चेहऱ्यावरील केस होतील गायब! वाटीभर बटाट्याच्या रसात मिक्स करा ‘हे’ पदार्थ, वाचेल पार्लरचा अनावश्यक खर्च

चेहऱ्यावर आलेले अनावश्यक केस काढण्यासाठी स्वयंपाक घरात उपलब्ध असलेल्या पदार्थांचा वापर करावा. यामुळे त्वचा मऊ आणि सॉफ्ट होण्यास मदत होते. चला तर जाणून घेऊया सविस्तर.

प्रत्येकाला आपली त्वचा कायमच सुंदर आणि मऊ हवी असते. सुंदर दिसण्यासाठी महिला सतत काहींना काही करून घेतात. कधी स्किन केअर रुटीनमध्ये बदल केला जातो तर कधी बाजारात उपलब्ध असलेल्या वेगवेगळ्या महागड्या ट्रीटमेंट करून त्वचेची काळजी घेतली जाते. पण त्वचेच्या सौंदर्यात चेहऱ्यावर वाढलेला अनावश्यक केस अडथळा आणतात. शरीरात होणाऱ्या हार्मोनल बदलांमुळे चेहऱ्यावर अनावश्यक केस दिसू लागतात. तसेच ओठांच्या वर, गालाच्या वर, हनुवटीवर वाढलेले केस काढण्यासाठी पार्लरमध्ये जाऊन थ्रेडिंग, वॅक्सिंग किंवा महागड्या लेझर ट्रिटमेंट केल्या जातात. पण यामुळे महिनाभरात पुन्हा एकदा केस चेहऱ्यावर येतात. बऱ्याचदाथ्रेडिंग, वॅक्सिंग केल्यामुळे चेहऱ्यावर लाल रॅश किंवा पिंपल्स येण्याची शक्यता असते. संवेदनशील चेहऱ्यावर आलेले पिंपल्स आणि मुरूम त्वचेचे गंभीर नुकसान करून टाकतात.(फोटो सौजन्य – istock)

अभिनेत्री दीपिका पादुकोण चेहऱ्यावरील ग्लो आणि हेल्दी केसांसाठी नियमित पिते ‘हा’ मॅजिक ज्यूस, त्वचेवर येईल चमक

चेहऱ्यावर आलेले केस काढण्यासाठी वॅक्सिंगचा वापर केल्यास शरीरावर त्वचा खूप जास्त ओढली जाते. त्यामुळे चुकीच्या पद्धतीचा वापर करून चेहऱ्यावर आलेले अनावश्यक केस काढू नये. आज आम्ही तुम्हाला नैसर्गिक पद्धतीने चेहऱ्यावर आलेले केस काढण्याची सोपी पद्धत सांगणार आहोत. स्वयंपाक घरात उपलब्ध असलेल्या पदार्थांचा वापर त्वचेसाठी केल्यास चेहऱ्यावर नैसर्गिक सौंदर्य कायम टिकून राहील. बटाट्यामध्ये असलेले नैसर्गिक ब्लीचिंग घटक त्वचा आतून स्वच्छ करतात आणि चेहऱ्यावर डाग कमी करण्यास मदत करतात. चेहऱ्यावर आलेले काळे डाग किंवा मुरुमांमुळे आलेले डाग घालवण्यासाठी बटाट्याच्या रसाचा वापर करावा.

हेअर रिमूव्हल मास्क तयार करण्यासाठी लागणारे साहित्य

• बटाट्याचा रस
• मध
• बेसन
• लिंबाचा रस

कृती:

मास्क तयार करण्यासाठी सर्वप्रथम, वाटीमध्ये बेसन, मध, लिंबाचा रस, बटाटाचा रस एकत्र मिक्स करून घ्या. तयार केलेले मिश्रण जास्त पातळ करू नये. पिठाचा गोळा करून घ्या. त्यानंतर काहीवेळ बटाट्याचे मिश्रण तसेच ठेवून द्यावे. त्यानंतर तयार केलेला मास्क केसांच्या विरुद्ध दिशेने लावून हळुवार हाताने ओढून घ्या. मास्कचा वापर केल्यामुळे चेहऱ्यावरील अनावश्यक केस सहज निघून येतील. त्यानंतर त्वचा कोमट पाण्याने स्वच्छ धुवून घ्या. मास्क लावून झाल्यानंतर चेहऱ्यावर मॉइश्चरायझर लावावे.

त्वचेवर जमा झालेली डेड स्किन नष्ट करण्यासाठी कॉफी ठरेल वरदान! जाणून घ्या कॉफी वापरण्याची सोपी पद्धत

त्वचेचा काळवंडलेला रंग पुन्हा एकदा उजळदार करण्यासाठी बटाट्याच्या रसाचा वापर करावा. यामध्ये असलेले गुणकारी घटक आणि कॅटेकोलेज एन्झाईम त्वचा उजळदार करण्यासाठी मदत करतात. चेहऱ्यावर बेसन लावल्यामुळे त्वचेवर आलेल्या केसांची मूळ कमकुवत होतात आणि हळूहळू केस कमी होतात. आठवड्यातून दोनदा चेहऱ्यावर मास्क लावल्यास अनावश्यक केस गायब होतील.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.