पायांच्या टाचांना पडलेल्या भेगा कायमच्या होतील नष्ट! १० रुपयांच्या तुरटीचा ‘या’ पद्धतीने करा वापर, त्वचा होईल मुलायम

पायांना पडलेल्या भेगा कमी करण्यासाठी तुरटीच्या पाण्याचा वापर करावा. यामुळे पायांवरील त्वचा अतिशय मऊ आणि मुलायम होते. चला तर जाणून घेऊया त्वचेसाठी तुरटीचा वापर कसा करावा.

• थंडीच्या दिवसांमध्ये टाचांना भेगा का पडतात?
• त्वचेसंबंधित समस्यांपासून आराम मिळवण्यासाठी तुरटीचा वापर कसा करावा?
• तुरटीची त्वचा आणि शरीराला होणारे फायदे?

दैनंदिन वापरात तुरटी कायमच वापरली जाते. तुरटीमध्ये असलेले घटक आरोग्य सुधरण्यासाठी आणि त्वचेसंबंधित समस्यांपासून आराम मिळवण्यासाठी मदत करतात. थंडीच्या दिवसांमध्ये पायांना खूप जास्त भेगा पडतात. पायांना पडलेल्या भेगांमधून काहीवेळा खूप जास्त रक्त सुद्धा येते. याशिवाय पायांमध्ये वाढलेल्या वेदना, पायांवरील निघालेल्या त्वचेमुळे पाय अतिशय निस्तेज आणि कोरडे दिसतात. अशावेळी महिला बाजारात उपलब्ध असलेल्या वेगवेगळ्या स्किन केअर प्रॉडक्ट आणि क्रीमचा वापर करतात. पण केमिकल युक्त प्रॉडक्टच्या वापरामुळे त्वचेवर फारसा परिणाम दिसून येत नाही. म्हणूनच आज आम्ही तुम्हाला पायांवर पडलेल्या भेगा कमी करण्यासाठी तुरटीचा वापर कसा करावा, याबद्दल सविस्तर माहिती सांगणार आहोत. तुरटीच्या वापरामुळे पायांवरील नैसर्गिक चमक वाढते. पूर्वीच्या काळापासून ते आत्तापर्यंत सर्वच महिला तुरटीचा वापर करतात.(फोटो सौजन्य – istock)

Bridal Glow Tips: लग्नाआधी त्वचेवरील ग्लो वाढवण्यासाठी करून पहा ‘हे’ सोपे उपाय, १५ दिवसांमध्ये चेहऱ्यावर येईल ब्रायडल ग्लो

तुरटीमध्ये अँटी-बॅक्टेरियल, अँटी-फंगल आणि अँटी-इंफ्लेमेटरी गुणधर्म मोठ्या प्रमाणावर आढळून येतात. सतत धावपळीच्या परिणामामुळे आरोग्यावर लगेच दिसून येतो. शरीरात वाढलेला थकवा, तणाव कमी करण्यासाठी विश्रांती घेणे आवश्यक आहे. त्वचेवर वाढलेले फंगल इन्फेक्शन कमी करण्यासाठी तुरटी फायदेशीर आहे. तुरटीचा वापर पायांना केल्यास पायांची त्वचा अतिशय सुंदर आणि मुलायम होते. दिवसभर कामात किंवा प्रवासामध्ये उभं राहून पाय थकल्यानंतर गरम पाण्यात तुरटी मिक्स करून पायांना शेक द्यावा. यामुळे पायांच्या वेदनांपासून आराम मिळतो आणि पायांची गुणवत्ता सुधारते.

तुरटीच्या पाण्याचे आश्चर्यकारक फायदे:

दुर्गंधीवर उपाय:

बूट किंवा मोजे घातल्यामुळे पायांना दुर्गंधी येते. पायांमध्ये वाढलेल्या दुर्गंधीमुळे बऱ्याचदा पायांवरील त्वचा कुजण्याची शक्यता असते. अशावेळी तुरटीच्या पाण्याचा वापर करावा. तुरटीमध्ये असलेले अँटी-बॅक्टेरियल गुणधर्म पाय स्वच्छ करतात. याशिवाय सतत येणाऱ्या घामामुळे पायांवरील त्वचा चिकट आणि तेलकट होऊन जाते. या सर्व समस्यांपासून आराम मिळवण्यासाठी तुरटीचा वापर करावा.

डोळ्यांखाली काळी वर्तुळ वाढली आहेत? शरीरात निर्माण झालेल्या ‘या’ विटामिनच्या कमतरतेमुळे त्वचा होईल निस्तेज

फंगल इन्फेक्शनवर नियंत्रण:

शरीराच्या कोणत्याही अवयवावर वाढलेले फंगल इन्फेक्शनवर नियंत्रण ठेवण्यासाठी तुरटीचा वापर करावा. यामध्ये असलेले अँटी-फंगल प्रॉपर्टी पायांवरील अॅथलीट फूट नियंत्रणात ठेवण्यासाठी मदत करते. याशिवाय पायांमध्ये वाढलेली जळजळ कमी करण्यासाठी तुरटीचा वापर करावा. पायांना वाढलेली सूज कमी करण्यासाठी अँटी-इंफ्लेमेटरी गुणधर्मांनी समृद्ध असलेल्या तुरटीचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.