Masala Buttermilk Recipe: प्रत्येक घोटात मिळेल थंडावा! उष्णतेपासून बचाव करण्यासाठी घरीच तयार करा थंडगार मसाला ताक

Masala Buttermilk Recipe: वाढत्या उष्णतेपासून शरीराचा बचाव करण्यासाठी दुपारच्या जेवणात एक ग्लास ताक प्यावे. ताक प्यायल्यामुळे शरीर हायड्रेेट राहण्यास मदत होते. चला तर जाणून घेऊया मसाला ताक बनवण्याची रेसिपी.

Masala Buttermilk Recipe: राज्यासह संर्पून देशभरात उष्णता वाढली आहे. ऑक्टोबर महिन्यात वाढलेल्या गरर्मीचा परिणाम शरीरावर होत आहे. उन्हाचा तडाखा पुन्हा जाणवू लागल्यामुळे चिंता व्यक्त केली जात आहे. घामाच्या धारा, सतत लागणारी तहान आणि थकव्यामुळे आरोग्य पू्र्णपणे बिघाडून गेले आहे. त्यामुळे गर्मीच्या दिवसांसध्ये भरपूर पाणी पिण्याचा सल्ला कायमच दिला जातो. केवळ पाणीच नाहीतर आहाराकडे लक्ष देणेसुद्धा तितकेच गरजेचे आहे. गर्मी वाढल्यानंतर बाजारातील विकतची पेय किंवा आईस्क्रीम आणून खाल्ले जाते. पण त्याऐवजी जेवणासोबत एक ग्लास ताक प्यावे. ताक प्यायल्यामुळे शरीराला भरमसाट फायदे होतात आणि आरोग्य सुधारण्यास मदत होते. दह्यापासून तयार केलेले ताक  शरीराला प्रथिने आणि कॅल्शियमसारखी पोषक तत्त्वे देतात. उन्हामुळे घाम येत असेल, तर दिवसभरात एक  ग्लास ताक प्यावे. ताक प्यायल्यामुळे शरीर हायड्रेट राहण्यास मदत होते. चला तर जाणून घेऊया मसाला ताक बनवण्याची सोपी रेसिपी. (फोटो सौजन्य – istock)

Falooda Recipe : घरी कसा बनवायचा थंडगार फालुदा? ही रेसिपी नोट करा, लहान मुले होतील खुश

साहित्य:

• दही
• पाणी
• पुदिना
• हिरवी मिरची
• भाजलेल्या जिऱ्याची पावडर
• सैंधव मीठ
• कोथिंबीर
• आलं
• चाट मसाला

Diabetes: डायबिटीजमध्ये फळं खाणं बंद करू नका; शुगर कंट्रोलमध्ये ठेवण्यासाठी फक्त ‘या गोष्टी ठेवा लक्षात

कृती:

• मसाला ताक बनवण्यासाठी सर्वप्रथम, खोलगट भांड्यात दही ओतून रवीच्या मदतीने घुसळून घ्या. दह्यात अजिबात गुठळ्या ठेवू नये.
• त्यानंतर पाणी घालून पुन्हा एकदा व्यवस्थित मिक्स करा. घट्टसर ताक तयार करून त्यात बर्फाचे तुकडे टाकून ठेवा.
• मिक्सरच्या भांड्यात पुदिना, कोथिंबीर, हिरवी मिरची आणि थोडस आलं घालून बारीक पेस्ट वाटून घ्या. पेस्ट तयार करताना आवश्यकता वाटल्यास पाणी घालावे.
• तयार केलेली पेस्ट ताकामध्ये ओतून व्यवस्थित मिक्स करा. त्यानंतर त्यात चवीनुसार सैंधव मीठ, भाजलेल्या जिऱ्याची पावडर आणि आवडीनुसार चाट मसाला घालून व्यवस्थित मिक्स करा.
• तयार आहे झटपट बनवलेले थंडगार मसाला ताक.