हेअरस्पा करण्यासाठी सतत पार्लरला जावं लागत? मग ‘या’ पदार्थांचा वापर करून घरीच करा hair spa, केस होतील चमकदार

निस्तेज आणि कोरड्या झालेल्या केसांवर हेअर स्पा केल्यास केस सुंदर आणि चमकदार होतील. त्यामुळे नेहमी नेहमी पार्लरमध्ये जाऊन हेअर स्पा करण्याऐवजी तुम्ही घरच्या घरी या पदार्थांचा वापर करून हेअर स्पा करू शकता.

उन्हामुळे कोरडे, निस्तेज झालेले केस सुंदर आणि चमकदार करण्यासाठी महिला सतत काहींना काही करत असतात. केसांना कधी हेअरमास्क लावणे तर कधी केसांच्या वेगवेगळ्या ट्रीटमेंट करून घेतल्या जातात. केसांची गुणवत्ता खराब झाल्यानंतर ती सुधारण्यासाठी बाजारात अनेक वेगवेगळ्या ट्रीटमेंट उपलब्ध आहेत. मात्र या ट्रीटमेंट फारकाळ केसांवर टिकून राहत नाहीत. केसांच्या वेगवेगळ्या ट्रीटमेंट करून घेताना वेगवेगळ्या क्रीम्सचा वापर केला जातो. काहींना या क्रीमच्या वापरामुळे इन्फेक्शन सुद्धा होते. त्यामुळे केसांना सूट होतील अशाच ट्रीटमेंट केसांसाठी करून घ्याव्यात. हेअर स्पा, स्ट्रेटनिंग,बायोटीन, केराटीन अशा अनेक प्रकारच्या ट्रीटमेंट बाजारात उपलब्ध आहेत.(फोटो सौजन्य – iStock)

उन्हामुळे शरीरावर वाढलेले टॅनिंग कमी करण्यासाठी करून पहा ‘हे’ घरगुती उपाय, त्वचा होईल गोरीपान

केस कोरडे होणे, केसांमध्ये सतत कोंडा होणे इत्यादी केसांसंबधित समस्या उद्भवू लागल्यानंतर अनेक महिला हेअर स्पा करून घेतात. हेअर स्पा केल्यामुळे केस आतून कंडीशनींग होतात. केमिकलयुक्त प्रॉडक्टचा वापर केसांसाठी करण्याऐवजी घरगुती पदार्थांचा वापर करून तुम्ही घरीच हेअर स्पा करू शकता. यामुळे केस मऊ आणि सिल्की होतील. याशिवाय केसांची खराब झालेली गुणवत्ता सुधारेल. केस सुंदर आणि चमकदार दिसण्यासाठी केसांना पोषण देणे आवश्यक आहे. याशिवाय दैनंदिन आहारात विटामिन सी युक्त पदार्थांचे जास्त सेवन करावे. आज आम्ही तुम्हाला घरगुती पदार्थांचा वापर करून हेअर स्पा करण्याची सोपी पद्धत सांगणार आहोत. चला तर जाणून घेऊया.

साहित्य:

• अळशीच्या बिया
• पाणी
• तांदळाचे पीठ
• खोबरेल तेल
• कोरफड जेल

कृती:

• हेअर स्पा क्रीम तयार करण्यासाठी सर्वप्रथम, टोपात एक ग्लास पाणी टाकून गरम करून घ्या.
• त्यानंतर त्यात अळशीच्या बिया आणि तांदळाचे पीठ टाकून मिक्स करा.
• पाण्याला व्यवथित उकळी आल्यानंतर अळशीच्या बिया शिजू लागतील. गॅस बंद करून पाणी थंड करा.
• तयार करून घेतलेले पाणी गाळून घ्याआणि त्यात खोबऱ्याचे तेल, कोरफड जेल टाकून मिक्स करा.
• तयार केलेली पेस्ट व्यवस्थित मिक्स करा. ज्यामुळे सर्व पदार्थ व्यवस्थित मिक्स होतील.

चेहऱ्यावर नैसर्गिक ग्लो मिळवण्यासाठी ‘या’ पद्धतीने करा बीटच्या रसाचा वापर, त्वचा होईल सुंदर आणि तेजस्वी

‘या’ पद्धतीने हेअरस्पा केसांवर लावा:

• तयार करून घेतलेले हेअर स्पा चे मिश्रण केसांवर सगळीकडे व्यवस्थित लावून घ्या. ब्रश किंवा हाताच्या साह्याने तयार केलेली पेस्ट केसांवर लावू शकता.
• केसांच्या मुळांपासून ते अगदी टोकांपर्यंत हेअर स्पाचे मिश्रण केसांवर लावा.
• त्यानंतर १ तास केस तशीच बांधून ठेवा. नंतर पाणी आणि शँम्पूचा वापर करून केस स्वच्छ धुवून घ्या.
• हा उपाय आठवड्यातून एकदा केल्यास केस मऊ आणि चमकदार होतील. याशिवाय केसांची गुणवत्ता सुधारेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.