Mix seeds Nuts Laddu: ना मैदा, ना साखर! ड्रायफ्रुट्स-सीड्सपासून बनवा टेस्टी लाडू; नोट करा हेल्दी रेसिपी

Healthy Mix seeds Nuts Laddu Recipe: निरोगी, दाट आणि चमकदार केसांसाठी तुम्ही हा पौष्टिक सीड्स लाडूचा दररोजच्या आहारात समावेश करु शकता, रेसिपी एकदा नक्की ट्राय करा.

• केसांसाठी हेल्दी, खायलाही टेस्टी
• घरीच बनवा मिक्स सीड्स लाडू
• बनवण्याची पद्धत जाणून घ्या

आजकाल केस गळणे, केस पातळ होणे आणि केसांचा नैसर्गिक चमक कमी होणे या समस्यांचा अनेकांना त्रास होतो. बदलती जीवनशैली, ताणतणाव आणि आहारातील पोषक घटकांची कमतरता यांचा केसांच्या आरोग्यावर परिणाम होऊ शकतो. अशा वेळी केसांची काळजी घेण्यासाठी महागड्या प्रोडक्टसोबतच संतुलित आहाराकडे लक्ष देणेही महत्त्वाचे आहे. यासाठी सीड्स म्हणजेच बिया आणि ड्रायफ्रुट्सपासून तयार केलेला (Mix Seeds Dry Fruits Laddus) हा पौष्टिक पदार्थ एकदा नक्की करुन पाहा. हे लाडू केसांसोबतच संपूर्ण आरोग्यासाठीही फायदेशीर आहेत. चला तर जाणून घेऊया सीड्स लाडू बनवण्याची सोपी रेसिपी.

Hair Care Tips: दिवसातून किती वेळा केस विंचरावेत? हेअर केअर करताना ‘या’ चुका टाळा; जाणून घ्या महत्त्वाच्या टिप्स

सीड्स लाडू बनवण्यासाठी लागणारे साहित्य

• अर्धा कप भोपळ्याच्या बिया
• अर्धा कप जवसाच्या बिया
• अर्धा कप पांढरे किंवा काळे तीळ
• अर्धा कप बदाम आणि अक्रोड
• १ कप बिया काढलेले खजूर
• आवश्यकतेनुसार थोडे तूप

सीड्स लाडू बनवण्याची सोपी पद्धत

सर्वप्रथम एका कढईत भोपळ्याच्या बिया, जवस आणि तीळ मंद आचेवर वेगवेगळे भाजून घ्या. बियांना हलका सुगंध येऊ लागल्यावर गॅस बंद करा. त्यानंतर बदाम आणि अक्रोडही थोडे भाजून घ्या. सर्व साहित्य पूर्णपणे थंड होऊ द्या. आता, भाजलेल्या बिया आणि ड्राय फ्रुट्स मिक्सरमध्ये घालून जाडसर वाटून घ्या. त्यानंतर बिया काढलेले खजूर मिक्सरमध्ये बारीक करून त्याची पेस्ट तयार करा. यानंतर, एका भांड्यात बिया-ड्रायफ्रुट्सचे मिश्रण आणि खजुराची पेस्ट एकत्र करून व्यवस्थित मळून घ्या. मिश्रण जास्त ड्राय त्यात वाटल्यास थोडे तूप घालू शकता. खजुरामुळे लाडूंना नैसर्गिक गोडवा मिळतो, त्यामुळे अतिरिक्त साखर घालण्याची गरज नाही. तयार मिश्रणाचे छोटे भाग घेऊन हाताने गोल लाडू वळा. हेल्दी आणि टेस्टी सीड्स तयार आहेत. तुम्ही हे लाडू हवाबंद डब्यात ठेवून फ्रिजमध्ये ठेवू शकता.

सीड्स लाडू बनवताना लक्षात ठेवा या टिप्स

• बिया भाजताना मंद आचेचा वापर करा, त्यामुळे त्यांचा स्वाद टिकून राहतो.
• बिया जास्त भाजल्यास चव कडवट होऊ शकते.
• लाडूंना गोडवा देण्यासाठी साखरेऐवजी खजुराचा वापर करा.
• मिश्रण कोरडे असल्यास थोडे तूप घालू शकता.
• लाडू हवाबंद डब्यात ठेवून फ्रिजमध्ये साठवा.
• दररोज मर्यादित प्रमाणातच लाडू खा.

Diabetes: जेवल्यानंतर 15 मिनिटे चालल्याने ब्लड शुगर नियंत्रणात राहते? जाणून घ्या योग्य पद्धत