कॉस्मेटिक्स, क्रीम्स आणि डिओड्रंट्समधील केमिकल्समुळे वाढतोय त्वचा कर्करोगाचा धोका, वेळीच व्हा सावध

तज्ज्ञांचे म्हणणे आहे की, नियमित वापरल्या जाणाऱ्या डिओड्रंट्स आणि लोशन्समधील सुगंधी घटक शरीरातील इस्ट्रोजेन हार्मोनसारखे कार्य करतात, ज्यामुळे पेशींच्या अनियमित वाढीचा धोका वाढतो.केमिकल-फ्री, पॅराबेन-फ्री किंवा नॅचरल अशा प्रकारची लेबल्स असलेली उत्पादनं वापरण्याचा प्रयत्न करा.नैसर्गिक पर्याय जसे की कोरफडीचा गर, नारळाचे तेल, बेकिंग सोडा किंवा लिंबूवर्गीय अशा सुगंधी तेलांपासून बनवलेले डिओड्रंट्स अधिक सुरक्षित ठरू शकतात.चांगल्या आरोग्यासाठी सुंदरतेसोबतच सुरक्षिततेलाही प्राधान्य देणे गरजेचे आहे, असे साताऱ्यातील ऑन्को लाईफ कॅन्सर सेंटरचे रेडिएशन ॲान्कोलॅाजिस्ट डॅा. अमोल पवार यांनी स्पष्ट केले.

सौंदर्य प्रसाधनांचा वापर पूर्णपणे टाळणे शक्य नाही. परंतु योग्य माहिती, त्यातील घटकांची तपासणी आणि सुरक्षित पर्यायांची निवड केल्यास रसायनांमुळे होणारा संभाव्य कर्करोगाचा धोका लक्षणीयरीत्या कमी करता येऊ शकतो. त्वचा सुंदर राहण्यासाठी नुसती केमिकल्सचा वापर न करता सुरक्षितता आणि जागरूकता पसरविणे गरजेचे आहे.

शार्प जो लाईन हवीये? हा व्यायाम करत चला, मिळवाल हवा तसा लुक

त्वचेच्या कॅन्सरची शरीरात दिसून येणारी लक्षणे:

• कोणत्याही अवयवावर नवीन डाग किंवा तीळ तयार होणे.
• जुन्या तीळचा आकार, रंग किंवा स्वरूप बदलणे.
• त्वचेवर खाज येणे, रक्तस्त्राव होणे किंवा जखम न भरणे.
• खासकरून मानेच्या दोन्ही बाजूस किंवा कानाजवळ गाठ येणे, जी २-३ आठवड्यांपेक्षा जास्त काळ टिकून राहते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या