बजेटमध्ये ट्रिप होईल पूर्ण! फक्त 10,000 रुपयांत फिरता येतात भारतातील ही ठिकाणे

Travel Tips : प्रवास आपल्या आरोग्यासाठी खूप फायद्याचा ठरतो. गजबटापासून दुर कुठे शांत ठिकाणी प्रवास करायचा असेल आणि तेही बजेटमध्ये तर आजही ही बातमी तुमच्या कामाची ठरणार आहे.

• कमी बजेटमध्येही प्रवास शक्य आहे, फक्त योग्य प्लॅनिंग आणि खर्चावर नियंत्रण आवश्यक असते.
• भारतात काही ठिकाणे अशी आहेत जिथे निसर्ग, शांतता आणि थंड वातावरण कमी खर्चात अनुभवता येते.
• प्रवासासाठी ट्रेन, बस आणि साधे निवास पर्याय निवडल्यास खर्च मोठ्या प्रमाणात कमी करता येतो.

प्रवास हा आपल्या आरोग्यासाठी खूप फायद्याचा ठरतो. प्रवासामुळे रोजचा थकवा दूर होतो आणि मनाला शांती मिळते. रोजच्या गजबटापासून दूर काही वेळ स्वत:साठी काढून वर्षाला एक तरी ट्रीप प्लॅन करायला हवी. बऱ्याचदा असं होत की ट्रीप तर प्लॅन करायची फार इच्छा होते पण त्यासाठी लागणाऱ्या बजेटची कमतरता भासते. प्रवास करायचा तर बजेट भारीभक्कम लागतंच. तथापि आज आम्ही तुम्हाला देशातील काही अशा ठिकाणांची माहिती सांगत आहोत जिथे कमी खर्चात तुमची ट्रीप पूर्ण होऊ शकते. आम्ही तुम्हाला सांगतो की, योग्य नियोजन आणि हुशारीने खर्च केल्यास फक्त 10,000 रुपयांतही सुंदर ठिकाणांना भेट देता येते. चला आता इतक्या कमी बजेटमध्ये आपण कोणकोणत्या ठिकाणांना भेट देऊ शकता ते जाणून घेऊया.

देवाला दत्तक घेण्यासाठीची अनोखी ओढ! भगवंताचे आई-वडील होण्यासाठी इथे भक्त लावतात लाखोंची बोली

तवांग

सध्या उन्हाळा ऋतू सुरु असून या सीजनमध्ये उष्णता भरपूर वाढते. याकाळात बहुतेक लोकांचा कल हा थंड ठिकाणी भेट देण्याकडे जास्त असतो. त्यातही जर ठिकाण नैसर्गिक असेल तर प्रवासाचा अनुभव आणखीनच मजेदार बनतो. तुम्हालाही निसर्गाने भरलेल्या शांत आणि थंड ठिकाणी भेट द्यायची असेल तर आसामधील तवांग हे ठिकाण तुमच्यासाठी उत्तम आहे. आसाममधील तेजपूर रेल्वे स्टेशनवर उतरून बसने तवांगला पोहचता येते. इथे बसचे भाडे २०० रुपये आहे. निवास आणि जेवणाचा खर्च अंदाजे ३००० रुपयांपेक्षा जास्त येत नाही. तुम्ही गुवाहाटीपासून विमानाने देखील प्रवास करु शकता.

कौसानी

हे सुंदर ठिकाण हिमालयाच्या पायथ्याशी वसलेले आहे. हे एक छोटंस थंड हवेचं ठिकाण आहे जिथे निसर्गसाैंदर्याचा अद्भूत अनुभव घेता येतो. तुम्ही मुंबईहून इथे जात असाल तर त्यासाठी थेट रेल्वेचा मार्ग उपलब्ध नाही. यासाठी प्रथम तुम्हाला मुंबईहून काठगोदाम पर्यंत ट्रेन पकडावी लागेल आणि पुढे तेथून तुम्ही टॅक्सी किंवा बसने काैसानीला जाऊ शकता. इथे एक दिवसाचा खर्च १५०० रुपये आहे.

हेमिस

हे लेह तहसीलमध्ये वसलेले एक साधे आणि सुंदर ठिकाण आहे. मनाली ते लेह ट्रक प्रवासाला फक्त ५०० रुपये लागतात. येथे जेवण आणि राहण्याचा खर्च फार कमी असून तो परवडणाराही आहे. एक साधा अनुभव हवा असेल तर हे ठिकाण तुमच्यासाठी एक चांगला पर्याय आहे.

जगातील अस मंदिर जिथे केली जाते पुरुषाच्या लिंगाची पूजा, मुलं होण्याच्या आशेने येतात लोकं, जाणून घ्या कुठे आहे अनोखं मंदिर

कुल्लू

चार ते पाच दिवसांच्या ट्रिपची मजा घ्यायची असेल तर कुल्लु तुमच्यासाठी एक उत्तम ठिकाण आहे. इथे ५००० रुपयांपेक्षा कमी खर्चात चार ते पाच दिवसांची सहल पूर्ण करता येते. मुंबईहून कुल्लूला (हिमाचल प्रदेश) थेट ट्रेन नाही. सर्वात सोयीचा मार्ग म्हणजे मुंबईहून दिल्ली (Delhi) पर्यंत ट्रेनने जाणे आणि तिथून कुल्लूसाठी बस किंवा टॅक्सी घेणे.