Breakfast Recipe: साध्या पोह्यांना द्या चायनीज तडका! सकाळच्या नाश्त्यात बनवा चविष्ट शेजवान पोहे, नोट करून घ्या रेसिपी

आज आम्ही तुम्हाला सोप्या पद्धतीमध्ये शेजवान पोहे बनवण्याची रेसिपी सांगणार आहोत. हा पदार्थ कमीत कमी साहित्यात आणि कमी वेळात झटपट तयार होतो. चला तर जाणून घेऊया रेसिपी.

Breakfast Recipe: सुट्टीच्या दिवशी सगळ्यांचं नाश्त्यामध्ये विविध चविष्ट पदार्थ खाण्यास हवे असतात. कायमच कांदापोहे, साऊथ इंडियन पदार्थ आणि उपमा खाऊन कंटाळा आल्यानंतर नवीन पदार्थ खाण्याची इच्छा होते. अशावेळी तुम्ही साध्या पोह्यांना चायनीज तडका देत शेजवान पोहे बनवू शकता. शेजवान चटणी कोणत्याही पदार्थासोबत खाल्ली जाते. सकाळच्या वेळी पोटभर नाश्ता करणे आवश्यक आहे. अन्यथा शरीराला विविध आजारांची लागण होऊ शकते. कामाच्या धावपळीमध्ये अनेक लोक नाश्ता न करता बाहेर निघून जातात. पण असे करणे चुकीचे आहे. उपाशी पोटी बाहेर गेल्यामुळे शरीराला गंभीर आजारांची लागण होऊ शकते. त्यामुळे सकाळच्या वेळी पोटभर नाश्ता करावा. नाश्त्यात वेगवेगळ्या चविष्ट पदार्थांसोबत शरीराला पोषण देणारे पदार्थ सुद्धा खावेत. चला तर जाणून घेऊया शेजवान पोहे बनवण्याची सोपी कृती.(फोटो सौजन्य – pinterest)

Easy Food Recipe: नाश्त्यात हेल्दी पदार्थ खायचा आहे? १० मिनिटांमध्ये झटपट बनवा चविष्ट Avocado Toast, नोट करून घ्या रेसिपी

साहित्य:

• जाड पोहे
• शेजवान चटणी
• टोमॅटो सॉस
• कांदा
• सोया सॉस
• लिंबाचा रस
• शिमला मिरची
• गाजर
• कोबी
• हिरवी मिरची
• तेल
• मीठ

Ganeshotsav 2026 : बाप्पाच्या नैवेद्य करा खास, यंदा बनवा टेस्टी ‘बिस्किटाचे मोदक’, लहान मुल होतील खुश

कृती:

• शेजवान पोहे बनवण्यासाठी सर्वप्रथम, पोहे पाण्याने धुवून ५ मिनिट चाळणीवर ठेवा. यामुळे पोह्यांमधील पाणी निघून जाईल.
• कढईमध्ये तेल गरम करून त्यात मोहरी, हिंग, हिरवी मिरची आणि कढीपत्ता घालून मिक्स करा.
• त्यानंतर त्यात बारीक चिरून घेतलेला कांदा घालून शिजवून घ्या. कांदा हलकासा शिजल्यानंतर त्यात चवीनुसार मीठ घाला.
• त्यानंतर त्यात बारीक करून घेतलेली शिमला मिरची, कोबी घालून शिजवून घ्या. शिजवलेल्या भाज्यांमध्ये शेझवान सॉस, टोमॅटो केचप, सोया सॉस घालून व्यवस्थित मिक्स करा.
• सर्व साहित्य व्यवस्थित मिक्स करून झाल्यानंतर भिजवलेले पोहे टाकून व्यवस्थित मिक्स करा.
• पोह्यांना २ मिनिटं वाफ आल्यानंतर वरून बारीक चिरून घेतलेली कोथिंबीर आणि लिंबाचा रस घालून मिक्स करा.
• तयार आहेत सोप्या पद्धतीमध्ये बनवलेले शेजवान पोहे. हा पदार्थ घरातील सगळेच अतिशय आवडीने खातील.