Dussehra 2026: दसऱ्यानिमित्त घरी बनवा शाही केशर पिस्ता श्रीखंड, विकतच्या श्रीखंडापेक्षा लागेल भन्नाट चव

Dussehra 2026: दसऱ्यानिमित्त घरात तुम्ही सोप्या पद्धतीमध्ये शाही केशर पिस्ता श्रीखंड बनवू शकता. हा पदार्थ चवीला अतिशय सुंदर लागतो. घरी आलेल्या पाहुण्यांना जेवणात गोड पदार्थ काय बनवावं सुचत नसेल तर या पद्धतीने केशर पिस्ता श्रीखंड बनवू शकता.

Dussehra 2026: साडेतीन मुहूर्तांपैकी एक असलेला सण म्हणजे दसरा. दसऱ्याच्या दिवशी घरोघरी शस्त्रपूजन, सीमालंगण आणि आपट्याची पाने देऊन घरातील मोठ्यांचे आशीर्वाद घेतले जातात. हा दिवस हिंदू परंपरेमध्ये अतिशय महत्वाचा मानला जातो. सणावारांचा उत्साह वाढवण्यासाठी घरात विविध गोडाचे पदार्थ सुद्धा बनवले जातात. पुरणपोळी, खीर, गुलाबजाम इत्यादी ठराविक पदार्थ कायमच बनवले जातात. पण नेहमीच तेच ठराविक पदार्थ खाऊन कंटाळा आल्यास सोप्या पद्धतीमध्ये तुम्ही शाही केशर पिस्ता श्रीखंड बनवू शकता. बाजारातील महागडे आणि प्रिजर्व्हेटिव्ह्ज असलेले पदार्थ विकत आणून खाण्याऐवजी घरी बनवलेले चवदार पदार्थ खावेत. तुम्ही बनवलेले श्रीखंड घरातील प्रत्येक व्यक्तीला खूप जास्त आवडेल. त्यामुळे सणावारांचा उत्साह वाढवण्यासाठी विकतचे पदार्थ आणून खाण्याऐवजी घरी बनवलेले पदार्थ खावेत. चला तर जाणून घेऊया श्रीखंड बनवण्याची रेसिपी.(फोटो सौजन्य – istock)

विना कांदा लसूण नैवेद्यासाठी अशाप्रकारे बनवा रसरशीत बटाट्याची भाजी, चव अशी की सर्वच बोटं चाटतील

साहित्य:

• दही
• केशर
• बदाम
• पिठीसाखर
• वेलची पावडर
• पिस्ता

Kanda Bhaji Recipe: सोडा – रव्याचा अजिबात वापर न करता दसऱ्याच्या नैवेद्यासाठी बनवा कुरकुरीत गोल कांदा भजी, नोट करा रेसिपी

कृती:

• केशर पिस्ता श्रीखंड बनवण्यासाठी सर्वप्रथम, कॉटनच्या कपड्यावर दोन वाटी दही ओतून त्यातील पाणी पूर्णपणे काढून टाका. त्यानंतर रुमालाला गाठ मारून दही लटकवून ठेवावे.
• तयार केलेला चक्का वाटीमध्ये काढून चमच्याने किंवा हँड व्हिस्करने ५ मिनिट फेटून घ्या. चक्क्यात अजिबात गुठळ्या ठेवू नये.
• फेटून घेतलेल्या चक्क्यामध्ये आवडीनुसार पिठीसाखर घालून पुन्हा एकदा मिक्स करा. साखर मिश्रणात व्यवस्थित मिक्स झाल्यानंतर त्यात वेलची पावडर, बदाम, पिस्त्याचे काप आणि केशर दूध घालून व्यवस्थित मिक्स करा.
• तयार आहे सोप्या पद्धतीमध्ये बनवलेले शाही केशर पिस्ता श्रीखंड. या पद्धतीने बनवलेले श्रीखंड खाल्ल्यानंतर विकतचे श्रीखंड खाण्याची अजिबात इच्छा होणार नाही.