मान आणि पाठीवर साचलेला मळ दूर करायचाय? मग घरीच अशाप्रक्रारे तयार करा बेसन-दह्याचा नैसर्गिक क्लींजर

मान आणि पाठीवर साचलेला काळसर थर अनेकदा अस्वच्छतेमुळे किंवा त्वचेतील बदलांमुळे दिसू शकतो. घरच्या घरी बेसन-दही वापरून तयार केलेला हा सोपा क्लिंजर त्वचा स्वच्छ ठेवण्यास मदत करू शकतो.

• बेसन, दही आणि थोडा मध एकत्र करून पेस्ट तयार करा.
• मान आणि पाठीवर 10-15 मिनिटे लावून हलक्या हाताने स्वच्छ करा.
• आठवड्यातून 2 वेळा वापरल्यास त्वचा स्वच्छ आणि मऊ ठेवण्यास मदत होऊ शकते.

आपण सुंदर दिसावं असं प्रत्येकाची इच्छा असते. बऱ्याचदा आरोग्याची आणि चेहऱ्याची काळजी काटेकोरपणे पार पाडली जाते पण शरीरातील काही भाग हे असे असतात ज्याच्याकडे नेहमीच आपले दुर्लक्ष होते. यातीलच एक आहे पाठ आणि मान… बऱ्याचदा पाठीची आणि मानेची नीट स्वच्छता न झाल्याने यावर काळा मळ साचू लागतो. पाठ एकवेळ लपली जाईल पण मानेचा काय. बऱ्याचदा जेव्हा इतरांसमोर आपली काळी मान दिसू लागते तेव्हा चारचौघांमध्ये आपली लाज निघते. तुमचा चेहरा सुंदर असला तरी मानेवरचा काळा थर त्या सौंदर्याच्या आड येत असतो. अनेकदा साबणाने स्वच्छ करूनही मानेवरचा हा काळा थर दूर होत नाही अशात एक घरगुती क्लिंजर वापरणे तुमच्यासाठी चांगला पर्याय ठरेल. आज आपण या लेखात घरातील काही पदार्थांचा वापर करून नैसर्गिक क्लिंजर जर कसा तयार करायचा याची एक सोपी पद्धत जाणून घेणार आहोत. याचा वापर करून तुम्ही मानेवर आणि पाठीवर साजलेला मळ सहजरीत्या दूर करू शकता. मुख्य म्हणजे हा घरगुती उपाय असल्याने यात एकही पैसा खर्च करण्याची तुम्हाला गरज नाही.

दिवसभर शरीराला हायड्रेड ठेवण्यासाठी नक्की किती पाण्याचे सेवन करावे? योग्य प्रमाण जाणून घ्या

घरी कसे तयार करावे नॅचरल क्लिंजर? 

यासाठी एका वाटीत एक ते दोन चमचे बेसन, एक चमचे दही आणि चमचाभर मध घ्या. सर्व साहित्य नीट एकत्रित करून याची पेस्ट तयार करा. तुमचा होममेड क्लीन जर तयार आहे.

बेसन आणि दही च्या क्लिंजरचे फायदे 

• बेसन त्वचेला आतून स्वच्छ करण्यास आणि ऑईली स्किन ची समस्या दूर करण्यास मदत करते. यामुळे त्वचा उजळण्यासही मदत होते.
• दही त्वचेचा कोरडेपणा दूर करते आणि ओलावा टिकवून ठेवण्यास मदत करते.
• हळद त्वचेवरील काळे डाग आणि व्रण कमी करण्यास मदत करते.

चेहऱ्यावरील डलनेस होईल कमी? सोप्या पद्धतीने बीटरूटचा वापर करून घरीच करा फेशिअल, त्वचेवर येईल गुलाबी ग्लो

क्लिंजर चा वापर कसा करावा? 

• अंघोळीपूर्वी ही पेस्ट मानेवर आणि पाठीवर नीट लावा.
• साधारण दहा ते पंधरा मिनिटे या पेस्टला तसंच राहू द्या. यानंतर हातांनी मसाज करत कोमट पाण्याने मान आणि पाठ स्वच्छ करा.
• आठवड्यातून दोन ते तीन वेळा हा उपाय केल्याने त्वचेवर दूर होण्यास नक्कीच मदत होईल.
• यामुळे त्वचेच्या अन्य समस्या ही दूर होण्यास मदत होते.