चेहऱ्यावर वाढलेले पिगमेंटेशन १० रुपयांच्या 'या' पदार्थांने होईल गायब
शार्प जो लाईन हवीये? हा व्यायाम करत चला, मिळवाल हवा तसा लुक
चेहऱ्यावरील काळे डाग घालवण्यासाठी घरगुती पदार्थांचा वापर करावा. यासाठी वाटीमध्ये एक चमचा जेष्ठमध पावडर घ्यावी. त्यानंतर त्यात तांदळाचे पीठ आणि टोमॅटोचा रस मिक्स करून पेस्ट तयार करा. तयार केलेली पेस्ट संपूर्ण चेहऱ्यावर लावून काहीवेळा तसेच ठेवा. त्यानंतर हातांना पाणी लावून हलक्या हाताने चेहऱ्यावर मसाज करा. यामुळे डेड स्किन कमी होण्यासोबतच त्वचेच्या बऱ्याच समस्यांपासून आराम मिळेल. तयार केलेल्या फेसपॅकमध्ये तुम्ही बटाट्याचा रस सुद्धा टाकू शकता. यामुळे त्वचेमध्ये वाढलेली जळजळ कमी होण्यास मदत होईल.
वारंवार उन्हात गेल्यामुळे त्वचा खूप जास्त काळवंडून जाते. याशिवाय त्वचा चिकट आणि तेलकट झाल्यामुळे त्वचेच्या ओपन पॉर्समध्ये घाण जमा होण्यास सुरुवात होते. त्वचेच्या छिद्रांमध्ये जमा झालेल्या घाणीमुळे चेहऱ्यावर खूप जास्त पिंपल्स आणि फोड येतात. हे फोड कमी करण्यासाठी टोमॅटोचा रस अतिशय प्रभावी ठरेल. त्वचेचा रंग उजळदार करण्यासाठी टोमॅटो फेसपॅक आठवड्यातून दोनदा किंवा तीनदा चेहऱ्यावर लावावा. तसेच तांदळाच्या पिठात असलेल्या गुणधर्मांमुळे त्वचा खूप जास्त उजळदार होते आणि चेहऱ्यावरील चमक कायम टिकून राहते.
चेहऱ्यावर वाढलेला काळेपणा कमी करण्यासाठी तुम्ही टोमॅटोचे दोन भाग करून त्यावर कॉफी पावडर आणि साखर घालून हलक्या हाताने चेहऱ्यावर मसाज करू शकता. यामुळे डेड स्किन कमी होण्यासोबतच त्वचा अतिशय सुंदर होईल. चेहऱ्यावर जमा झालेल्या डेड स्किनमुळे त्वचा कितीही स्वच्छ केली तरीसुद्धा त्वचेवर काळेपणा दिसतो. काळेपणा कमी करण्यासाठी कोणत्याही महागड्या क्रीमचा वापर करण्याऐवजी घरगुती उपाय करावेत.
