Weekend Special Recipe: चिकन ठेचा कधी खाल्ला आहे का? झणझणीत रेसिपी होत आहे Viral

Chicken Thecha Recipe: हिरव्या मिरचीचा ठेचा तर तुम्ही अनेकदा खाल्ला असेल मात्र तुम्ही कधी चिकन ठेचा खाल्ला आहे का? या विकेंडला ही अनोखी आणि झणझणीत रेसिपी जरूर ट्राय करा. ही रेसिपी काही मिनिटांतच तयार होते.

ठेचा हा महाराष्ट्राचा एक पारंपरिक पदार्थ आहे. हिरव्या मिरच्या वापरून झणझणीत ठेचा तयार केला जातो. ठेचाचं नाव काढताच तोंडाला पाणी सुटू लागतो. ज्वारीची भाकरी आणि झणझणीत तिखट ठेचा यांची जोडी काही वेगळीच. ठेचा हा एक शाकाहारी पदार्थ आहे मात्र तुम्हाला माहिती आहे का? हा पदार्थ तुम्ही अनोख्या पद्धतीनेही बनवू शकता. आज आम्ही तुम्हाला चिकन ठेच्याची रेसिपी सांगत आहोत. होय, तुम्ही बरोबर ऐकले.. ऐकून आश्चर्य वाटेल पण हा चिकन ठेचा चवीला अप्रतिम लागतो. नॉनव्हेजप्रेमी असाल तर तुम्हाला ही रेसिपी फार आवडेल.

सध्या चिकन ठेच्याची एक अनोखी रेसिपी सध्या सोशल मीडियावर व्हायरल होत आहे. सध्या विकेंड जवळ आला आहे अशात तुम्ही या निमित्त चिकन ठेच्याची झणझणीत रेसिपी ट्राय करू शकता. ही रेसिपी तुमच्या विकेंडची मजा द्विगुणित करेल शिवाय फार कमी वेळेत बनून तयारही होईल. चला तर मग यासाठी लागणारे सर्व साहित्य आणि कृती नोट करून घेऊया.

प्रयागराजची प्रसिद्ध खस्ता कचोरी आता घरीच बनवा, संध्याकाळचा नाश्ता होईल आणखीनच खास

साहित्य

• शिजवलेलं चिकन
• हिरवी मिरची
• लसूण पाकळ्या
• आलं
• कोथिंबीर
• मीठ
• तेल
• जिरे

See more

Banana Cake: मायक्रोवेव्हमध्ये नाही तर पॅनमध्ये बनवा हेल्दी-टेस्टी बनाना केक, एकदा खाल तर खातच रहाल

कृती

• चिकन ठेचा बनवण्यासाठी सर्वप्रथम चार ते पाच हिरव्या मिरच्या, आलं आणि कोथिंबीर एकत्र करा
• यानंतर पाट्या वरवंटा किंवा खलबत्यात बारीक वाटून घ्या
• यानंतर यात शिजवलेलं चिकनचे तुकडे आणि मीठ टाका पुन्हा सर्व साहित्य नीट ठेचून घ्या
• गॅसवर तवा ठेवा आणि यात तेल टाका
• तेल गरम झाले की यात जिऱ्याची फोडणी द्या
• तेल गरम झाले की यावर ठेचलेले साहित्य टाका आणि व्यवस्थित मिक्स करा
• काही मिनिटे हा ठेचा छान परता आणि खाण्यासाठी सर्व्ह करा
• गरमा गरम भाकरीसोबत तुम्ही हा ठेचा खाण्यासाठी सर्व्ह करू शकता
• चिकन ठेच्याची ही रेसिपी @sm.katta नावाच्या इंस्टाग्राम अकाऊंटवरून शेअर करण्यात आली आहे