Rajasthani Traditional Food: पारंपरिक गावरान पदार्थ! बाजरीच्या भाकरीसोबत खाण्यासाठी बनवा झणझणीत राजस्थानी लसूण-मिरची चटणी

Rajasthani Traditional Food: भाजी बनवण्याचा कंटाळा आल्यास झटपट राजस्थानी पद्धतीमध्ये लसूण-मिरची चटणी बनवू शकता. हा पदार्थ भाकरी आणि गरमागरम भातासोबत अतिशय सुंदर लागतो. जाणून घ्या रेसिपी.

Rajasthani Traditional Food: दुपारच्या जेवणात किंवा इतर वेळी भाजी, आमटी बनवण्याचा खूप जास्त कंटाळा येतो. नेहमीच तेच ठराविक पदार्थ खाऊन कंटाळा आल्यास काहींना काही झणझणीत आणि टेस्टी पदार्थ खाण्याची खूप जास्त इच्छा होते. अशावेळी तुम्ही जेवणाची चव दुप्पट करण्यासाठी राजस्थानी पद्धतीमध्ये लसूण मिरचीची चटणी बनवू शकता. हा पदार्थ चवीला अतिशय सुंदर लागतो. गरमागरम भाकरी किंवा वाफाळत्या भातासोबत लसूण चटणी सुंदर लागते. खलबत्यामध्ये कुटून बनवलेल्या चटणीची चव खूप भन्नाट लागते. लसूण खाण्याचा सगळेच खूप जास्त कंटाळा करतात. अशावेळी वेगवेगळ्या पदार्थांचा वापर करून बनवलेल्या चटण्या मुलांना खाण्यास द्याव्यात. चला तर जाणून घेऊया लसूण मिरची चटणी बनवण्याची रेसिपी.(फोटो सौजन्य – pinterest)

Manchurian Chili Recipe : इंडो-चायनीज लव्हर्ससाठी खास, अशाप्रकारे घरी बनवा हाॅटेल स्टाईल ‘मंचुरियन चिली’

साहित्य:

• लसूण
• लाल सुक्या मिरच्या
• ताक
• जिरं
• मीठ
• मोहरीचे तेल
• आमचूर पावडर
• कोथिंबीर

Ragi Recipe: वाटीभर नाचणीच्या पिठापासून बनवा मऊ जाळीदार इडली, रक्तातील साखर नियंत्रणात राहण्यासोबतच हाडे राहतील मजबूत

कृती:

• राजस्थानी लसूण-मिरची चटणी बनवण्यासाठी सर्वप्रथम, लसूण पाकळ्यांची साल काढून घ्या. चटणी बनवताना सालीसहित लसूण पाकळ्या घालू नये.
• गरम पाण्यात लाल काश्मिरी मिरच्या १ तास ताकामध्ये भिजत ठेवा. ताकामध्ये भिजलेल्या मिरच्या मऊ झाल्यानंतर सहज कुटल्या जातात.
• खलबत्यामध्ये भिजवून घेतलेल्या मिरच्या, जिरे आणि थोडे मीठ घालून चटणी बारीक कुटून घ्या. चटणी कुटण्याआधी हातांना तेल लावावे. यामुळे हातांची जळजळ होणार नाही.
• मिरच्या कुटून झाल्यानंतर त्यात लसूण घालून कुटून घ्यावा.
• कढईमध्ये मोहरीचे तेल गरम करून त्यात जिरं आणि हिंग घालून भाजा. त्यानंतर त्यात तयार केलेली चटणी ओतून चमच्याने व्यवस्थित मिक्स करा.
• चटणीमधील ओलावा कमी करण्यासाठी मंद आचेवर चटणी भाजावी. सगळ्यात शेवटी आमचूर पावडर आणि बारीक चिरून घेतलेली कोथिंबीर घालून व्यवस्थित मिक्स करा.
• तयार केलेली चटणी थंड झाल्यानंतर काचेच्या डब्यात भरून ठेवा. जेणेकरून चटणी व्यवस्थित टिकून राहील.
• तयार आहे राजस्थानी पद्धतीमध्ये बनवलेली लसूण मिरचीची चटणी.