ब्लॅकहेड्स- टॅनिंगमुळे त्वचा निस्तेज झाली आहे? मग चमचाभर मसूर डाळीचा ‘या’ पद्धतीने करा वापर, नॅचरल स्क्रबने त्वचा दिसेल सुंदर

चेहऱ्यावर जमा झालेली डेड स्किन काढून टाकण्यासाठी मसूर डाळीचा स्क्रब बनवून त्वचेवर लावावा. यामुळे त्वचा आतून स्वच्छ होते. मसूर डाळीमध्ये असलेले गुणकारी घटक त्वचा आतून स्वच्छ करते.

पावसाळा ऋतूला सुरुवात झाल्यानंतर वातावरणात सतत काहींना काही बदल होत असतात. दमट वातावरणामुळे त्वचा खूप जास्त तेलकट आणि चिकट होऊन जाते. ज्याच्या परिणामामुळे त्वचेवर पिंपल्स आणि मुरूम येतात. सतत येणाऱ्या घामामुळे धुळीचे कण एकत्र येऊन त्वचेची छिद्रे बंद होऊन जातात. याशिवाय चेहऱ्यावर पिंपल्स, ब्लॅकहेड्स आणि टॅनिंगसारख्या समस्या वाढून त्वचा पूर्णपणे निस्तेज होऊन जाते. त्वचेवर साचून राहिलेल्या घाणीमुळे चेहऱ्यावर पिंपल्स आणि बारीक बारीक मुरूम येतात, ज्यामुळे त्वचा निस्तेज आणि डेड स्किन वाढून काळी दिसू लागते. चेहऱ्यावर वाढलेली डेड स्किन कमी करण्यासाठी कायमच महागड्या केमिकल युक्त क्रीम आणि स्क्रब लावले जातात.(फोटो सौजन्य – istock)

Anti Ageing: वय वाढलं तरी चेहऱ्यावर दिसणार नाही! तरुण दिसण्यासाठी ‘हे’ नियम लक्षात ठेवा

स्क्रब केल्यामुळे त्वचेची खराब झालेली गुणवत्ता सुधारण्यास मदत होते पण वारंवार केमिकल युक्त प्रॉडक्टचा वापर त्वचेसाठी करणे अजिबात चांगले नाही. यामुळे त्वचेला हानी पोहचण्याची जास्त शक्यता असते. आज आम्ही तुम्हाला चेहऱ्यावर जमा झालेली डेड स्किन कमी करण्यासाठी मसूर डाळीचा वापर कशा पद्धतीने करावा, याबद्दल जाणून घेऊया. त्वचेची गुणवत्ता खराब झाल्यानंतर कायमच केमिकल प्रॉडक्टचा वापर करण्याऐवजी स्वयंपाक घरात उपलब्ध असलेले पदार्थ वापरावेत. यामुळे चेहऱ्यावरील नॅचरल ग्लो कायम टिकून राहतो आणि त्वचा अतिशय सुंदर दिसते. स्क्रब त्वचेतील टॅनिंग पूर्णपणे काढून टाकते आणि त्वचा आतून स्वच्छ करण्यास मदत करते.

नॅचरल स्क्रब बनवण्यासाठी लागणारे साहित्य:

• मसूर डाळ
• मूग डाळ
• गुलाबाच्या पाकळ्या
• संत्र्याच्या सालीची पावडर
• मंजीष्ठा पावडर
• केशर काड्या

स्क्रब तयार करण्याची सोपी पद्धत:

मिक्सरच्या भांड्यात वाटीभर मसूर डाळ आणि मूग डाळ घालून बारीक पावडर करून घ्या. तयार केलेली पावडर काचेच्या हवा बंद डब्यात भरून ठेवा. तयार केलेली पावडर वाटीमध्ये घेऊन त्यात बारीक करून घेतलेल्या गुलाबाच्या पाकळ्या, संत्र्याच्या सालीची पावडर, केशर काड्या, मंजीष्ठा पावडर घालून मिक्स करा. तयार केलेल्या मिश्रणात कच्चे दूध घालून मिक्स करा. तयार केलेली पेस्ट चेहऱ्यावर लावून काहीवेळ तशीच ठेवा आणि त्यानंतर हातांना पाणी लावून मसाज करा. चेहऱ्यावर मसाज केल्यामुळे त्वचेवर जमा झालेली डेड स्किन नष्ट होण्यास मदत होते. त्यानंतर पाण्याने स्क्रब स्वच्छ धुवून घ्या. यामुळे त्वचा आतून स्वच्छ होईल.

मान आणि पाठीवर साचलेला मळ दूर करायचाय? मग घरीच अशाप्रक्रारे तयार करा बेसन-दह्याचा नैसर्गिक क्लींजर

स्क्रब केल्यामुळे त्वचेवर जमा झालेली डेड स्किन नष्ट होण्यास मदत होते. मुगाच्या डाळीमुळे ओपन पोअर्स स्वच्छ होतात आणि टॅनिंग कमी होण्यास मदत होते. संत्र्याच्या सालीमध्ये विटामिन सी असल्यामुळे त्वचेवरील काळे डाग कमी होण्यास मदत होतात. केशर काड्यांमध्ये असलेले गुणकारी घटक त्वचेवरील नॅचरल ग्लो वाढवण्यास मदत करते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.