Recipe : मासेप्रेमींसाठी खास, अशाप्रकारे टिफिनसाठी बनवा टेस्टी प्राॅन्स रोल, रेसिपी आहे सोपी

Prawns Roll Recipe : प्राॅन्स रोल हा फक्त चवीलाच स्वादिष्ट नाही तर आरोग्याच्या दृष्टीनेही फायदेशीर ठरतो. आपण मैद्याच्या पोळीपासून नाही तर उरलेल्या चपातीपासून हा रोल तयार करणार आहोत. डाएट रुटीवमध्ये तुम्ही ही रेसिपी समाविष्ट करु शकता.

(फोटो सौजन्य: Youtube)

Follow Us:

Follow Us:

• तुम्ही मासे लव्हर असाल तर ही रेसिपी तुमच्यासाठी.
• प्राॅन्स रोल तयार करुन तुम्ही तुमच्या भुकेला शमवू शकता.
• ही रेसिपी टेस्टीच नाही तर हेल्दीही आहे.

Recipe : मॅगीला द्या देसी तडका! अशी बनवा टेस्टी मसाला मॅगी 

साहित्य

प्रॉन्सच्या सारणासाठी

• 250 ग्रॅम स्वच्छ केलेले प्रॉन्स
• 1 मध्यम कांदा बारीक चिरलेला
• 1 टोमॅटो बारीक चिरलेला
• 1 ते 2 हिरव्या मिरच्या बारीक चिरलेल्या
• 1 टीस्पून आले-लसूण पेस्ट
• ½ टीस्पून हळद
• 1 टीस्पून लाल तिखट
• ½ टीस्पून गरम मसाला
• ½ टीस्पून धणे-जिरे पूड
• ½ टीस्पून काळी मिरी पूड
• 1 टेबलस्पून लिंबाचा रस
• 2 टेबलस्पून तेल
• चवीनुसार मीठ
• थोडी कोथिंबीर

• 4 चपात्या
• 1 कांदा उभा चिरलेला
• 2 टेबलस्पून मेयोनीज किंवा हिरवी चटणी
• थोडे चाट मसाला
• 1 टीस्पून लिंबाचा रस
• गरजेनुसार बटर किंवा तेल

कृती

• स्वच्छ केलेल्या प्रॉन्समध्ये हळद, थोडे मीठ, लाल तिखट आणि लिंबाचा रस घालून चांगले मिसळा. साधारण 10 ते 15 मिनिटे मुरू द्या.
•  कढईत तेल गरम करून त्यात बारीक चिरलेला कांदा घाला. कांदा मऊ आणि हलका सोनेरी होईपर्यंत परता. त्यानंतर हिरवी मिरची आणि आले-लसूण पेस्ट घालून काही सेकंद परता.
• त्यात चिरलेला टोमॅटो, धणे-जिरे पूड, लाल तिखट आणि गरम मसाला घाला. टोमॅटो मऊ होऊन मसाला तेल सोडेपर्यंत शिजवा.
• आता मॅरिनेट केलेले प्रॉन्स कढईत घाला. मध्यम आचेवर प्रॉन्स पूर्णपणे शिजेपर्यंत परता. प्रॉन्स जास्त वेळ शिजवू नका, अन्यथा ते कडक होऊ शकतात.
• प्रॉन्स शिजल्यावर काळी मिरी पूड आणि थोडी चिरलेली कोथिंबीर घाला. शेवटी लिंबाचा रस टाकून मिश्रण एकदा ढवळा. सारण थोडे कोरडे असणे आवश्यक आहे.
•  चपाती तव्यावर हलकी गरम करा. त्यावर मेयोनीज किंवा हिरवी चटणी पसरवा. मधोमध तयार केलेले प्रॉन्सचे सारण ठेवा. त्यावर उभा चिरलेला कांदा आणि थोडा चाट मसाला घाला.
• चपाती दोन्ही बाजूंनी व्यवस्थित दुमडून घट्ट रोल करा. तव्यावर थोडे बटर किंवा तेल लावून रोल हलका कुरकुरीत होईपर्यंत भाजून घ्या. गरमागरम प्रॉन्स रोल चटणी किंवा सॉससोबत सर्व्ह करा.

Web Title: How to make prawns roll at home tiffin recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com