दिवसाची सुरुवात करा आनंदाने! सकाळच्या नाश्त्यात खा स्वादिष्ट White Sauce Broccoli Pasta, नोट करा रेसिपी

सकाळच्या नाश्त्यासाठी सोप्या पद्धतीमध्ये व्हाईट सॉस ब्रोकोली पास्ता तुम्ही बनवू शकता. हा पदार्थ कमीत कमी साहित्यात झटपट तयार होतो. याशिवाय पास्ता खाल्ल्यामुळे पोट भरलेले राहते.

थंडीच्या दिवसांमध्ये सकाळी लवकर जाग येत नाही. उठायला उशीर झाल्यानंतर सकाळच्या नाश्त्यात नेमकं काय बनवावं, सुचत नाही. कायमच कांदापोहे, उपमा, शिरा आणि इडली डोसा खाऊन कंटाळा आल्यानंतर काहींना काही चमचमीत पदार्थ खाण्याची सगळ्यांचं इच्छा होते. अशावेळी तुम्ही सोप्या पद्धतीमध्ये झटपट व्हाईट सॉस ब्रोकोली पास्ता बनवू शकता. लहान मुलं पास्ता आवडीने खातात. पण मुलांसह मोठ्यांना ब्रोकोली खायला अजिबात आवडत नाही. ब्रोकोलीचे नाव ऐकल्यानंतर तोंड वाकड करतात. त्यामुळे पास्ता बनवताना तुम्ही त्यात ब्रोकोली टाकल्यास चवीसोबत मुलांना शरीराला भरपूर पोषण मिळेल आणि आरोग्य सुधारण्यास मदत होईल. वर्क आऊट करून घरी आल्यानंतर अनेकांना हेल्दी पदार्थ खाण्यास हवे असतात. अशावेळी तुम्ही ब्रोकोली सॅलड किंवा शिजवलेली ब्रोकोली खाऊ शकता. यामुळे पोट दीर्घकाळ भरलेले राहील. सकाळच्या वेळी पोटभर नाश्ता करावा. पोट भरलेले असल्यास संपूर्ण दिवस आनंद आणि उत्साहामध्ये जातो. चला तर जाणून घेऊया व्हाईट सॉस ब्रोकोली पास्ता बनवण्याची सोपी रेसिपी. (फोटो सौजन्य – istock)

डब्यासाठी नेहमीच भाजी काय बनवावी सुचत नाही? मग राजस्थानी पद्धतीमध्ये झटपट बनवा ‘दही मिरची’

साहित्य:

• पास्ता
• ब्रोकोली
• काळीमिरी पावडर
• मीठ
• बटर
• चीज
• लसूण पावडर
• ग्रीक दही

मैदा कशाला यावेळी पार्टीत सामील करा ‘गव्हाचे सामोसे’, कुरकुरीत आणि खमंग चवीची रेसिपी

कृती:

• व्हाईट सॉस ब्रोकोली पास्ता बनवण्यासाठी सर्वप्रथम, टोपात पाणी घेऊन त्यात पास्ता आणि तेल घालून शिजण्यासाठी ठेवा.
• पास्त्याला एक उकळी आल्यानंतर त्यातील पाणी गाळून घ्या आणि पास्त्यावर थंड पाणी ओता. यामुळे पास्ता चिकट होणार नाही.
• मोठ्या पॅनमध्ये बटर गरम करून घ्या. त्यानंतर त्यात लसूण आणि बारीक चिरलेला कांदा घालून लाल होईपर्यंत भाजा. त्यानंतर त्यात बारीक तुकडे केलेली ब्रोकोली घालून व्यवस्थित मिक्स करा आणि शिजवून घ्या.
• भाज्या व्यवस्थित शिजल्यानंतर त्यात चवीनुसार मीठ आणि काळीमिरी पावडर घालून मिक्स करा.
• मोठ्या भांड्यात चीज, दही, लसूण पावडर आणि पिस्त्याचे थोडस पाणी घालून मिश्रण तयार करा. तयार केलेले मिश्रण ब्रोकोलीच्या मिश्रणात ओतून मिक्स करा.
• आवश्यकता वाटल्यास तुम्ही त्यात इतर हर्ब्स सुद्धा टाकू शकता. सगळ्यात शेवटी शिजवलेला पास्ता घालून मिक्स करून घ्या. काहीवेळ शिजल्यानंतर गॅस बंद करून घ्या.
• तयार आहे सोप्या पद्धतीमध्ये बनवलेला व्हाईट सॉस ब्रोकोली पास्ता.