लक्षात ठेवा
• हिरव्या पालेभाज्या नियमित खा

वाढत्या वयाचा परिणाम आपल्या चेहऱ्यावर दिसून येतो. तसेच, आपण दिवसभरात काय खातो, किती खातो आणि आहारात कोणत्या पदार्थांचा समावेश करतो, याचा परिणाम आरोग्यासोबतच त्वचेवरही दिसून येतो. अनेकदा तरुण दिसण्यासाठी महिला महागडी प्रोडक्ट्स किंवा ट्रिटमेंट्सचा वापर करतात. परंतु, रोजच्या खाण्यापिण्याच्या सवयींमध्ये काही छोटे बदल करून फिटनेस आणि त्वचेच्या आरोग्याची योग्य काळजी घेतली जाऊ शकते.आपल्या स्वयंपाकघरात सहज उपलब्ध असलेल्या फळांपासून, भाज्यांपासून आणि नट्सपासूनही आहार अधिक पोषक बनवता येतात. जे तरुण आणि फ्रेश दिसण्यासाठी मदत करतात. वयापेक्षा तरुण दिसण्यासाठी आहारात कोणते बदल करावेत, जाणून घेऊयात.

Sweets Cravings: सतत गोड खावंसं का वाटतं? शरीराच्या ‘या’ संकेतांकडे दुर्लक्ष करू नका

व्हिटॅमिन सीयुक्त फळांचा आहारात समावेश

संत्री, मोसंबी, आवळा, पेरू आणि लिंबू यांसारखी व्हिटॅमिन सीने भरपूर असलेली फळांचा दररोजच्या आहारात समावेश करा. व्हिटॅमिन सी शरीरातील कोलेजन निर्मितीच्या प्रक्रियेत महत्त्वाची भूमिका बजावते आणि त्वचेच्या आरोग्यासाठी उपयुक्त ठरतात. म्हणून ही फळे खाल्ल्याने त्वचेचे आरोग्य सुधारते.

हिरव्या पालेभाज्या नियमित खा

पालक किंवा मेथी सारख्या हिरव्या पालेभाज्यांचा आहाराचा आवर्जून समावेश करा. पालकाचा वापर सूप, स्मूदी, ज्यूस किंवा सलाडमध्ये करता येतो. अशा भाज्यांमधून शरीराला विविध पोषक घटक मिळतात. नियमित भाज्या खाल्ल्याने त्वचा निरोगी राहण्यास मदत होते.

नट्स आणि ड्रायफ्रूट्स विसरू नका

बदाम, काजू, अक्रोड सारखे ड्रायफ्रूट्स नक्की खा. बदामामध्ये व्हिटॅमिन ईसह विविध पोषक घटक असतात. तुम्ही बदाम पाण्यात भिजवूनही खाऊ शकता. याशिवाय भोपळ्याच्या बिया, सूर्यफुलाच्या बिया देखील खाऊ शकता.

कमी शिजवलेले पदार्थ अधिक घ्या

तज्ज्ञांच्या मते, तरुण दिसण्यासाठी आहारातीस बहुतांश पदार्थ कमीत कमी शिजवलेले किंवा कच्च्या स्वरूपातील असावेत.त्यानुसार सुमारे ८० टक्के आहार कमी शिजवलेला किंवा न शिजवलेला खाण्याचा सल्ला दिला जातो. परंतु, तुमच्या आरोग्यानुसारच या गोष्टींचे पालन करा.

‘६०-४०’ नियम काय आहे?

याशिवाय ६०-४- चा नियम पाळावा. या पद्धतीनुसार पोट पूर्णपणे न भरता सुमारे ६० टक्केच भरावे, म्हणजेच कमी प्रमाणात अन्नाचे सेवन करावे  आणि उर्वरित ४० टक्के जागा रिकामी ठेवावी. यामुळे पचनसंस्था आणि यकृताला स्वत: ला रिकव्हर करतात. मात्र हा नियम सर्वांसाठी योग्य असेलच असे नाही, त्यामुळे आहारात मोठे बदल करण्यापूर्वी वैद्यकीय किंवा आहारतज्ज्ञांचा सल्ला घेणे आवश्यक आहे.

Health News: घरात पडली अन् CT स्कॅनमध्ये धक्कादायक सत्य समोर आलं; 72 वर्षीय महिलेच्या फुफ्फुसाचा कर्करोग मेंदूपर्यंत पोहोचला