कधीच उद्भवणार नाही पचनाची समस्या! रोजच्या आहारात करा पुदिना ताकाचे सेवन, शरीर राहील फ्रेश

रोजच्या आहारात पुदिन्याच्या पानांचे सेवन करावे. पुदिन्याची पाने आरोग्यासाठी अतिशय पौष्टिक असतात. चला तर जाणून घेऊया पुदिन्याचे ताक बनवण्याची सोपी रेसिपी. यामुळे पचनक्रिया निरोगी राहील.

उन्हाळ्यासह इतर सर्वच ऋतूंमध्ये शरीराला थंडाव्याची आवश्यकता असते. कारण शरीरात पाण्याची कमतरता निर्माण झाल्यानंतर अनेक समस्या उद्भवू लागतात. थकवा, अशक्तपणा किंवा डिहायड्रेशनची समस्या उद्भवू शकते. त्यामुळे उन्हाळ्यासह इतर सर्वच ऋतूंमध्ये ताक, नारळ पाणी, दही, कोकम सरबत इत्यादी पेयांचे सेवन करावे. याशिवाय शरीरात वाढलेली उष्णता कमी करण्यासाठी पुदिना खावा. आहारात पुदिन्याचे सेवन केल्यास पचनाची समस्या कधीच उद्भवणार नाही. कारण पुदिना शरीरातील उष्णता कमी शरीर थंड ठेवण्यास मदत करतो. म्हणूनच आज आम्ही तुम्हाला पुदिन्याचे थंडगार ताक बनवण्याची सोपी रेसिपी सांगणार आहोत. चला तर जाणून घेऊया पुदिन्याचे ताक बनवण्याची सोपी रेसिपी.(फोटो सौजन्य – iStock)

संध्याकाळच्या जेवणात काय बनवावं सुचत नाही? झटपट बनवा चिंच गुळाची आंबट तिखट आमटी, नोट करून घ्या पदार्थ

साहित्य:

• पुदिना
• दही
• कोथिंबीर
• मीठ
• चाट मसाला
• जिऱ्याची पावडर
• हिरवी मिरची
• आलं
• हिंग

सकाळच्या नाश्त्यात कोकणातील पारंपरिक पद्धतीमध्ये बनवा काकडीची भाकरी, उद्भवणार नाही पचनाची समस्या

कृती:

• पुदिना ताक बनवण्यासाठी सर्वप्रथम, कोथिंबीर आणि पुदिन्याची पाने स्वच्छ करून पाण्यात टाकून ठेवा. त्यानंतर पुदिना आणि कोथिंबीर बारीक चिरून घ्या.
• मिक्सरच्या भांड्यात पुदिना, हिरवी मिरची, आलं घालून बारीक पेस्ट बनवा.
• मोठ्या टोपात दही घेऊन त्यात थोडस पाणी घालून मिक्स करा. दह्यात अजिबात गुठळ्या ठेवू नये. त्यानंतर त्यात चमचाभर चाट मसाला घालून मिक्स करा.
• त्यानंतर त्यात जिऱ्याची पावडर, मीठ, आणि तयार करून घेतलेली पेस्ट टाकून मिक्स करा. वरून बारीक चिरलेली कोथिंबीर टाका.
• तयार केलेल्या मिश्रणात आवश्यकतेनुसार पाणी घालून पुन्हा एकदा मिक्स करा.
• सर्व्ह करताना काचेच्या ग्लासात बर्फाचे तुकडे घालून वरून ताक ओता. तयार आहे सोप्या पद्धतीमध्ये बनवलेले पुदिन्याचे ताक.