सकाळी उठल्यानंतर चेहरा टम्म सुजल्यासारखा वाटतो? किडनीच्या आजाराची लागण झाल्यानंतर दिसून येतात ‘ही’ गंभीर लक्षणे

किडनी निकामी झाल्यानंतर चेहऱ्यावर किंवा डोळ्यांभोवती सूज येते. पण ही सूज दीर्घकाळ राहिल्यास डॉक्टरांच्या सल्ल्याने उपचार करणे आवश्यक आहे. जाणून घ्या किडनी खराब झाल्यानंतर चेहऱ्यावर सूज का येते?

किडनीच्या आजाराची लक्षणे?
सकाळी चेहऱ्यावर सूज का येते?
किडनीच्या आजाराची कारणे कोणती?

शरीराच्या कार्यात अडथळे निर्माण झाल्यानंतर आरोग्यासंबंधित गंभीर लक्षणे दिसू लागतात. बऱ्याचदा शरीरसंबंधित दिसून येणाऱ्या लक्षणांकडे दुर्लक्ष केले जाते. पण असे न करता आरोग्याची योग्य काळजी घेणे फार गरजेचे आहे. बऱ्याचदा सकाळची उठल्यानंतर चेहरा किंवा पायांची बोटे टम्म सुजल्यासारखी वाटू लागतात. पण या लक्षणांकडे दुर्लक्ष केले जाते. शरीराच्या कोणत्याही लहान मोठ्या अवयवाच्या कार्यात बिघाड झाल्यानंतर संपूर्ण आरोग्याला हानी पोहचते. तर काहीवेळा सकाळी उठल्यानंतर डोळ्यांभोवती सूज येणे, चेहऱ्यावर सतत सूज येणे यांसारखी लक्षणे दिसू लागतात. रात्री जास्त वेळ जागरण केल्यामुळे किंवा अपुऱ्या झोपमुळे त्वचा सुजल्यासारखी वाटणे अतिशय सामान्य आहे. पण वारंवार तुमच्या चेहऱ्यावर जर सूज येत असेल तर ही सामान्य लक्षणे नाहीत.(फोटो सौजन्य – istock)

Summer Care Tips: उन्हात गेल्यानंतर लगेच चक्कर आल्यासारखे वाटते? मग तातडीने करा ‘हे’ घरगुती उपाय, लगेच मिळेल आराम

किडनीसंबंधित आजार झाल्यानंतर केवळ लघवीमध्ये लक्षणे दिसून येतात, असे सगळ्यांचं वाटते. पण किडनीच्या आजाराची लागण झाल्यानंतर चेहरा आणि संपूर्ण शरीरात वेगवेगळी लक्षणे दिसून येतात. किडनीच्या कार्यात निर्माण झालेले अडथळे संपूर्ण शरीरासाठी धोकादायक आहेत. सकाळी उठल्यानंतर डोळ्यांभोवती आलेल्या सुजकडे वेळीच लक्ष देणे आवश्यक आहे. याला वैद्यकीय भाषेत पेरिऑर्बिटल पफीनेस असे सुद्धा म्हंटले जाते. किडनीमधून प्रोटीन गळती सुरू होते, तेव्हा चेहऱ्यावर किंवा डोळ्यांभोवती सूज येऊन आरोग्य बिघडते.

चेहरा आणि डोळ्यांवर सूज कशामुळे येते?

किडनी खराब झाल्यानंतर डोळे आणि सकाळीं उठल्यानंतर चेहऱ्यावर सूज येण्यास सुरुवात होते. अल्ब्युमिन नावाचे महत्त्वाचे प्रोटीन लघवीतून बाहेर पडू लागल्यामुळे प्रोटीन रक्तवाहिन्यांमध्ये द्रव संतुलित ठेवण्याचे काम करते. सूक्ष्म फिल्टरिंग युनिट्सना इजा झाल्यास अल्ब्युमिनची कमतरता निर्माण होऊन शरीराच्या टिश्यूजमध्ये हे घटक साचून राहण्यास सुरुवात होते. त्यामुळे झोपेतून उठल्यानंतर किंवा सकाळच्या वेळी हेच हानिकारक घटक डोळ्यांभोवती साचू लागतात. त्यानंतर दिवसभर केलेल्या शारीरिक हालचालींमुळे हेच घटक हळूहळू पायांकडे सरकतात आणि चेहऱ्यावर किंवा डोळ्यांभोवती वाढलेली सूज कमी होण्यास मदत होते.

तरुणांमध्ये का वाढतोय मूळव्याधीचा आजार? गंभीर समस्येपासून कायमची सुटका मिळवण्यासाठी करून पहा ‘हे’ घरगुती उपाय

चेहरा आणि डोळ्यांभोवती सूज येण्याची कारणे:

अपुरी झोप
ऍलर्जी
शरीरात पाण्याची कमतरता
जास्त प्रमाणात मिठाचे सेवन करणे
फेसाळ लघवी, टाच किंवा पायांमध्ये सूज
सतत थकवा, अशक्तपणा जाणवणे
रक्तदाब वाढणे

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.