Facial Icing: चेहऱ्यावर बर्फ लावणे खरोखर फायदेशीर की फक्त ट्रेंड? जाणून घ्या फायदे आणि तोटे

Facial Icing Benefits and Disadvantage: सोशल मीडियावर फेशियल आयसिंगचा ट्रेंड वाढत असून अनेक सेलिब्रिटी आणि इन्फ्लुएन्सर्स ते स्किनकेअर रूटीनचा भाग बनवत आहेत. योग्य पद्धतीने आणि मर्यादित प्रमाणात केल्यास याचे फायदे दिसतात, मात्र प्रत्येकासाठी हा उपाय सुरक्षित असेलच असे तज्ज्ञांचे मत आहे.

• चेहऱ्यावर बर्फ लावणे फायदेशीर आहे का?
• फेशियल आयसिंगचे फायदे
• फेशियल आयसिंगचे संभाव्य तोटे

सोशल मीडियावर चेहऱ्यावर बर्फ लावण्याचा म्हणजेच फेशियल आयसिंग मोठ्या प्रमाणात ट्रेंड करत आहे. अनेक सेलिब्रिटी आणि ब्युटी इन्फ्लुएन्सर्स सकाळच्या स्किनकेअर रूटीनमध्ये या पद्धतीचा समावेश करतात. यामुळे त्वचेवर तात्पुरता ग्लो येतो, सूज कमी झाल्यासारखी वाटते आणि चेहरा फ्रेश दिसतो. मात्र, हा उपाय प्रत्येकासाठी योग्य असेलच असे नाही. तज्ज्ञांच्या मते, योग्य पद्धतीने आणि मर्यादित प्रमाणातच फेशियल आयसिंग करणे सुरक्षित ठरते.

Dengue: पावसाळ्यात वाढतो डेंग्यूचा धोका; ‘ही’ लक्षणे दिसताच वेळीच व्हा सावध; जाणून घ्या

फेशियल आयसिंगचे फायदे

थंड तापमानामुळे चेहऱ्यावरील सूज आणि ब्लोटिंग काही काळासाठी कमी होण्यास मदत होते. विशेषतः डोळ्यांखालील सूज कमी झाल्यासारखी दिसते. तसेच त्वचेला ताजेपणा मिळतो, लालसरपणा आणि सौम्य इन्फ्लेमेशन कमी होऊ शकतो. मेकअप करण्यापूर्वी आयसिंग केल्यास त्वचा अधिक सॉफ्ट दिसण्यास मदत होऊ शकते.

फक्त तात्पुरता परिणाम मिळतो

फेशियल आयसिंगमुळे मिळणारे बहुतांश फायदे तात्पुरते असतात. यामुळे त्वचेच्या मूळ समस्या जसे की मुरुम, डाग, सुरकुत्या किंवा मोठी पोअर्स कायमस्वरूपी कमी होत नाहीत. त्यामुळे हा उपाय नियमित स्किनकेअर किंवा वैद्यकीय उपचारांचा पर्याय ठरू शकत नाही.

फेशियल आयसिंगचे संभाव्य तोटे

बर्फ थेट त्वचेवर लावल्यास त्वचा कोरडी पडणे, लालसरपणा, जळजळ किंवा त्वचेच्या बॅरिअरला इजा होण्याचा धोका असतो. संवेदनशील त्वचा, रोझेशिया किंवा एक्झिमाची समस्या असलेल्या व्यक्तींनी हा उपाय डॉक्टरांच्या सल्ल्याशिवाय करू नये.

फेशियल आयसिंगची योग्य पद्धत

• बर्फ कधीही थेट चेहऱ्यावर लावू नका.
• बर्फ स्वच्छ सूती कापडात गुंडाळून वापरा.
• एका जागी जास्त वेळ बर्फ ठेवू नका.
• 2 ते 5 मिनिटांपेक्षा जास्त वेळ बर्फ लावू नये.
• आयसिंगनंतर मॉइश्चरायझर लावून त्वचा हायड्रेट ठेवा.

कोणी फेशियल आयसिंग टाळावे?

अतिसंवेदनशील त्वचा, रोझेशिया, एक्झिमा, कोल्ड अॅलर्जी किंवा त्वचेवर जखम असलेल्या व्यक्तींनी फेशियल आयसिंग टाळावे. अशा परिस्थितीत हा उपाय फायदेशीर ठरण्याऐवजी त्वचेची समस्या वाढवू शकतो. कोणतीही शंका असल्यास त्वचारोग तज्ज्ञांचा सल्ला घेणे अधिक सुरक्षित आहे.

फेशियल आयसिंग हा त्वचेला तात्पुरता ताजेपणा देणारा उपाय असू शकतो. मात्र, त्याचा अतिरेक किंवा चुकीची पद्धत त्वचेसाठी हानिकारक ठरू शकते. त्यामुळे हा ट्रेंड आंधळेपणाने स्वीकारण्याऐवजी आपल्या त्वचेच्या प्रकारानुसार आणि योग्य काळजी घेऊनच वापरणे अधिक योग्य ठरेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Monsoon Skin Care: पावसाळ्यातही सनस्क्रीन का लावावे? जाणून घ्या महत्त्वाची कारणे