Breakfast Recipe: डाएटप्रेमींसाठी भन्नाट रेसिपी! १० मिनिटांमध्ये झटपट बनवा कुरकुरीत पालक ओट्स टिक्की, नोट करा रेसिपी

Breakfast Recipe: वाढलेले वजन कमी करण्यासाठी सकाळच्या नाश्त्यात तुम्ही पालक ओट्स टिक्की बनवून खाऊ शकता. हा अतिशय हेल्दी आणि डाएटप्रेमींसाठी उत्तम पर्याय आहे. ओट्स आणि पालकमध्ये खूप जास्त प्रमाणात फायबर असते. चला तर जाणून घेऊया रेसिपी.

Breakfast Recipe: सकाळच्या नाश्त्यात प्रत्येकाला काहींना काही हेल्दी टेस्टी पदार्थ खाण्यास हवे असतात. कायमच कांदापोहे, उपमा, शिरा खाऊन कंटाळा आल्यानंतर नवनवीन पदार्थ खाण्याची खूप जास्त इच्छा होते. अनेक लोक वजन वाढेल या भीतीने सकाळचा नाश्ता करणे टाळतात. पण सकाळच्या वेळी उपाशी राहिल्यामुळे वजन कमी होण्याऐवजी थकवा अशक्तपणा वाढून आरोग्य बिघडू शकते. त्यामुळे पोटभर नाश्ता करणे फार आवश्यक आहे. आज आम्ही तुम्हाला सोप्या पद्धतीमध्ये पालक ओट्स टिक्की बनवण्याची रेसिपी सांगणार आहोत. सकाळच्या नाश्त्यात कायमच ओट्स खाल्ले जातात. दूध किंवा दह्यात भिजवलेले ओट्स खाऊन कंटाळा आल्यानंतर या पद्धतीने ओट्स पालक टिक्की बनवून खाऊ शकता. यामुळे पोट सुद्धा भरलेले राहील आणि शरीराला आवश्यक पोषण मिळेल. पालकमध्ये भरपूर प्रमाणात लोह असते तर ओट्समध्ये प्रोटीन, फायबर आणि जीवनसत्त्वांचा खजिना असतो. त्यामुळे नाश्त्यासह इतर वेळी सुद्धा ओट्सपासून बनवलेली प्रोटीन टिक्की तुम्ही खाऊ शकता. चला तर जाणून घेऊया रेसिपी.(फोटो सौजन्य – pinterest)

Why Does Eating Sweets Make To Sleep : गोड खल्याने लगेचं झोप का येते ? काय काहे कारण , जाणुन घ्या …

साहित्य:

• पालक
• ओट्स
• पनीर
• मखाणे
• हिरवे वाटाणे
• दही
• हिरवी मिरची
• मीठ
• तेल
• काळीमिरी पावडर
• जिऱ्याची पावडर
• चाट मसाला
• बेसन
• आलं

Recipe : सीफूड लव्हर्ससाठी खास, घरी बनवा मसालेदार कोळंबी भात, रात्रीच्या जेवणासाठी खास रेसिपी

कृती:

• पालक ओट्स टिक्की बनवण्यासाठी सर्वप्रथम, गरम पाण्यात पालक, हिरवे मटार, आलं घालून उकळवून घ्या.
• शिजवून घेतलेल्या भाज्या थंड झाल्यानंतर मिक्सरच्या भांड्यात घालून बारीक पेस्ट बनवा. तर मोठ्या वाटीमध्ये दही घेऊन त्यात बारीक करून घेतलेले ओट्स घालून मऊ होण्यासाठी ठेवा.
• त्यानंतर पाण्यात मखाणा घालून ५ मिनिटं पाण्यात ठेवा आणि त्यानंतर हाताने गाळून घ्या. तयार केलेली पेस्ट वाटीमध्ये काढून
• त्यात किसून घेतलेले पनीर, बेसन, भिजवलेले मखाणा, काळीमिरी पावडर, चवीनुसार मीठ, जिऱ्याची पेस्ट घालून मिक्स करा.
• तयार केलेल्या मिश्रणाचे छोटे छोटे टिक्की बनवून घ्या आणि तव्यावरील गरम तेलात टिक्की दोन्ही बाजूने कुरकुरीत होईपर्यंत भाजा.
• तयार आहेत सोप्या पद्धतीमध्ये बनवलेली कुरकुरीत पालक ओट्स टिक्की. हा पदार्थ कमीत कमी साहित्यात झटपट तयार होतो.