Banana Cake: मायक्रोवेव्हमध्ये नाही तर पॅनमध्ये बनवा हेल्दी-टेस्टी बनाना केक, एकदा खाल तर खातच रहाल

तुम्हाला माहिती आहे का? तुम्ही आता मायक्रोवेव्हशिवाय घरीच चवदार असा केक तयार करू शकता. आज आम्ही तुम्हाला केळीपासून मऊदार आणि चविष्ट असा केक कसा तयार करायचा याची एक सोपी रेसिपी सांगत आहोत.

(फोटो सौजन्य: Pinterest)

Follow Us:

Follow Us:

केक हा एक असा पदार्थ आहे जो लहानांपासून मोठ्यांपर्यंत सर्वांनाच खायला फार आवडतो. हा एक पाश्चात्य पदार्थ असला तरी जगभरात याला आवडीने खाल्ले जाते. आपल्याकडे अधिकतर कोणाचा वाढदिवस किंवा कोणती गोष्ट साजरी करायची असेल तेव्हा आवर्जून केक आणला जातो आणि आनंद साजरा केला जातो. हा केक अधिकतर बाजारातून विकत घेतला जातो मात्र आम्ही तुम्हाला सांगतो की, तुम्ही हा केक घरीदेखील अगदी सहज आणि सोप्या पद्धतीने तयार करू शकता.

आज आम्ही तुम्हाला या लेखात केळीचा केक कसा बनवायचा याची एक सोपी रेसिपी सांगत आहोत. मुख्य म्हणजे यासाठी तुम्हाला मायक्रोवेव्हचीही गरज नाही. तुम्ही हा केक पॅनमध्येच तयार करू शकता. कोणत्या खास प्रसंगी घरातील सर्वांना खुश करायचे असल्यास ही रेसिपी तुमच्या कामी येईल. केळीपासून तयार केलेला हा मऊदार केक सर्वांनाच फार आवडेल. अजूनही कधी घरी केक बनवून पाहिला नसेल तर एकदा तरी ही रेसिपी ट्राय करून पहाच. जाणून घ्या यासाठी लागणारे साहित्य आणि कृती.

नारळाची चटणी खाऊन कंटाळा आलाय? मग यावेळी इडली-डोसासोबत बनवा शेंगदाण्याची चटणी

साहित्य

• दोन पिकलेली केळी
• एक वाटी गव्हाचे पीठ
• अर्धी वाटी मध किंवा गूळ पावडर
• एक चतुर्थांश कप दूध
• दोन चमचे तेल किंवा बटर
• एक चमचा बेकिंग पावडर
• अर्धा चमचा बेकिंग सोडा
• एक चमचा व्हॅनिला इसेन्स
• दालचिनी पावडर
• एक चिमूटभर मीठ
• व्हॅनिला इसेन्स
• ड्रायफ्रूट्स ( बदाम, काजू, अक्रोड)

घरीच बनवा वर्षानुवर्षे टिकणारं भरलेलं तिखट मिरचीचं लोणचं, पाहता क्षणी तोंडाला पाणी सुटेल

कृती

• केळीचा केक बनवण्यासाठी प्रथम केळी सोलून चांगले मॅश करा
• आता एका भांड्यात मॅश केलेली केळी, दूध, लोणी, मध आणि व्हॅनिला इसेन्स घालून मिक्स करा
• यानंतर या मिश्रणात मीठ आणि दालचिनी पावडर घाला आणि मिक्स करा
• आता एका भांड्यात गव्हाचे पीठ, बेकिंग पावडर आणि बेकिंग सोडा घालून चाळून घ्या
• हे मिश्रण केळीच्या मिश्रणात घालून मिक्स करा. जर पीठ खूप घट्ट झाले तर तुम्ही त्यात थोडे दूध घालू शकता
• यानंतर या पिठात चिरलेले बदाम, अक्रोड आणि काजू मिसळा
• आता गॅसवर नॉन-स्टिक पॅन ठेवा आणि मंद आचेवर गरम करा
• पॅनला तेलाने ग्रीस करा आणि केकचे पिठ हळूहळू पॅनमध्ये घाला आणि झाकणाने झाकून ठेवा. आता तुम्हाला हा
• केक साधारण अर्धा तास मंद आचेवर शिजू द्यावा लागेल
• 25-30 मिनिटांनंतर, केकमध्ये टूथपिक घाला आणि केक व्यवस्थित शिजला आहे की नाही ते तपासा. केक
• शिजला असेल तर कढईतून बाहेर काढा आणि थंड होऊ द्या
• तुमचा केळीचा केक सर्व्ह करण्यासाठी तयार आहे. या केकचे तुकडे करून तुम्ही सर्व्ह करू शकता

Web Title: Make this healthy tasty banana cake in a pan instead of in the microwave recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com