Pitru Paksha: पितृपक्षात मराठवाड्यातील पारंपरिक पद्धतीने बनवा अख्ख्या गव्हाची खीर, ‘या’ टिप्स फॉलो केल्यास पदार्थ होईल चविष्ट

Pitru Paksha: आज आम्ही तुम्हाला मराठवाड्यातील पारंपरिक पद्धतीने अख्ख्या गव्हाची खीर बनवण्याची सोपी रेसिपी सांगणार आहोत. हा पदार्थ पारंपरिक पद्धतीने बनवला जातो. गव्हाची खीर चवीसोबतच शरीरासाठी सुद्धा गुणकारी आहे.

Pitru Paksha: भाद्रपद महिन्यातील कृष्ण पक्षाची सुरुवात झाल्यानंतर पूर्वजांचे स्मरण करुन त्यांना आदरांजली वाहिली जाते. हा काळ पूर्वजांचे स्मरण करण्यासाठी अतिशय पवित्र मानला जातो. श्रद्धाच्या दिवशी पूर्वजांच्या आवडीचे सात्त्विक आणि पारंपरिक पदार्थ बनवले जातात. यामध्ये तांदळाची खीर, गव्हाची खीर, वडे, मिक्स भाज्या, डाळभात इत्यादी अनेक पदार्थ बनवले जातात. महाराष्ट्र आणि मराठवाड्यातील अनेक भागांमध्ये नैवेद्यासाठी खपली गव्हाची खीर बनवली जाते. पारंपारिक चवीची खीर शरीरासाठी सुद्धा फायदेशीर आहे. गहू शिजवून त्यात दूध आणि गूळ घालून तयार केलेली खीर चवीला अतिशय सुंदर लागते. पण बऱ्याचदा दूध टाकल्यानंतर खीर फुटून जाईल अशी भीती मनात कायमच निर्माण होते. गव्हाची खीर प्रामुख्याने राठवाडा, खानदेश, पश्चिम महाराष्ट्र आणि कर्नाटकमध्ये आवर्जून बनवली जाते. महाप्रसादात किंवा श्राद्धाच्या जेवणात बनवल्या जाणाऱ्या पदार्थाना धार्मिक आणि सांस्कृतिक महत्त्व आहे. चला तर जाणून घेऊया रेसिपी.(फोटो सौजन्य – pinterest)

Manchurian Chili Recipe : इंडो-चायनीज लव्हर्ससाठी खास, अशाप्रकारे घरी बनवा हाॅटेल स्टाईल ‘मंचुरियन चिली’

साहित्य:

• गहू
• गूळ
• दूध
• वेलची पावडर
• काजू
• खोबऱ्याचे तुकडे
• तूप
• खसखस
• बडीशेप पावडर
• सुंठ पावडर

विना गॅस आणि विना तेल तयार करा ‘हे’ झटपट स्नॅक! चवीशी अजिबात तडजोड नाही; शेजारीही नक्कीच विचारतील रेसिपी

कृती:

• अखख्या गव्हाची खीर बनवण्यासाठी सर्वप्रथम, गहू पाण्याने स्वच्छ धुवून घ्या. तीन वेळा गहू धुतल्यानंतर त्यातील पाणी काढून टाका आणि कॉटनच्या कपड्यावर गहू सुकवण्यासाठी ठेवा.
• त्यानंतर कोरडे झालेले गहू खलबत्यामध्ये घालून जाडसर कुटून घ्या. यामुळे त्यांच्यावरील साल निघून येईल.
• कुकरच्या भांड्यात खपली गहू आणि गरजेनुसार पाणी घालून गहू मऊ होईपर्यंत ५ ते ६ शिट्या काढून घ्या. यामुळे गहू व्यवस्थित मऊ होईल.
• गहू शिजल्यानंतर त्यात तुमच्या आवडीनुसार गूळ घालून व्यवस्थित मिक्स करा.
• कढईमध्ये तूप गरम करून त्यात काजू आणि खोबऱ्याचे तुकडे लालसर होईपर्यंत भाजा. भाजल्यामुळे पदार्थाची चव मस्त लागते.
• भाजलेले साहित्य खीरीमध्ये ओतून मिक्स करा. त्यानंतर त्यात सुंठ पावडर, बडीशेप पावडर, वेलची पावडर आणि जायफळ पावडर घालून मिक्स करा.
• १० मिनिटं खीरीला मंद आचेवर उकळी आल्यानंतर गॅस बंद करून खाण्यासाठी सर्व्ह करा. तयार आहे पारंपरिक पद्धतीने बनवलेली खपली गव्हाची खीर.