ॲसिडिटीमुळे सतत करपट ढेकर- जळजळ होते? जेवणानंतर ‘या’ बारीक दाण्यांच्या मिश्रणाचे सेवन करून मिळवा आराम, वेदनांपासून मिळेल मुक्ती

भारतीय स्वयंपाक घरात अनेक वेगवेगळे पदार्थ उपलब्ध असतात. ॲसिडिटी झाल्यानंतर अनेक लोक डॉक्टरांच्या सल्ल्याने गोळ्या औषधांचे सेवन करतात. पण असे न करता घरगुती उपाय करून आराम मिळवावा. नैसर्गिक पदार्थांचे सेवन केल्यामुळे शरीराला अनेक फायदे होतात. पचन सुधारण्यासाठी आणि ॲसिडिटीवर नियंत्रण मिळवण्यासाठी खडीसाखर आणि बडीशेप एकत्र मिक्स करून खावी. नियमित हे मिश्रण खाल्ल्यास पचनक्रिया सुधारण्यासोबतच शरीराला भरमसाट फायदे होतील. बडीशेप आणि खडीसाखर एकत्र खाल्ल्यास पोटात वाढलेली उष्णता कमी होते. गॅस, आंबट ढेकर कमी करण्यास मदत होते. ॲसिडिटी वाढल्यामुळे शरीराच्या आतील अवयवांना आलेली सूज कमी करण्यासाठी बडीशेप खावी. यामध्ये असलेले एनेथोल घटक सूज आणि गॅस कमी करते.

जेवणानंतर अनेकांना बडीशेप खाण्याची सवय असते. बडीशेप खाल्ल्याशिवाय जेवल्यासारखे वाटत नाही. जेवणानंतर नियमित अर्धा चमचा बडीशेप खाल्ल्यास खाल्ले अन्नपदार्थ सहज पचन होतात. यासोबतच तोंडात वाढलेली दुर्गंधी कमी होते आणि पचनक्रिया सुधारते. जेवणात सतत होणाऱ्या बदलांच्या परिणामामुळे वारंवार पोटात वेदना वाढू लागतात. या वेदना वाढू लागल्यानंतर काहीवेळा शरीरात अस्वस्थपणा वाटू लागतो. तसेच तुम्ही बडीशेपचे पाणी सुद्धा पिऊ शकता. सकाळी उठल्यानंतर उपाशी पोटी बडीशेपचे पाणी प्यायल्यास पोटात वाढलेली उष्णता कमी होण्यास मदत होते.

डायबिटीजला 2 स्टेप्समध्येच करा रिव्हर्स, सायलेंट किलरपासून वाचण्यासाठी एक्सपर्टने सांगितले उपाय

बडीशेपमध्ये नैसर्गिक तेल मोठ्या प्रमाणावर आढळून येते. यामुळे तोंडात वाढलेली दुर्गंधी कमी होते आणि शरीराला सुद्धा अनेक फायदे होतात. खडीसाखर खाल्ल्यामुळे नैसर्गिकरित्या कार्बोहायड्रेट पुरवतात. पचनमार्गाच्या स्नायूंना आराम देण्यासाठी नियमित खडीसाखर खावी. बडीशेप आणि खडीसाखरचे मिश्रण खाल्ल्यास खाल्ले अन्नपदार्थ पोटात जास्त वेळ टिकून न राहता पुढे सरकतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या