किडनी स्टोनमुळे वारंवार पोटात वेदना होतात? मग ‘या’ पद्धतीने करा लिंबू पाण्याचे सेवन, लघवीवाटे स्टोन पडून जाईल बाहेर

किडनी स्टोन झाल्यानंतर नियमित लिंबू पाण्याचे सेवन करावे. लिंबू पाण्याचे सेवन केल्यामुळे शरीर हायड्रेट राहते आणि आरोग्य सुधारण्यास मदत होते. चला तर जाणून घेऊया लिंबू पाणी प्यायल्यामुळे खरचं किडनी स्टोनचा धोका कमी होतो का.

लिंबू पाणी किडनीच्या आरोग्यासाठी खरंच चांगले आहे का?
लिंबू पाणी पिण्याचे फायदे?
किडनी स्टोन झाल्यानंतर दिसून येणारी लक्षणे:

दैनंदिन आहारात सतत होणारे बदल, कामाचा वाढता तणाव, पोषक घटकांची कमतरता, शारीरिक हालचालींचा अभाव आणि चुकीच्या वेळी अन्नपदार्थांचे सेवन इत्यादी अनेक गोष्टींचा आरोग्यावर लगेच परिणाम दिसून येतो. त्यामुळे शरीराची योग्य काळजी घेणे फार आवश्यक आहे. शरीरसंबंधित समस्या उद्भवल्यानंतर कायमच दुर्लक्ष केले जाते. पण हेच छोटे आजार कालांतराने गंभीर स्वरूप घेतात आणि शरीराला हानी पोहचवतात. त्यातील अतिशय वेदनादायी आजार म्हणजे किडनी स्टोन. यामुळे पोटात कायमच वेदना होतात. मुतखडा मूत्रपिंडात तयार होणारा कठीण खनिज आणि क्षारांचा साठा आहे. हा साठा शरीरात तसाच साचून राहिल्यामुळे पोटात वेदना होतात काहीवेळा लघवीमध्ये सुद्धा अडथळे निर्माण करतो.(फोटो सौजन्य – istock)

सकाळी उठल्यानंतर पोटात कायमच जडपणा जाणवतो? मग ‘या’ पद्धतीने करा इरंडेल तेलाचे सेवन, आतड्यांमधील घाण होईल स्वच्छ

लघवीवाटे शरीरातील विषारी घटक बाहेर पडून न गेल्यामुळे घाण किडनीमध्ये तशीच साचून राहते. ज्याच्या परिणामामुळे किडनीमध्ये छोटे छोटे खडे तयार होतात. अशावेळी अनेक लोक सकाळी उठल्यानंतर कोमट पाण्यात लिंबाचा रस मिक्स करून पितात. यामुळे केवळ किडनीलाच नाहीतर संपूर्ण शरीराला फायदे होतात. वाढलेले वजन नियंत्रणात राहते, शरीर हायड्रेट राहण्यास मदत होते आणि आतड्यांमधील विषारी घाण बाहेर पडून जाते. आज आम्ही तुम्हाला किडनी स्टोन झाल्यानंतर कोणती लक्षणे दिसून येतात? नियमित लिंबू पाणी प्यायल्यामुळे किडनीचे आरोग्य चांगले राहते का? याबद्दल जाणून घेऊया सविस्तर माहिती.

किडनी स्टोन झाल्यानंतर दिसून येणारी लक्षणे:

• पाठीच्या बाजूला किंवा पोटात असह्य वेदना होणे
• लघवी करताना जळजळ किंवा तीव्र वेदना
• लघवीतून रक्त पडणे
• अचानक उलट्या किंवा मळमळ होणे.
• संसर्ग झाल्यास थंडी ताप भरणे

लिंबू पाणी किडनीच्या आरोग्यासाठी खरंच चांगले आहे का?

लिंबू पाणी किडनीच्या आरोग्यासाठी जादुई उपाय मानला जात नाही. लिंबामधील सायट्रेट शरीर हायड्रेट ठेवण्यास मदत करते. शरीरास आवश्यक असलेल्या प्रमाणात पाणी प्यायल्यास शरीर हायड्रेट रहाण्यासोबतच लघवी पातळ होण्यास मदत होते. तसेच लिंबू पाणी प्यायल्यामुळे किडनी स्टोन होणारे घटक नष्ट होण्यास मदत होते. लिंबामध्ये सायट्रेट नावाचे सायट्रिक ऍसिड असते, ज्यामुळे लघवीतील कॅल्शियमसोबत संयोग स्फटिकांना एकत्र चिकटण्यापासून रोखण्यास मदत करतात. मुतखडा होण्याचे प्रमुख कारण म्हणजे शरीरात कॅल्शियम साचून राहणे.

Body Muscles: स्नायू मजबूत करण्यासाठी आहारात ‘या’ पदार्थांचा आवर्जून समावेश करा!

कोणत्याही वेळी लिंबू पाण्याचे सेवन करू नये. सर्दी, खोकला किंवा संसर्ग होत असल्यास लिंबू पाणी कोमट पाण्यामध्ये प्यावे. लिंबू पाणी पिण्याची सामान्य पद्धत म्हणजे कोमट पाण्यात एक चमचा लिंबाचा रस मिक्स करून पिणे. लिंबू पाण्याची चव आणखीनच वाढवण्यासाठी तुम्ही त्यात पुदिना किंवा काकडीसुद्धा मिक्स करू शकता. दातांवरील सायट्रिक ऍसिडचा प्रभाव कमी करण्यासाठी लिंबू पाणी प्यायल्यानंतर साध्या पाण्याने चूळ भरावी. यामुळे दात आंबट होणार नाहीत.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.