शनिवार, 14 नोव्हेंबर 2026
चेहऱ्यावरील डलनेस होईल कमी? सोप्या पद्धतीने बीटरूटचा वापर करून घरीच करा फेशिअल, त्वचेवर येईल गुलाबी ग्लो
बीटरुटचे फायदे?
बीटरूट फेशिअल करण्याची पद्धत?
त्वचेची काळजी कशी घ्यावी?
श्रावण महिन्याला सुरुवात झाल्यानंतर सणावारांना सुरुवात होते. नवविवाहित महिलांचा आवडता सण म्हणजे मंगळागौरी. हा सण अतिशय थाटामाटात आणि आनंद उत्साहात साजरा केला जातो. मंगळागौरीच्या दिवशी घरात नातलग, मित्रमंडळींना आमंत्रण दिले जाते. पण कामाच्या धावपळीमध्ये त्वचेची काळजी घेण्यासाठी जास्त वेळ मिळत नाही. वातवरणात होणाऱ्या बदलांमुळे त्वचा डल होऊन जाते आणि चेहऱ्यावर डेड स्किन, पिंपल्स आणि मुरूम येऊन त्वचेचे सौंदर्य पूर्णपणे नाहीसे होते. चेहऱ्यावरील हरवलेला ग्लो पुन्हा परत मिळवण्यासाठी महिला बाजारात उपलब्ध असलेल्या वेगवेगळ्या क्रीमचा वापर करतात. पण त्याऐवजी स्वयंपाक घरात उप्लब्ध असलेल्या पदार्थांचा वापर करून त्वचेची काळजी घ्यावी. आज आम्ही तुम्हाला चेहऱ्यावर वाढलेला डलनेस कमी करण्यासाठी बीटरूट फेशिअल करण्याची सोपी पद्धत सांगणार आहोत. यामुळे त्वचा उजळदार दिसेल.(फोटो सौजन्य – istock)
चेहऱ्यावरील तेज नाहीसे झाले आहे? चेहरा स्वच्छ करण्यासाठी करा ‘या’ पदार्थांचा वापर, टॅनिंग होईल नष्ट
पहिल्या स्टेपमध्ये बीटरूट किसून त्यातील रस काढून घ्या. बीटच्या रसात तांदळाचे पाणी घालून व्यवस्थित मिक्स करा आणि संपूर्ण चेहऱ्यावर तयार केलेले मिश्रण लावून काहीवेळ तसेच ठेवा आणि हलक्या हाताने त्वचा स्वच्छ करून घ्या. यामुळे त्वचेमध्ये जमा झालेली धूळ. माती आणि चिकटपणा कमी होण्यास मदत होईल. तांदळाच्या पाण्याचा वापर केल्यामुळे त्वचा आतून स्वच्छ होण्यास मदत होते.
दुसऱ्या स्टपेमध्ये वाटीमध्ये बीटचा रस घेऊन त्यात कॉफी पावडर, साखर घालून व्यवस्थित मिक्स करा. तयार केलेला फेस स्क्रब त्वचेवर लावून हलक्या हाताने मसाज करून घ्या. मसाज केल्यामुळे रक्तभिसरण सुधारण्यासोबतच डेडस्किन, व्हाईटहेड्स, ब्लॅकहेड्स निघून जातील आणि त्वचा स्वच्छ दिसेल. चेहऱ्यावर जमा झालेली डेड स्किन काढून टाकण्यासाठी कॉफी आणि साखरेचा स्क्रब खूप जास्त प्रभावी ठरतो.
तिसऱ्या स्टेपमध्ये बीटच्या रसात कोरफड जेल मिक्स करून घ्या. तयार केलेले मिश्रण संपूर्ण चेहऱ्यावर लावून ५ ते ८ मिनिटं हलक्या हाताने मसाज करत राहा. मसाज केल्यामुळे त्वचेच्या पेशींमधील रक्तभिसरण सुधारते आणि त्वचा सॉफ्ट होते. यामुळे चेहऱ्यावरील सुरकुत्या आणि बारीक रेषा कमी होण्यास मदत होते.
काळवंडलेल्या त्वचेवर येईल गोल्डन ग्लो! १० रुपयांच्या ‘या’ पदार्थाचा वापर करून घरीच बनवा ब्लीच
सगळ्यात शेवटी फेसपॅक तयार करताना वाटीमध्ये बीटचा रस, बेसन, गव्हाचं पीठ घालून मिश्रण व्यवस्थित मिक्स करा. तयार केलेले मिश्रण मिक्स करून झाल्यानंतर चेहऱ्यावर लावून १० मिनिटं तसेच ठेवा आणि पाण्याने स्वच्छ धुवून घ्या. बीटरूट फेशिअल केल्यामुळे त्वचेची खराब झालेली गुणवत्ता सुधारण्यास मदत होते आणि चेहरा आतून सुंदर दिसतो.
Ans: बीटरूटमध्ये अँटिऑक्सिडंट्स आणि इतर पोषक घटक असतात. त्वचेवर त्याचा वापर केल्याने त्वचा ताजीतवानी आणि मॉइश्चराइज्ड दिसण्यास मदत होऊ शकते.
Ans: बीटरूटचा रस किंवा पेस्ट बेसन, दही किंवा कोरफडीच्या जेलसोबत मिसळून फेस पॅक तयार करता येतो. चेहऱ्यावर लावून काही मिनिटांनी सौम्यपणे धुवून काढता येतो.
Ans: त्वचेच्या प्रकारानुसार आठवड्यातून एकदा वापरून पाहता येतो. त्वचेवर जळजळ, लालसरपणा किंवा खाज जाणवल्यास वापर त्वरित थांबवावा.
