उन्हाळ्यात घामाच्या दुर्गंधीने त्रस्त आहात? ‘या’ पद्धतीने काखेमध्ये लावा तुरटी, दुर्गंधी होईल कायमची दूर

सतत येणाऱ्या घामाच्या दुर्गंधीमुळे काही वेळा महिलांचा आत्मविश्वास सुद्धा कमी होऊन जातो. त्यामुळे उन्हाळ्यात काखेतील काळेपणा आणि घामाच्या दुर्गंधीपासून आराम मिळवण्यासाठी तुरटीचा वापर करावा. तुरटीचा वापर केल्यामुळे त्वचा स्वच्छ आणि दुर्गंधीमुक्त होण्यास मदत होते. यामध्ये असलेले नॅचरल अ‍ॅंटी-सेप्टीक गुणधर्म शरीर कायम हायड्रेट ठेवण्यासाठी मदत करतात. आज आम्ही तुम्हाला घामाच्या दुर्गंधीपासून आराम मिळवण्यासाठी तुरटीचा वापर कसा करावा, याबद्दल सविस्तर माहिती सांगणार आहोत. या पद्धतीची वापर करून तुरटी काखेमध्ये लावल्यास काख स्वच्छ होईल.

‘या’ पद्धतीने करा तुरटीचा वापर:

सर्वप्रथम, वाटीमध्ये तुरटी घेऊन त्यात थोडस पाणी घालून भिजत ठेवा. तुरटी पूर्णपणे वितळाल्यानंतर तुरटीचे पाणी ब्रशच्या सहाय्याने दुर्गंधी येत असलेल्या अवयवांवर लावा. यामुळे शरीराला येणारी दुर्गंधी कमी होईल. काहीवेळ ठेवल्यानंतर पाण्याने स्वच्छ धुवून घ्या. यामुळे शरीर स्वच्छ आणि शरीराला घामाचा वास येणार नाही.

काखेमध्ये ‘या’ पद्धतीने लावा तुरटी:

काखेत वाढलेला काळेपणा आणि काखेतील दुर्गंधीपासून आराम मिळवण्यासाठी तुरटीचा वापर करावा. यासाठी वाटीमध्ये तुरटीचा बारीक तुकडा घेऊन त्यात पाणी घालून भिजत ठेवा. तुरटी व्यवस्थित भिजल्यानंतर ब्रशच्या मदतीने काखेतील काळेपणा तुरटी लावून ठेवा. त्यानंतर पाण्याने तुरटी स्वच्छ धुवून घ्या. हा उपाय नियमित केल्यास काखेतील दुर्गंधी कमी होईल आणि काख स्वच्छ राहील.

उन्हामुळे चेहऱ्यावर आलेले पिंपल्स कमी करण्यासाठी चेहऱ्यावर लावा डिंकाचा फेसपॅक, त्वचा कायम राहील उजळदार आणि सुंदर

तुरटीची पावडर:

बारीक करून घेतलेली तुरटीची पावडर वाटीमध्ये घेऊन त्यात पाणी घालून जाडसर पेस्ट तयार करा. तयार करून घेतलेली पेस्ट दुर्गंधी येत असलेल्या अवयवांवर आणि काळेपणा लावून काहीवेळ तशीच ठेवा. त्यानंतर पाण्याने स्वच्छ करून घ्या. हा उपाय आठवडाभर नियमित केल्यास काख स्वच्छ होईल आणि दुर्गंधीपासून सुटका मिळेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या