Breakfast Recipe: गोड पदार्थ खाऊन कंटाळा आला आहे? मग १० मिनिटांमध्ये नाश्त्यासाठी बनवा खमंग कुरकुरीत कांद्याचे थालीपीठ

Breakfast Recipe: सकाळच्या नाश्त्यात कायमच तेच ठराविक पदार्थ खाऊन कंटाळा आल्यास सोप्या पद्धतीमध्ये तुम्ही कांद्याचे थालीपीठ बनवून खाऊ शकता. हा पदार्थ शरीरासाठी सुद्धा फायदेशीर आहे. चला तर जाणून घेऊया रेसिपी.

Breakfast Recipe: सगळीकडे गौरी गणपती सणाचा मोठा उत्साह आहे. सणावारांच्या दिवसांमध्ये घरात गोड पदार्थ मोठ्या प्रमाणावर बनवले जातात. पण कायमच गोड खाऊन कंटाळा आल्यानंतर झणझणीत पदार्थ खाण्याची खूप जास्त इच्छा होते. सकाळच्या नाश्त्यात कांदापोहे, शिरा किंवा उपमा खाऊन कंटाळा आल्यानंतर काहींना काही नवीन खाण्याची इच्छा झाल्यास झटपट तुम्ही कांद्याचे कुरकुरीत थालीपीठ बनवू शकता. कांद्याचे थालीपीठ चवीला अतिशय सुंदर लागते. बऱ्याचदा घरातील लहान मुलांपासून ते अगदी मोठ्यांपर्यंत सगळेच कांदा आणि भाज्या खाण्याचा खूप जास्त कंटाळा करतात. अशावेळी मुलांना थालीपीठ बनवून खाण्यास द्यावे. थालीपीठमध्ये वेगवेगळ्या भाजण्या, भाजी आणि चविष्ट मसाल्यांचा वापर केला जातो. त्यामुळे सकाळच्या नाश्त्यात वेगवेगळे चविष्ट आणि हेल्दी पदार्थ बनवून खावेत. चला तर जाणून घेऊया कांद्याचे थालीपीठ बनवण्याची सोपी रेसिपी.(फोटो सौजन्य – istock)

Ganeshotsav 2026: गणपती बाप्पाच्या नैवेद्यासाठी १५ मिनिटांमध्ये बनवा पौष्टिक खजूर रोल, पदार्थ खाऊन सगळेच करतील कौतुक

साहित्य:

• गव्हाचं पीठ
• कांदा
• हिरवी मिरची
• ज्वारीचं पीठ
• बेसन
• मीठ
• हळद
• लाल तिखट
• तेल
• तुमच्या आवडीनुसार वेगवेगळ्या भाज्या

SeaFood Recipe: पाहताच क्षणी तोंडाला सुटेल पाणी! गरमागरम वाफाळत्या भातासोबत खाण्यासाठी कोकणी पद्धतीमध्ये बनवा चिंच कोळंबी रस्सा

कृती:

• कुरकुरीत खमंग कांद्याचे थालीपीठ बनवण्यासाठी सर्वप्रथम, मोठ्या ताटात गव्हाचं पीठ, ज्वारीचं पीठ, बेसन आणि चवीनुसार मीठ घालून एकत्र मिक्स करा.
• त्यानंतर त्यात बारीक चिरून घेतलेला कांदा, कोथिंबीर, हिरवी मिरच्या आणि तुमच्या आवडीनुसार भाज्या घालून हाताने व्यवस्थित मिक्स करा.
• थालीपीठाचे मिश्रण बनवताना आवश्यकता वाटल्यास पाणी घालावे, अन्यथा कांदा आणि भाज्यांना सुटणाऱ्या पाण्यात पीठ मिक्स करा.
• तयार केलेले थालीपीठाचे पीठ काहीवेळ झाकण ठेवून बाजूला ठेवा. त्यानंतर कॉटनचा रुमाल ओला करा.
• तवा गरम करण्यासाठी ठेवा. तयार केलेल्या पिठाचा गोळा घेऊन थालीपीठ थापा आणि तव्यावर टाकून दोन्ही बाजूने कुरकुरीत होईपर्यंत भाजा.
• थालीपीठ भाजताना बाजूने तेल सोडावे. यामुळे थालीपीठ कुरकुरीत होऊन चव सुद्धा मस्त लागते. तयार आहेत झटपट बनवलेले कांद्याचे थालीपीठ.