Dark Circles: डोळ्यांभोवती वाढलेल्या डार्क सर्कल्समुळे त्वचा खूप जास्त निस्तेज दिसते? मग ‘हे’ घरगुती उपाय करून मिळवा आराम

डोळ्यांभोवती वाढलेले काळे डाग कमी करण्यासाठी महिला सतत काहींना काही करत असतात. पण त्याऐवजी घरगुती उपाय करून त्वचेवर नैसर्गिक चमक वाढवावी. यामुळे डोळ्यांभोवती वाढलेले काळे डाग कमी होतील.

डोळ्यांभोवती काळे डाग येणे ही अतिशय सामान्य समस्या आहे. अपुऱ्या झोपेचा आरोग्यासोबतच त्वचेवर सुद्धा परिणाम दिसून येतो. डोळ्यांभोवती वाढलेले काळे डाग त्वचा पूर्णपणे निस्तेज करून टाकतात. मानसिक तणाव, अपुरी झोप, पोषक घटकांची कमतरता इत्यादी गोष्टीच्या परिणामामुळे डोळ्यांभोवती असलेली त्वचा पूर्णपणे काळी होऊन जाते. डोळ्यांभोवती वाढलेला काळेपणा कमी करण्यासाठी महिला सतत काहींना काही उपाय करतात. कधी बाजारात उपलब्ध असलेल्या स्किन केअर प्रॉडक्टचा वापर केला जातो तर कधी महागड्या क्रीम त्वचेवर लावल्या जातात. पण वारंवार केमिकल उत्पादनांचा वापर केल्यामुळे त्वचेसंबंधित इतर समस्या वाढण्याची जास्त शक्यता असते. त्वचेसंबंधित समस्या उद्भवल्यानंतर त्वचेला आतून पोषण देणे सुद्धा तितकेच आवश्यक आहे. आज आम्ही तुम्हाला डोळ्यांभोवती वाढलेले काळे डाग घालवण्यासाठी कोणते घरगुती उपाय करावेत, याबद्दल जाणून घेऊया सविस्तर माहिती.(फोटो सौजन्य – istock)

स्मार्ट स्किनकेअर रुटीन फॉलो करून चेहऱ्यावर आणा चमकदार ग्लो, त्वचा राहील कायमच फ्रेश आणि हायड्रेट

डोळ्यांभोवती वाढलेले काळे डाग घालवण्यासाठी घरगुती उपाय:

कोरफड जेल:

मागील अनेक वर्षांपासून त्वचेसंबंधित समस्यांपासून आराम मिळवण्यासाठी महिला कोरफड जेलचा वापर करतात. कोरफड जेल लावल्यामुळे त्वचा हायड्रेट होण्यास मदत होते. त्वचेच्या वाढत्या समस्यांपासून आराम मिळवण्यासाठी कोरफड जेलचा वापर करावा. यामध्ये असलेले गुणकारी घटक त्वचेचा रंग उजळदार करतात, चेहऱ्यावर आलेले डाग पिंपल्स घालवण्यास मदत करतात. वाटीमध्ये कोरफड जेल घेऊन त्यात विटामिन ई कँप्सूल मिक्स करा. तयार केलेले मिश्रण डोळ्यांभोवती वाढलेल्या काळ्या डागांवर लावून काहीवेळ तसेच ठेवा. त्यानंतर हलक्या हाताने मसाज करून त्वचा पाण्याने स्वच्छ धुवून घ्या. आठवडाभर नियमित कोरफड जेल लावल्यास डोळ्यांभोवती वाढलेले काळे डाग कमी होण्यास मदत होईल.

गुलाब पाणी:

गुलाब पाणी त्वचा हायड्रेट ठेवण्यासाठी मदत करते. त्वचेच्या समस्या वाढू लागल्यानंतर कोणत्याही केमिकल युक्त स्किन केअरचा वापर करण्याऐवजी घरगुती आणि नैसर्गिक पदार्थांचा वापर करावा. डोळ्यांभोवती वाढलेल्या काळ्या डागांवर गुलाब पाणी लावावे. रात्री झोपण्याआधी गुलाब पाणी डोळ्यांभोवती लावून ठेवावे. त्यानंतर सकाळी त्वचा पाण्याने स्वच्छ धुवून घ्या. यामुळे डोळ्यांभोवती वाढलेली सूज आणि जळजळ कमी होण्यास मदत होईल.

त्वचेसाठी बटाटा ठरेल वरदान! ‘या’ पद्धतीने नियमित चेहऱ्यावर लावा बटाट्याचा रस, आठवडाभरात त्वचा होईल चमकदार

बटाटा:

डोळ्यांभोवती वाढलेले काळे डाग कमी करण्यासाठी बटाट्याच्या रसाचा वापर करावा. यासाठी बटाटा किसून त्यातील रस काढा. बटाट्याचा रस डोळ्यांभोवती काहीवेळ लावून ठेवा आणि त्वचा पाण्याने स्वच्छ धुवून घ्या. नियमित बटाट्याचा रस किंवा काप डोळ्यांवर ठेवल्यास उष्णता कमी होऊन काळवंडलेले डोळे पुन्हा एकदा चमकदार आणि सुंदर होईल. घरगुती उपाय केल्यामुळे चेहऱ्यावर नैसर्गिक चमक दीर्घकाळ टिकून राहते.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.