जीभेवर ठेवताच विरघळणारे मऊ आणि चवदार चुरमा लाडू बनवण्याची सर्वात सोपी पद्धत; प्रत्येकजण विचारेल रेसिपी!

सणासुदीच्या दिवसांत गोड पदार्थ खाण्याची मजाच काही और असते. यंदा बाजारातील मिठाईऐवजी घरीच तयार करा राजस्थानमधील प्रसिद्ध चुरमा लाडू. कमी साहित्यामध्ये बनणारे हे लाडू चवीला असतात अतिशय स्वादिष्ट!

• चुरमा लाडू कधी तुम्ही खाल्लाय का ?
• हा लाडू चवीला अप्रतिम लागतो.
• सणानिमित्त तुम्ही ही रेसिपी ट्राय करु शकता

नवरात्रीनंतर सणांना सुरुवात होते. आता सण म्हटलं की, घरी स्वादिष्ट, गोड पदार्थांची मेजवाणी ही आलीच. अनेक घरांमध्ये सणानिमित्त रुचकर, गोड पदार्थ तयाार केले जातात. जर तुम्ही बाजारातील विकतची मिठाई खात असाल तर सावध, कारण आजकाल मिठाईमध्येही भेसळ वाढू लागली आहे. अशात आरोग्यासाठी चांगली, फ्रेश मिठाई ही आपल्या स्वयंपाकघरातच तयार होऊ शकते. आज या लेखात आम्ही तुमच्यासाठी चुरमा लाडूची रेसिपी घेऊन आलो आहोत. राजस्थानमध्ये अधिकतर ही रेसिपी ट्राय केली जाते. चला तर मग अजिबात वेळ न घालवता चुरमा लाडू खाण्यासाठी लागणारे साहित्य आणि कृती जाणून घेऊया.

Breakfast Recipe: सकाळच्या नाश्त्यात १० मिनिटांमध्ये बनवा हेल्दी टेस्टी अ‍ॅव्होकॅडो टोस्ट सँडविच, सगळेच खातील आवडीने

साहित्य

• गव्हाचे पीठ – २ वाट्या
• बारीक रवा – १ वाटी
•  बेसन – अर्धी वाटी
•  साजूक तूप – १ वाटी (आवश्यकतेनुसार)
•  गूळ – १ वाटी
• काजू – थोडे
• बदाम – थोडे
• पिस्ता – थोडे
•  खसखस – २ चमचे
•  वेलची पूड – अर्धा चमचा
•  कोमट पाणी – कणीक मळण्यासाठी

Pickle Recipe: लोणच्याला द्या साउथ इंडियन तडका! आंध्रा स्टाईलने बनवा चटपटीत आवळ्याचे लोणचं, नोट करा रेसिपी

कृती

• चुरमा लाडू बनवण्यासाठी सर्वप्रथम २ वाटी गव्हाचे पीठ घ्या.
• यामध्ये १ वाटी रवा मिसळा, तुम्हाला याच बारीक रव्याचा वापर करायचा आहे.
• रवा जाडसर असेल तर मिक्सरमध्ये वाटून त्याला बारीक करा.
• आता एका भांड्यात बेसनाचे पीठ, गव्हाचे पीठ आणि रवा घ्या आणि त्यात ३ चमचे तूप घाला.
• सर्व कोरडे साहित्य व्यवस्थित हाताने मिक्स करा.
• आता थोड थोड कोमट पाणी घालून घट्टसर पीठ मळून घ्या.
• पिठाचे दोन भाग करा आणि गोळ्याचे छोटे गोळे बनवा. गरम तेलात किंवा तूपात हे गोळे तळून घ्या.
• गॅसवर कढई ठेवा आणि त्यात तूप घालून बदाम व काजू तळून, एका प्लेटमध्ये काढा.
• यानंतर तूपात मावा घालून मंद आचेवर परतत ठेवा.
• आता पातेल्यात अर्धी वाटी तूप घाला आणि तळलेल्या गोळ्यांचा चूरा करुन घाला.
• चूरा तूपात छान भाजला की यात पिठीसाखर आणि तळलेल्या सुक्यामेव्याचे तुकडे घालून गॅस बंद करा.
• तयार मिश्रण छान थंड झाले की, याचे गोल आकारात लाडू वळून घ्या.