Food Recipe: १० मिनिटांमध्ये घरच्या घरी बनवा ढाबास्टाईल कुरकुरीत चना कोळीवडा, संध्याकाळच्या भुकेसाठी टेस्टी पदार्थ

Food Recipe: संध्याकाळच्या वेळी चटपटीत किंवा कुरकुरीत पदार्थ खाण्याची इच्छा झाल्यास झटपट तुम्ही चना कोळीवाडा बनवू शकता. हा पदार्थ चवीला अतिशय टेस्टी लागतो. जाणून घ्या रेसिपी.

Food Recipe: खाण्याचा विषय निघाल्यानंतर सगळ्यांच्या तोंडाला पाणी सुटते. मुंबईच्या स्ट्रीटवर अनेक नवनवीन पदार्थ खाण्यास मिळतात. या पदार्थांची चव चाखण्यासाठी खव्व्य्ये लांबून मुंबईमध्ये येतात. त्यातील हॉटेलमध्ये मिळणारा सगळ्यांचा आवडता पदार्थ म्हणजे चना कोळीवाडा. चकणा म्हणून हॉटेल किंवा ढाबावर गेल्यानंतर आवर्जून चना कोळीवाडा मागवला जातो. खमंग आणि चटपटीत पदार्थ खाण्याची इच्छा झाल्यानंतर हमखास तुम्ही चना कोळीवाडा बनवून खाऊ शकता. कायमच विकतचे पदार्थ आणून खाण्याची अजिबात आवश्यकता नाही. कमीत कमी साहित्यात तुम्ही झटपट चना कोळीवाडा बनवू शकता. काबोली चणे शरीरासाठी खूप जास्त फायदेशीर असतात. स्नॅक्समध्ये किंवा मुलांना चटपटीत काहींना काही खाण्याची इच्छा झाल्यानंतर विकतचे पदार्थ आणून खाण्यास देण्याऐवजी या पद्धतीने बनवलेले चना कोळीवाडा खाण्यास द्यावे. चला तर जाणून घेऊया रेसिपी.(फोटो सौजन्य – pinterest)

Rajasthani Traditional Food: पारंपरिक गावरान पदार्थ! बाजरीच्या भाकरीसोबत खाण्यासाठी बनवा झणझणीत राजस्थानी लसूण-मिरची चटणी

साहित्य:

• काबुली चणे
• मोहरीचे तेल
• हळद
• लाल तिखट
• मीठ
• धणे जिरं पावडर
• आलं लसूण पेस्ट
• कॉर्नफ्लोर
• बेसन
• लसूण पाकळ्या
• हिरवी मिरची

Pitru Paksha: पितृपक्षात मराठवाड्यातील पारंपरिक पद्धतीने बनवा अख्ख्या गव्हाची खीर, ‘या’ टिप्स फॉलो केल्यास पदार्थ होईल चविष्ट

कृती:

• ढाबास्टाईल कुरकुरीत चना कोळीवडा बनवण्यासाठी सर्वप्रथम, वाटीभर काबुली चणे घेऊन आधल्या दिवशी भिजत ठेवा. दुसऱ्या दिवशी चणे भिजल्यानंतर त्यातील पाणी काढून टाका.
• कुकरमध्ये भिजवलेले चणे, चवीनुसार मीठ आणि आवश्यकतेनुसार पाणी घालून कुकरचे झाकण लावा आणि कुकरच्या २ किंवा ३ शिट्ट्या काढून घ्या.
• वाटीमध्ये मोहरीचे तेल घेऊन त्यात हळद, धणे पावडर, जिरं पावडर, लाल तिखट, चवीनुसार मीठ, आले-लसूण- हिरवी मिरचीची पेस्ट घालून सर्व मसाले एकत्र मिक्स करा.
• त्यानंतर मसाल्यांमध्ये कॉर्नफ्लोर आणि बेसन घालून पेस्ट तयार करा. पेस्ट तयार करताना कॉर्नफ्लोर एक किंवा दीड चमचा टाकावे. जास्त टाकू नये.
• शिजवून घेतलेले चणे तयार केलेल्या मसाल्यांमध्ये टाकून हलक्या हाताने मिक्स करून घ्या. मिश्रणात जास्त पाणी घालू नये.
• कढईमध्ये तेल गरम करण्यासाठी ठेवा. चणे अलगद तेलामध्ये सोडा आणि त्यानंतर त्यात लसूण पाकळ्या टाकून चणे मंद आचेवर तळून घ्या.
• तयार आहे सोप्या पद्धतीमध्ये बनवलेला ढाबास्टाईल कुरकुरीत चना कोळीवडा. हा पदार्थ चकणा म्हणून सुद्धा खाल्ला जातो.