Food Recipe: नेहमीचं सॅलड खाऊन कंटाळा आला आहे?मग ट्राय करा कुरकुरीत बटाटा चिप्स सॅलड, नोट करा रेसिपी

Food Recipe: संध्याकाळच्या वेळी भूक लागल्यानंतर तिखट किंवा तेलकट पदार्थ खाण्याऐवजी घरी झटपट कुरकुरीत बटाटा चिप्स सॅलड बनवून खाऊ शकता. हा पदार्थ झटपट तयार होतो.

Food Recipe: रोजच्या आहारात वेगवेगळ्या भाज्यांचा समावेश केला जातो. याशिवाय भूक लागल्यानंतर सॅलड किंवा चाट बनवून खाल्ले जाते. कधी कढधान्यचे चाट बनवून खाल्ले जाते तर वेगवेगळ्या कच्च्या भाज्यांचे सॅलड बनवून खाल्ले जाते. पण त्याऐवजी सोप्या पद्धतीमध्ये कुरकुरीत बटाटा चिप्स सॅलड बनवून खावे. हे सॅलड घरातील लहान मुलांना खूप जास्त आवडेल. मुलं बाहेर गेल्यानंतर कायमच चिप्स किंवा कुरकुरे खाण्यास मागतात. त्यामुळे चिप्ससोबतच मुलांना वेगवेगळ्या भाज्या सुद्धा खाण्यास द्याव्यात. यामुळे चवीसोबतच शरीराला सुद्धा फायदे होतात. घरात पार्टी ठेवल्यानंतर स्नॅक्स म्हणून कोणता पदार्थ ठेवावा, बऱ्याचदा सुचत नाही. अशावेळी कुरकुरीत बटाटा चिप्स सॅलड बनवू शकता. चला तर जाणून घेऊया रेसिपी.(फोटो सौजन्य – pinterest)

Soya Kheema Recipe: गरमागरम चपाती भाकरीसोबत खाण्यासाठी रेस्टॉरंट स्टाईलने बनवा चमचमीत मसाला सोया खिमा, नोट करा रेसिपी

साहित्य:

• चिप्स
• कांदा
• टोमॅटो
• काकडी
• मक्याचे दाणे
• कोथिंबीर
• हिरवी चटणी
• चिंच चटणी
• चाट मसाला
• शेव
• भाजलेले शेंगदाणे
• काळे मीठ

Soaked Black Chana: प्रोटीन आणि फायबरचा उत्तम स्रोत! रोज भिजवलेले काळे चणे खाल्ल्यास शरीराला होतील भरमसाट फायदे

कृती:

• कुरकुरीत बटाटा चिप्स सॅलड बनवण्यासाठी सर्वप्रथम, टोमॅटो स्वच्छ धुवून घ्या. त्यानंतर कांदा आणि टोमॅटो बारीक चिरून घ्या.
• त्यानंतर मोठ्या वाटीमध्ये बारीक चिरून घेतलेला कांदा, टोमॅटो, काकडी, मक्याचे दाणे आणि भाजलेले शेंगदाणे घालून मिक्स करा.
• तयार केलेल्या मिश्रणात चवीनुसार मीठ, चाट मसाला, हिरवी चटणी आणि चिंच चटणी घालून मिक्स करा.
• त्यानंतर त्यात हाताने बारीक केलेले चिप्स घालून सर्व मिश्रण मिक्स करा. सगळ्यात शेवटी बारीक शेव आणि कोथिंबीर घालून मिक्स करा.
• तयार आहे झटपट बनवलेले कुरकुरीत बटाटा चिप्स सॅलड. हा पदार्थ घरातील लहान मुलं आवडीने खातील.