Breakfast Recipe: दिवसाची सुरुवात करा चिया-मखाणा पॉवर बाऊलने; शरीराला मिळेल भरपूर पोषण, वजन राहील नियंत्रणात

Breakfast Recipe: सकाळच्या नाश्त्यात कायमच तेलकट किंवा तिखट पदार्थ खाण्याऐवजी सोप्या पद्धतीमध्ये बनवलेले चिया-मखाना पॉवर बाऊल बनवून खावे. यामुळे शरीराला आवश्यक प्रमाणात फायबर आणि इतर घटक सुद्धा मिळतात.

Breakfast Recipe: सकाळच्या नाश्त्यात कायमच कांदापोहे, उपमा, शिरा किंवा इडली डोसा खाऊन कंटाळा आल्यास काहींना काही नवीन आणि हेल्दी पदार्थ खाण्याची सगळ्यांचं इच्छा होते. तर काही उपाशी पोटीच कामानिमित्त बाहेर जातात. सकाळच्या वेळी उपाशी न राहता पोटभर नाश्ता करणे फार आवश्यक आहे. नाश्ता केल्यामुळे दिवसाची सुरुवात आनंद आणि उत्साहाने होते आणि शरीराला सुद्धा भरमसाट फायदे होतात. त्यामुळे नाश्त्यात वेगवेगळ्या पदार्थांचे सेवन करावे. आज आम्ही तुम्हाला चिया मखाणा पॉवर बाऊल बनवण्याची सोपी रेसिपी सांगणार आहोत. या पदार्थांमध्ये आवश्यक फायबर आणि कमी कॅलरीज असतात. त्यामुळे वजन नियंत्रणात ठेवण्यासाठी या पद्धतीने बनवलेल्या पदार्थांचे सेवन करावे. चिया सीड्स शरीरात वाढलेली उष्णता कमी करण्यास मदत करतात तर मखाणा खाल्ल्यामुळे शरीराला आवश्यक कॅल्शियम आणि इतर घटक मिळतात. चला तर जाणून घेऊया चिया-मखाणा पॉवर बाऊल बनवण्याची सोपी आणि झटपट होणारी रेसिपी.(फोटो सौजन्य – AI)

Pitru Paksh 2026: पितृपक्षातील पूर्वजांच्या नैवेद्यासाठी पारंपरिक पद्धतीने बनवा चविष्ट तांदळाची खीर, नोट करून घ्या रेसिपी

साहित्य:

• मखाणा
• चिया सीड्स
• दूध
• काजू
• बदाम
• मनुके
• सफरचंद किंवा इतर कोणतीही फळे
• केशर

Tomato Rasam: दुपारच्या जेवणासाठी करा आंबट तिखट टोमॅटो रस्सम, घरातील प्रत्येक व्यक्ती आवडीने खाईल पदार्थ

कृती:

• चिया-मखाणा पॉवर बाऊल बनवण्यासाठी सर्वप्रथम, तवा गरम करून त्यावर मखाणे भाजून घ्या. भाजलेले हवाबंद डब्यात भरून ठेवा.
• मोठ्या बाऊलमध्ये मखाणे, काजू बदामाचे तुकडे, पिस्त्याचे तुकडे घालून त्यात दूध मिक्स करा.
• त्यानंतर त्यात केशर, काळे मनुके, नॅचरल स्वीटनर किंवा मध मिक्स करून पुन्हा एकदा वाटीभर दूध टाकून मिक्स करा.
• तयार केलेल्या मिश्रणाला झाकण लावून रात्रभर फ्रिजमध्ये तसेच ठेवून द्या.
• सकाळी तयार केलेल्या मिश्रणात तुमच्या आवडीनुसार फळे घालून खाण्यासाठी सर्व्ह करा.
• तयार आहे झटपट बनवलेले चिया-मखाना पॉवर बाऊल. हा पदार्थ सकाळच्या नाश्त्यासाठी अतिशय उत्तम आहे.